ಡೆಹ್ರಾಡೂನ್: ಉತ್ತರಾಖಂಡ್ ನ ರೈಲು ನಿಲ್ದಾಣಗಳಲ್ಲಿನ ಸೂಚನಾ ಫಲಕಗಳಲ್ಲಿ ಉರ್ದು ಭಾಷೆಯ ಬದಲು ಸಂಸ್ಕೃತ ಭಾಷೆಯನ್ನು ಬಳಕೆ ಮಾಡಲು ರೈಲ್ವೆ ಇಲಾಖೆ ನಿರ್ಧರಿಸಿದೆ.
ಉತ್ತರಾಖಂಡ್ ನ ಎರಡನೇ ಭಾಷೆ ಸಂಸ್ಕೃತವಾಗಿದ್ದು, ನಿಯಮಗಳ ಪ್ರಕಾರ ಬದಲಾವಣೆ ತರಲಾಗುತ್ತಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಹಿಂದಿ, ಇಂಗ್ಲೀಷ್, ಉರ್ದು ಗಳ ಬದಲಾಗಿ ರೈಲ್ವೆ ನಿಲ್ದಾಣಗಳ ಹೆಸರುಗಳನ್ನು, ಪ್ಲಾಟ್ ಫಾರ್ಮ್ ನ ಸೂಚನಾ ಫಲಕಗಳು ರಾಜ್ಯಾದ್ಯಂತ ಈಗ ಹಿಂದಿ, ಇಂಗ್ಲೀಷ್ ಸಂಸ್ಕೃತಗಳಲ್ಲಿ ಇರಲಿವೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
2010 ಕ್ಕಿಂತ ಮೊದಲು ಉರ್ದು ಭಾಷೆ ಉತ್ತರಾಖಂಡ್ ನ ಎರಡನೇ ಅಧಿಕೃತ ಭಾಷೆಯಾಗಿತ್ತು. ನಂತರ ಸಂಸ್ಕೃತವನ್ನು ಎರಡನೇ ಅಧಿಕೃತ ಭಾಷೆಯನ್ನಾಗಿಸಲಾಗಿತ್ತು.
Advertisement