ತಂದೆಯ ಇಚ್ಛೆಯನ್ನು ಈಡೇರಿಸುವುದಕ್ಕಾಗಿ ವ್ಯಕ್ತಿಯೋರ್ವ ಬೊಂಬೆಯ ಜೊತೆ ವಿವಾಹವಾಗಿರುವ ವಿಲಕ್ಷಣ ಘಟನೆ ಉತ್ತರ ಪ್ರದೇಶದ ಪ್ರಯಾಗ್ ರಾಜ್ ನಡೆದಿದೆ.
ಶಿವ ಮೋಹನ್ ಎಂಬ ವ್ಯಕ್ತಿ ತಮ್ಮ ಇಚ್ಛೆಯನ್ನು ಈಡೇರಿಸಿಕೊಳ್ಳುವುದಕ್ಕಾಗಿ ಮರದ ಬೊಂಬೆಯ ಜೊತೆ ಮಗನ ಮದುವೆ ನಡೆಸಿದ್ದಾರೆ.
ಘುರ್ ಪುರದಲ್ಲಿ ಶಾಸ್ತ್ರೋಕ್ತವಾಗಿ ಈ ವಿವಾಹ ನಡೆದಿದ್ದು, ವಿವಾಹದ ಸಂದರ್ಭದಲ್ಲಿ ನಡೆಸಲಾಗುವ ಎಲ್ಲಾ ಶಾಸ್ತ್ರಗಳನ್ನೂ ನಡೆಸಿದ್ದಾರೆ.
ಇನ್ನು ಮಗನ ಮದುವೆಯನ್ನು ಈ ರೀತಿ ನಡೆಸುವುದರ ಹಿಂದಿನ ಕಾರಣ ಇಷ್ಟೇ ವಿಚಿತ್ರವಾಗಿದೆ.!
"ನನಗೆ 9 ಜನ ಗಂಡು ಮಕ್ಕಳು ಈ ಪೈಕಿ 8 ಜನಕ್ಕೆ ವಿವಾಹವಾಗಿದೆ. ಆದರೆ 9 ನೇ ಮಗನಿಗೆ ಆಸ್ತಿ ಇಲ್ಲ, ಬುದ್ಧಿವಂತನೂ ಅಲ್ಲ, ಹಾಗಾಗಿ ಅವನಿಗೆ ಬೊಂಬೆಯೊಂದಿಗೆ ಮದುವೆ ಮಾಡಿಸಿದೆ ಎಂದು ಹೇಳಿದ್ದಾರೆ. ಈ ವಿವಾಹಕ್ಕೆ ಸಂಬಂಧಿಕರು ಬಂದಿದ್ದರು.
ಸಾಮಾನ್ಯವಾಗಿ ದೋಷಗಳಿದ್ದರೆ ವಿವಾಹವನ್ನು ಬೊಂಬೆ ಅಥವಾ ಪ್ರಾಣಿಗಳೊಂದಿಗೆ ನೆರವೇರಿಸಿ ನಂತರ ಶಾಸ್ತ್ರೋಕ್ತ ವಿವಾಹ ನಡೆಸುವ ಸಂಪ್ರದಾಯವಿದೆ. ಆದರೆ ತಂದೆಯ ಇಚ್ಛೆ ಈಡೇರಿಸಲು ಮರದ ಬೊಂಬೆಯ ಜೊತೆ ವಿವಾಹವಾಗಿರುವ ವಿಲಕ್ಷಣ ಘಟನೆ ಇದಾಗಿದೆ.
Advertisement