ನವದೆಹಲಿ: ಕೋವಿಡ್-19 ಒಂದು ತಲೆಮಾರಿನ ಸವಾಲು ಇದನ್ನು ಹೊಸ ಮತ್ತು ನವೀನ ಪರಿಹಾರಗಳ ಮೂಲಕ ನಿಭಾಯಿಸುವ ಅವಶ್ಯಕತೆಯಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಹೇಳಿದ್ದಾರೆ, ಮಾದ್ಯಮ ಪ್ರತಿನಿಧಿಗಳೊಡನೆ ಗೆ ವಿಡಿಯೋ ಕಾನ್ಫರೆನ್ಸ್ ಮೂಲಕ ಮಾತನಾಡಿದ ಪ್ರಧಾನಿ "ವರದಿಗಾರರು, ಕ್ಯಾಮೆರಾಪರ್‌ಸನ್‌ಗಳು ಮತ್ತು ತಂತ್ರಜ್ಞರ ದಣಿವರಿಯದ ಪ್ರಯತ್ನಗಳು ರಾಷ್ಟ್ರಕ್ಕೆ ಒಂದು ದೊಡ್ಡ ಸೇವೆಯಾಗಿದೆ. ಸಕಾರಾತ್ಮಕ ಸಂವಹನದ ಮೂಲಕ ಮಾಧ್ಯಮಗಳು ನಿರಾಶಾವಾದ ಮತ್ತು ಭೀತಿಯನ್ನು ಓಡಿಸಬೇಕಿದೆ.ಕೋವಿಡ್--19 ಒಂದು ಜೀವಮಾನದ ಸವಾಲು ಮತ್ತು ಅದನ್ನು ಹೊಸ ಮತ್ತು ನವೀನ ಪರಿಹಾರಗಳ ಮೂಲಕ ನಿಭಾಯಿಸಬೇಕಾಗಿದೆ" ಪ್ರಧಾನಿ ಕಚೇರಿ ಬಿಡುಗಡೆ ಮಾಡಿದ ಹೇಳಿಕೆ ತಿಳಿಸಿದೆ.
"ಸುದೀರ್ಘ ಯುದ್ಧ ನಡೆಯಬೇಕಿದೆ. ಆ ಮೂಲಕ ಸಾಮಾಜಿಕ ಅಂತರದ ಬಗ್ಗೆ ಜಾಗೃತಿ ಮೂಡಿಸಬೇಕು ಮತ್ತು ಇತ್ತೀಚಿನ ಬೆಳವಣಿಗೆಗಳು ಮತ್ತು ಪ್ರಮುಖ ನಿರ್ಧಾರಗಳ ಬಗ್ಗೆ ಮಾಹಿತಿಯನ್ನು ಚಾನೆಲ್‌ಗಳುಸುಲಭವಾಗಿ ಗ್ರಹಿಸುವ ಭಾಷೆಯ ಮೂಲಕ ಸಂವಹನ ಮಾಡಬೇಕಾಗುತ್ತದೆ" ಎಂದು ಪ್ರಧಾನಿ ಹೇಳಿದರು .
ಸುದ್ದಿ ವಾಹಿನಿಗಳು ಪ್ರತಿಕ್ರಿಯೆಯ ಪ್ರಮುಖ ಸಾಧನವಾಗಿ ಕಾರ್ಯನಿರ್ವಹಿಸುತ್ತವೆ ಮತ್ತು ಸರ್ಕಾರವು ಈ ಪ್ರತಿಕ್ರಿಯೆಯ ಬಗ್ಗೆ ನಿರಂತರವಾಗಿ ಗಮನಿಸುತ್ತಿದೆ. ಕ್ಷೇತ್ರದ ವರದಿಗಾರರಿಗೆ ಮೀಸಲಾದ ಬೂಮ್ ಮೈಕ್‌ಗಳನ್ನು ಒದಗಿಸಲು ಮತ್ತು ಸಂದರ್ಶನಗಳನ್ನು ನಡೆಸುವಾಗ ಕನಿಷ್ಠ ಒಂದು ಮೀಟರ್ ದೂರವನ್ನು ಕಾಯ್ದುಕೊಳ್ಳುವಂತಹ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವಂತೆ ಮೋದಿ ಚಾನೆಲ್‌ಗಳಿಗೆ ಸೂಚಿಸಿದರು.
ವೈಜ್ಞಾನಿಕ ವರದಿಗಳನ್ನು ಪ್ರಸಾರ ಮಾಡಲು, ತಿಳುವಳಿಕೆಯುಳ್ಳ ಜನರನ್ನು ಅವರ ಚರ್ಚೆಗಳಲ್ಲಿ ತೊಡಗಿಸಿಕೊಳ್ಳಲು ಮತ್ತು ತಪ್ಪು ಮಾಹಿತಿಯ ಹರಡುವಿಕೆ ತಡೆಗಟ್ಟಲು ಅವರು ಚಾನೆಲ್‌ಗಳಿಗೆ ಮನವಿ ಮಾಡಿದ್ದಾರೆ..
ಜನರೊಂದಿಗೆ ಪ್ರಧಾನಮಂತ್ರಿಯವರ ಭಾವನಾತ್ಮಕ ಸಂಪರ್ಕವನ್ನು ಉಲ್ಲೇಖಿಸಿ, ಸುದ್ದಿ ವಾಹಿನಿಗಳ ಪ್ರತಿನಿಧಿಗಳು ರಾಷ್ಟ್ರಉದ್ದೇಶಿಸಿ ಮತ್ತು ಸಕಾರಾತ್ಮಕ ಕಥೆಗಳನ್ನು, ವಿಶೇಷವಾಗಿ ಕೋವಿಡ್ -19 ನಿಂದ ಚೇತರಿಸಿಕೊಂಡವರ ಅನುಭವಗಳನ್ನು ತಮ್ಮ ಸುದ್ದಿಗಳಲ್ಲಿ ಸೇರಿಸಿಕೊಳ್ಳಿ ಎಂದು ಪ್ರಧಾನಿ ಹೇಳಿದ್ದಾರೆ.
ವದಂತಿಗಳನ್ನು ಹರಡುವಿಕೆಯನ್ನು ಪರಿಶೀಲಿಸಲು 24x7 ಲಭ್ಯವಿರುವ ವೈದ್ಯರೊಂದಿಗೆ ಮೀಸಲಾದ ವಿಭಾಗವನ್ನು ಸ್ಥಾಪಿಸಬಹುದು ಎಂದು ಅವರು ಹೇಳಿದರು. ಪ್ರಸಾರ ಭಾರತಿ ದಿನಕ್ಕೆ ಎರಡು ಬಾರಿ ಅಧಿಕೃತ ಮಾಹಿತಿಯನ್ನು ನೀಡಬಹುದು, ಇದನ್ನು ಇತರ ದೂರದರ್ಶನ ಚಾನೆಲ್‌ಗಳು ಬಳಸಬಹುದು. ಸಲಹೆಗಳು ಮತ್ತು ಅಮೂಲ್ಯವಾದ ಮಾಹಿತಿಗಾಗಿ ಮಾತ್ರವಲ್ಲದೆ ಕರೆನ್ಸಿ ನೋಟುಗಳ ಮೂಲಕ ವೈರಸ್ ಹರಡುವುದನ್ನು ತಪ್ಪಿಸಲು ಡಿಜಿಟಲ್ ಪಾವತಿ ಕಾರ್ಯವಿಧಾನಗಳ ಬಗ್ಗೆ ಜಾಗೃತಿ ಮೂಡಿಸುವಂತೆ ಅವರು ಚಾನೆಲ್‌ಗಳಿಗೆ ವಿನಂತಿಸಿದರು.
Advertisement