ಡಿಆರ್‌ಡಿಒ ನಿಂದ ‘ಅಲ್ಟ್ರಾ ವೈಲೆಟ್’ ಸೋಂಕು ನಿರೋಧಕ ಸಿಂಪಡಣೆ ಗೋಪುರ

ಬಾಲಸೋರ್: ಕೊರೊನವೈರಸ್‍ ಹೆಚ್ಚು ತೀವ್ರವಾಗಿರುವ ಪ್ರದೇಶಗಳಲ್ಲಿ ರಾಸಾಯನಿಕ ಮುಕ್ತ ಅಲ್ಟ್ರಾ ವೈಲೆಟ್ (ಯುವಿ) ಸೋಂಕು ನಿರೋಧಕ ಸಿಂಪಡಣೆ ಗೋಪುರವನ್ನು ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಒ) ಅಭಿವೃದ್ಧಿಪಡಿಸಿದೆ.

‘ಯುವಿ ಬ್ಲಾಸ್ಟರ್’ ಹೆಸರಿನ ಈ ಸಾಧನ, ಅಲ್ಟ್ರಾವೈಲಟ್‍ ಆಧಾರಿತ ಸ್ಯಾನಿಟೈಸರ್ ಆಗಿದ್ದು ಇದನ್ನು ದೆಹಲಿ ಮೂಲದ ಡಿಆರ್‍ ಡಿಓ ಪ್ರಧಾನ ಪ್ರಯೋಗಾಲಯವಾದ ಲೇಸರ್ ವಿಜ್ಞಾನ ಮತ್ತು ತಂತ್ರಜ್ಞಾನ ಕೇಂದ್ರ (ಲಾಸ್ಟೆಕ್) ವಿನ್ಯಾಸಗೊಳಿಸಿ ಅಭಿವೃದ್ಧಿ ಪಡಿಸಿದೆ. ಗುರುಗ್ರಾಮ್‍ ನ ನ್ಯೂ ಏಜ್ ಇನ್ಸ್ಟ್ರುಮೆಂಟ್ಸ್ ಅಂಡ್ ಮೆಟೀರಿಯಲ್ಸ್ ಸಂಸ್ಥೆ ಇದಕ್ಕೆ ನೆರವು ಒದಗಿಸಿದೆ ಎಂದು ರಕ್ಷಣಾ ಸಚಿವಾಲಯ ಬಿಡುಗಡೆ ಮಾಡಿರುವ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.