ಉತ್ತರಾಖಂಡ್ ಕಾಂಗ್ರೆಸ್ ಗೆ ದಲಿತ ನಾಯಕ ಅಧ್ಯಕ್ಷ!?

ನವದೆಹಲಿ: ಉತ್ತರಾಖಂಡ್ ಕಾಂಗ್ರೆಸ್ ಗೆ ದಲಿತ ಸಮುದಾಯದ ನಾಯಕ ಅಧ್ಯಕ್ಷರಾಗುವ ಸಾಧ್ಯತೆ ಇದೆ. 

ಐಎಎನ್ಎಸ್ ವರದಿಯ ಪ್ರಕಾರ ಹಲವು ಸುತ್ತಿನ ಚರ್ಚೆಯ ಬಳಿಕ ಈ ಪ್ರಸ್ತಾವನೆಯನ್ನು ಪಕ್ಷದ ಅಧ್ಯಕ್ಷರಿಗೆ ಕಳಿಸಿಕೊಡಲಾಗಿದೆ.

ಆದರೆ ಉತ್ತರಾಖಂಡ್ ನ ಕಾಂಗ್ರೆಸ್ ರಾಜ್ಯಾಧ್ಯಕ್ಷರಾಗುವ ಸಾಧ್ಯತೆ ಇರುವ ಆ ದಲಿತ ನಾಯಕರ ಹೆಸರನ್ನು ಈ ವರೆಗೂ ಬಹಿರಂಗಗೊಳಿಸಲಾಗಿಲ್ಲ.

ರಾಜ್ಯದಲ್ಲಿ ಮುಂಬರುವ ವಿಧಾನಸಭಾ ಚುನಾವಣೆ ಕಾಂಗ್ರೆಸ್ ಗೆ ಮಹತ್ವದ್ದಾಗಿದ್ದು, 18 ವಿಧಾನಸಭಾ ಕ್ಷೇತ್ರಗಳಲ್ಲಿ ದಲಿತರು ನಿರ್ಣಾಯಕರಾಗಿದ್ದು, ಉಳಿದೆಡೆ 5,000-10,000 ಮತಗಳನ್ನು ಹೊಂದಿದ್ದಾರೆ. ಬಹುಜನ ಸಮಾಜವಾದಿ ಪಕ್ಷ ದಲಿತ ಮತಗಳನ್ನು ಸೆಳೆಯುವುದನ್ನು ತಪ್ಪಿಸಲು ಕಾಂಗ್ರೆಸ್ ಈ ರಣತಂತ್ರ ರೂಪಿಸಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.