ಶ್ರೀನಗರ: ಮಧ್ಯ ಕಾಶ್ಮೀರ ಜಿಲ್ಲೆಯಾದ ಬದ್ಗಾಮ್ನಲ್ಲಿ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳೊಂದಿಗೆ ನಾಲ್ವರನ್ನು ಮಂಗಳವಾರ ಬಂಧಿಸಲಾಗಿದೆ.
ನಿರ್ದಿಷ್ಟ ಮಾಹಿತಿಯನ್ನು ಆಧರಿಸಿ ಬದ್ಗಾಮ್ ನ ಚಾದೂರಾದಲ್ಲಿ ನಡೆಸಲಾದ ಶೋಧ ಕಾರ್ಯಾಚರಣೆ ವೇಳೆ ಪೊಲೀಸರು ನಾಲ್ವರನ್ನು ಬಂಧಿಸಿದ್ದಾರೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.
ಬಂಧಿತರಿಂದ ಎರಡು ಗ್ರೆನೇಡ್ ಗಳು, ಪಿಸ್ತೂಲ್ ಮ್ಯಾಗಜೀನ್, 8 ಪಿಸ್ತೂಲ್ ಗುಂಡು ಸುತ್ತುಗಳು ಮತ್ತು 30 ಎಕೆ -47 ಗುಂಡು ಸುತ್ತುಗಳನ್ನು ಒಳಗೊಂಡಂತೆ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಅವರು ಹೇಳಿದ್ದಾರೆ.
ಆರೋಪಿಗಳನ್ನು ತಾಹಿರ್ ಜಹಾಂಗೀರ್ ದಾರ್, ಅರ್ಷಿದ್ ಮುಷ್ತಾಕ್ ಬಘಾಟ್, ನಿಸಾರ್ ಬಶೀರ್ ಬಾಗಾಟ್ ಮತ್ತು ಆದಿಲ್ ಬಶೀರ್ ವಾನಿ ಎಂದು ಗುರುತಿಸಲಾಗಿದೆ ಎಂದು ಅವರು ಹೇಳಿದ್ದಾರೆ.
Advertisement