ಗಡಿ ಭದ್ರತೆಗಾಗಿ ರಸ್ತೆಗಳ ನಿರ್ಮಾಣಕ್ಕೆ ಮೋದಿ ಸರ್ಕಾದ ಗಮನ ಚೀನಾವನ್ನು ಅಲುಗಾಡಿಸಿದೆ: ಜೆಪಿ ನಡ್ಡಾ 

ಶಿಮ್ಲಾ: ದೇಶದ ಗಡಿಗಳನ್ನು ಭದ್ರಪಡಿಸಲು ಎನ್ ಡಿಎ ಸರ್ಕಾರ ಎಲ್ಲಾ ಕ್ರಮಗಳನ್ನೂ ಕೈಗೊಂಡಿದೆ, ಗಡಿ ಭಾಗದಲ್ಲಿ ರಸ್ತೆಗಳನ್ನು ನಿರ್ಮಿಸುತ್ತಿರುವುದು ಚೀನಾವನ್ನು ಅಲುಗಾಡಿಸಿದೆ ಎಂದು ಬಿಜೆಪಿ ರಾಷ್ಟ್ರಾಧ್ಯಕ್ಷ ಜೆಪಿ ನಡ್ಡಾ ಹೇಳಿದ್ದಾರೆ. 

ಹಿಮಾಚಲ ಪ್ರದೇಶದಲ್ಲಿ ಬಿಜೆಪಿಯ 6 ಕಚೇರಿಗಳಿಗೆ ಶಂಕುಸ್ಥಾಪನೆ ನೆರವೇರಿಸಿದ ನಡ್ಡಾ, ಪ್ರಧಾನಿ ನರೇಂದ್ರ ಮೋದಿ ಅವರ ನೇತೃತ್ವದಲ್ಲಿ ಸರ್ಕಾರ ಕಳೆದ 6 ವರ್ಷಗಳಲ್ಲಿ ಗಲ್ವಾನ್ ಕಣಿವೆಯಿಂದ ಅರುಣಾಚಲದ ಗಡಿ ಪ್ರದೇಶಗಳಲ್ಲಿ ಎಲ್ಲಾ ಋತುಗಳಿಗೂ ಹೊಂದಬಲ್ಲ 4,700 ಕಿ.ಮೀ ಚತುಷ್ಪಥ ರಸ್ತೆಗಳನ್ನು ನಿರ್ಮಿಸಿದೆ. 

ಇದೇ ಮಾದರಿಯಲ್ಲಿ ಡಬಲ್ ಲೇನ್ ಬ್ರಿಡ್ಜ್ ಗಳನ್ನೂ ಒಟ್ಟಾರೆ 14.7 ಕಿ.ಮೀ ಉದ್ದದ ನಿರ್ಮಿಸಿದ್ದು, ಭಾರತದ ಈ ಶಕ್ತಿ ಚೀನಾವನ್ನು ಕಂಗೆಡಿಸಿದೆ ಎಂದು ನಡ್ಡಾ ಹೇಳಿದ್ದಾರೆ.