ಡ್ರಗ್ಸ್ ಕೇಸ್: ಎನ್'ಸಿಬಿ ಮುಂದೆ ವಿಚಾರಣೆಗೆ ನಟಿ ದೀಪಿಕಾ ಪಡುಕೋಣೆ ಹಾಜರು

ಮಾದಕ ವಸ್ತು ಸೇವನೆ ಪ್ರಕರಣ ಸಂಬಂಧ ಬಾಲಿವುಡ್'ನ ಖ್ಯಾತ ನಟಿ ದೀಪಿಕಾ ಪಡುಕೋಣೆಯವರು ಶನಿವಾರ ಮಾದಕ ವಸ್ತು ನಿಯಂತ್ರಣ ದಳ (ಎನ್'ಸಿಬಿ) ಮುಂದೆ ವಿಚಾರಣೆಗೆ ಹಾಜರಾಗಿದ್ದಾರೆ. 
ವಿಚಾರಣೆಗೆ ತೆರಳುತ್ತಿರುವ ದೀಪಿಕಾ ಪಡುಕೋಣೆ
ವಿಚಾರಣೆಗೆ ತೆರಳುತ್ತಿರುವ ದೀಪಿಕಾ ಪಡುಕೋಣೆ

ಮುಂಬೈ: ಮಾದಕ ವಸ್ತು ಸೇವನೆ ಪ್ರಕರಣ ಸಂಬಂಧ ಬಾಲಿವುಡ್'ನ ಖ್ಯಾತ ನಟಿ ದೀಪಿಕಾ ಪಡುಕೋಣೆಯವರು ಶನಿವಾರ ಮಾದಕ ವಸ್ತು ನಿಯಂತ್ರಣ ದಳ (ಎನ್'ಸಿಬಿ) ಮುಂದೆ ವಿಚಾರಣೆಗೆ ಹಾಜರಾಗಿದ್ದಾರೆ. 

ಡ್ರಗ್ಸ್ ಪ್ರಕರಣ ಸಂಬಂಧ ದೀಪಿಕಾ ಪಡುಕೋಣೆಯವರಿಗೆ ಶುಕ್ರವಾರ ಹಾಜರಾಗಲು ಎನ್'ಸಿಬಿ ಸೂಚನೆ ನೀಡಿತ್ತು. ಆದರೆ, ಶನಿವಾರ ವಿಚಾರಣೆಗೆ ಹಾಜರಾಗುವುದಾಗಿ ದೀಪಿಕಾ ತಿಳಿಸಿದ್ದರು. ಇದರಂತೆ ಇಂದು ದೀಪಿಕಾ ಅವರು ವಿಚಾರಣೆಗೆ ಹಾಜರಾಗಿದ್ದಾರೆ. 

ಬಾಲಿವುಡ್'ನ ದೀಪಿಕಾ ಪಡುಕೋಣೆಯವರು ಡ್ರಗ್ಸ್'ಗೆ ಬೇಡಿಕೆ ಇಟ್ಟಿದ್ದರು ಎನ್ನಲಾಗಿದ್ದ ವಾಟ್ಸ್'ಆಪ್ ಗ್ರೂಪ್'ಗೆ ದೀಪಿಕಾ ಅವರೇ ಆಡ್ಮಿನ್ ಆಗಿದ್ದರು ಎಂದು ಹೇಳಲಾಗುತ್ತಿದೆ. ಕ್ವಾನ್ ಕಂಪನಿಯಲ್ಲಿ ಟ್ಯಾಲೆಟ್ ಮ್ಯಾನೇಜರ್ ಆಗಿರುವ ಜಯಾ ಸಹಾ ಎಂಬಾಕೆ ಈ ಗ್ರೂಪ್ ಮಾಡಿದ್ದು, ಅದರಲ್ಲಿ ದೀಪಿಕಾ ಅವರ ಮ್ಯಾನೇಜರ್ ಆಗಿರುವ ಕರೀಷ್ಮಾ ಪ್ರಕಾಶ್ ಅವರೂ ಕೂಡ ಆಡ್ಮಿನ್ ಆಗಿದ್ದರು ಎಂದು ಹೇಳಲಾಗುತ್ತಿದೆ. 

ಈ ಗ್ರೂಪ್'ಗೆ ಡಿಪಿ ಕೆಎ ಕ್ವಾನ್ ಎಂಬ ಹೆಸರಿಡಲಾಗಿತ್ತು, ಡಿಪಿ ಎಂದರೆ ದೀಪಿಕಾ ಪಡುಕೋಣೆ, ಕೆಎ ಎಂದರೆ ಕರೀಷ್ಮಾ, ಕ್ವಾನ್ ಎಂದರೆ ಕ್ವಾನ್ ಕಂಪನಿಯಾಗಿದೆ ಎಂದು ಖಾಸಗಿ ಟಿವಿಯೊಂದು ವರದಿ ಮಾಡಿದೆ. 

ಈ ಗ್ರೂಪ್ ನಲ್ಲಿ 2017ರಲ್ಲಿ ನಡೆದಿರುವ ಚಾಟ್ ವೊಂದರಲ್ಲಿ ದೀಪಿಕಾ ಮಾಲ್'ಗೆ ಬೇಡಿಕೆ ಇಡುವ, ಗಾಂಜಾ ಬೇಡ ಹಶೀಸ್ ಬೇಕು ಎಂದು ಕೇಳುವ ಚಾಟ್ ಬಹಿರಂಗವಾಗಿದೆ. ಹೀಗಾಗಿ ದೀಪಿಕಾ ಅವರಿಗೆ ಎನ್'ಸಿಬಿ ಸಮನ್ಸ್ ಜಾರಿಗೆ ಎಂದು ಹೇಳಲಾಗುತ್ತಿದೆ. 

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com