ಪುದುಚೇರಿಯಲ್ಲಿ ಏಳನೇ ಬಾರಿಗೆ ರಾಷ್ಟ್ರಪತಿ ಆಳ್ವಿಕೆ ಜಾರಿ

ಪುದುಚೇರಿ:30 ವರ್ಷಗಳ ನಂತರ, ಏಳನೇ ಬಾರಿ ಕೇಂದ್ರಾಡಳಿತ ಪ್ರದೇಶ ಪುದುಚೇರಿಯಲ್ಲಿ ರಾಷ್ಟ್ರಪತಿ ಆಳ್ವಿಕೆ ಜಾರಿಯಾಗಿದೆ.

ಐದು ಕಾಂಗ್ರೆಸ್ ಶಾಸಕರ ರಾಜೀನಾಮೆ ಮತ್ತು ಸದಸ್ಯರ ಅನರ್ಹತೆಯಿಂದಾಗಿ ಪುದುಚೇರಿಯಲ್ಲಿ ವಿ ನಾರಾಯಣಸಾಮಿ ನೇತೃತ್ವದ ಕಾಂಗ್ರೆಸ್ ಸರ್ಕಾರ ಪತನದ ನಂತರ ಈ ಬೆಳವಣಿಗೆ ನಡೆದಿದೆ. ಫೆಬ್ರವರಿ 22 ರಂದು ಕಾಂಗ್ರೆಸ್ ಸರ್ಕಾರ ವಿಧಾನಸಭೆಯಲ್ಲಿ ವಿಶ್ವಾಸ ಮತ ಕಳೆದುಕೊಂಡಿದೆ.

ಪುದುಚೇರಿಯಲ್ಲಿ ಮೊದಲ ಬಾರಿಗೆ ಸೆಪ್ಟೆಂಬರ್ 18, 1968 ರಿಂದ 17 ನೇ ಮಾರ್ಚ್ 1969 ರವರೆಗೆ (180 ದಿನಗಳು) ರಾಷ್ಟ್ರಪತಿ ಆಳ್ವಿಕೆ ಹೇರಲಾಗಿತ್ತು.ಅದಾದ ನಂತರದಲ್ಲಿ ಜನವರಿ 3, 1974 ರಿಂದ ಮಾರ್ಚ್ 6, 1974 ರವರೆಗೆ (62 ದಿನಗಳು), ಮಾರ್ಚ್ 28, 1974 ರಿಂದ ಜುಲೈ 2 1977 ರವರೆಗೆ (3 ವರ್ಷ ಮತ್ತು 96 ದಿನಗಳು) ), 1978 ರ ನವೆಂಬರ್ 12 ರಿಂದ 1980 ರ ಜನವರಿ 16 ರವರೆಗೆ (ಒಂದು ವರ್ಷ ಮತ್ತು 65 ದಿನಗಳು) 1983 ರ ಜೂನ್ 24 ರಿಂದ ಮಾರ್ಚ್ 16 ರವರೆಗೆ 1985- (ಒಂದು ವರ್ಷ ಮತ್ತು 265 ದಿಗಳು) ಮತ್ತು ಮಾರ್ಚ್ 4, 1991 ರಿಂದ ಜುಲೈ 3 ರವರೆಗೆ 1991- (121 ದಿನಗಳು). ರಾಷ್ಟ್ರಪತಿ ಆಡಳಿತ ಜಾರಿಯಲ್ಲಿತ್ತು.