ಕೇರಳ: ವಿಶ್ವದ ಅತ್ಯಂತ ಹಿರಿಯ ವಿದ್ಯಾರ್ಥಿ 107 ವರ್ಷದ ಭಾಗೀರಥಿ ಅಮ್ಮ ನಿಧನ

ತನ್ನ ಇಳಿವಯಸ್ಸಿನಲ್ಲಿ ಇನ್ನಷ್ಟು ಕಲಿಯಬೇಕೆಂಬ ಉತ್ಸಾಹದಿಂದ ಇದ್ದ ಭಗೀರಥಿ ಅಮ್ಮ ಎರಡು ಸಫಲವಾಗದ ಕನಸುಗಳೊಂದಿಗೆ ಇಹಲೋಕ ತ್ಯಜಿಸಿದ್ದಾರೆ.
ಭಾಗೀರಥಿ ಅಮ್ಮ
ಭಾಗೀರಥಿ ಅಮ್ಮ

ತಿರುವನಂತಪುರ: ಪ್ರಪಂಚದ ಅತಿ ಹಿರಿಯ ವಿದ್ಯಾರ್ಥಿ ಕೇರಳದ 107 ವರ್ಷದ ಭಾಗೀರಥಿ ಅಮ್ಮ ನಿಧನರಾಗಿದ್ದಾರೆ. ಅವರಿಗೆ ಭಾರತನಾರಿಶಕ್ತಿ ಪ್ರಶಸ್ತಿ ಲಭಿಸಿತ್ತು.

ಕೊಲ್ಲಂನ ಪ್ರಕುಲಂ ಮೂಲದ ಭಾಗೀರಥಿ ಅಮ್ಮ ರಾಜ್ಯ ಸಾಕ್ಷರತಾ ಮಿಷನ್‌ನ ಸಾಕ್ಷರತೆ ಮತ್ತು ಮುಂದುವರಿದ ಶಿಕ್ಷಣ ಚಟುವಟಿಕೆಗಳಿಗೆ ಪೋಸ್ಟರ್ ಗರ್ಲ್ ಆಗಿದ್ದರು, ತನ್ನ ಇಳಿವಯಸ್ಸಿನಲ್ಲಿ ಇನ್ನಷ್ಟು ಕಲಿಯಬೇಕೆಂಬ ಉತ್ಸಾಹದಿಂದ ಇದ್ದ ಭಗೀರಥಿ ಅಮ್ಮ ಎರಡು ಸಫಲವಾಗದ ಕನಸುಗಳೊಂದಿಗೆ ಇಹಲೋಕ ತ್ಯಜಿಸಿದ್ದಾರೆ.

ಭಾಗೀರತಿ ಅಮ್ಮ 7 ನೇ ತರಗತಿಯ ಸಮಾನ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ 10 ನೇ ತರಗತಿ ಪರೀಕ್ಷೆಗೆ ಹಾಜರಾಗಲು ಬಯಸಿದ್ದರು. ನಟ ಸುರೇಶ್ ಗೋಪಿಯೊಂದಿಗೆ ವೈಯಕ್ತಿಕವಾಗಿ ಮಾತನಾಡುವುದು ಅವಳ ಇನ್ನೊಂದು ಕನಸಾಗಿತ್ತು. ಅವರ ಈ ಎರಡು ಕನಸು ನನಸಾಗುವ ಮೊದಲೇ ಗುರುವಾರ ರಾತ್ರಿ 11.55 ಕ್ಕೆ ನಿಧನರಾಗಿದ್ದಾರೆ.

ಗಣಿತ ಪರೀಕ್ಷೆಯಲ್ಲಿ ಭಗೀರಥಿ ಅಮ್ಮ 75% ಅಂಕಗಳೊಂದಿಗೆ ಉತ್ತೀರ್ಣರಾಗಿ 100% ಅಂಕಗಳನ್ನು ಗಳಿಸಿದಾಗ ಪ್ರಧಾನಿ ನರೇಂದ್ರ ಮೋದಿ ಮನ್ ಕಿ ಬಾತ್ ನಲ್ಲಿ ಬಹಿರಂಗವಾಗಿ ಹೊಗಳಿದ್ದರು. 

ಭಾಗೀರಥಿ ಅಮ್ಮನ ಆಪ್ತ ಸ್ನೇಹಿತೆ ಮತ್ತು ನೆರೆಯ ಶಾರದಾ ಅವರ ಪುತ್ರಿ ಎಸ್.ಎನ್. ಶೆರ್ಲಿ ಅವರಿಗೆ ಕಲಿಸುತ್ತಿದ್ದರು. ಅವರ ಕಿರಿಯ ಮಗಳು ತಂಕಮಣಿ ಪಿಳ್ಳೈ ಕೂಡ ಜೊತೆಯಾಗಿ ನೆರವಾಗಿದ್ದರು,  ಇಡೀ ತ್ರಿಕ್ಕರು ಪಂಚಾಯತ್  ಇನ್ನಷ್ಟು ಕಲಿಯಲು ಅವರ ಪ್ರಯತ್ನವನ್ನು ಬೆಂಬಲಿಸಿತು ಮತ್ತು ಪ್ರೋತ್ಸಾಹಿಸಿತು. 

ಏಳನೇ ತರಗತಿಯ ಸಮಾನ ಪರೀಕ್ಷೆಗೆ ಶೆರ್ಲಿ ಭಾಗೀರಥಿ ಅಮ್ಮಾಗೆ ತರಬೇತಿ ನೀಡುತ್ತಿದ್ದರು ಆದಾಗ್ಯೂ, ಕಳೆದ ಕೆಲವು ತಿಂಗಳುಗಳಿಂದ, ಅವರು ತೀವ್ರ ದಣಿವಿನಿಂದ ಬಳಲುತ್ತಿತ್ತು, ಜೊತೆಗೆ ಅನಾರೋಗ್ಯ ಕಾಣಸಿಕೊಂಡಿತ್ತು. 

ಭಾಗೀರಥಿ ಅಮ್ಮ ದಿವಂಗತ ರಾಘವನ್ ಪಿಳ್ಳೈ ಅವರ ಪತ್ನಿ. ಪತ್ಮಕ್ಷಿ ಅಮ್ಮ, ತುಲಸೀಧರನ್ ಪಿಳ್ಳೈ, ಸೋಮನಾಥನ್ ಪಿಳ್ಳೈ, ಅಮ್ಮಿನಿ ಅಮ್ಮ ಮತ್ತು ತಂಕಮಣಿ ಎ ಪಿಳ್ಳೈ ಎಂಬ ಮಕ್ಕಳಿದ್ದಾರೆ.
 

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com