ಪಾಟ್ನ: ಬಿಹಾರದ ವೈಶಾಲಿ ಜಿಲ್ಲೆಯ ಟೌನ್ ಪೊಲೀಸ್ ಠಾಣೆ ವ್ಯಾಪ್ತಿಯ ಎಚ್ ಡಿಎಫ್ ಸಿ ಬ್ಯಾಂಕ್ ನಲ್ಲಿ ಗುರುವಾರ ಹಗಲು ದರೋಡೆ ನಡೆದಿದ್ದು, 1.19 ಕೋಟಿ ರೂಪಾಯಿಗಳನ್ನು ದೋಚಲಾಗಿದೆ. ದ್ವಿಚಕ್ರವಾಹನದಲ್ಲಿ ಬಂದ ಶಸ್ತ್ರಸಜ್ಜಿತ ದುಷ್ಕರ್ಮಿಗಳು ಹಣವನ್ನು ದೋಚಿದ್ದಾರೆ.
ಎರಡು ಮೋಟರ್ ಸೈಕಲ್ ಗಳಲ್ಲಿ ಬಂದ ಐವರು ಕ್ರಿಮಿನಲ್ ಗಳು ಎಚ್ ಡಿಎಫ್ ಸಿ ಬ್ಯಾಂಕ್ ಗೆ ನುಗ್ಗಿ, ಕ್ಯಾಷಿಯರ್ ಗೆ ಪಿಸ್ತೂಲು ತೋರಿಸಿ ಒಂದು ಕೋಟಿ 19 ಲಕ್ಷ ರೂ ದೋಚಿದ್ದಾರೆ. ಬೆಳಿಗ್ಗೆ 11.20 ಈ ದರೋಡೆ ನಡೆದಿದ್ದು. ದೋಚಿದ ನಗದು ಹಣದೊಂದಿಗೆ ಪರಾರಿಯಾಗುವಲ್ಲಿ ಕ್ರಿಮಿನಲ್ ಗಳು ಯಶಸ್ವಿಯಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಲೂಟಿಕೋರರನ್ನು ಬಂಧಿಸಲು ಪೊಲೀಸರು ಬಲೆ ಬೀಸಿದ್ದಾರೆ. ಹಿರಿಯ ಪೊಲೀಸ್ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿ ಪರಿಶೀಲಿಸಿದ್ದು, ಈ ಕರುತಿ ತನಿಖೆ ಮುಂದುವರೆದಿದೆ ಎಂದು ಅವರು ಹೇಳಿದ್ದಾರೆ.
ಈ ಮಧ್ಯೆ, ಕ್ರಿಮಿನಲ್ ಗಳ ಬಗ್ಗೆ ಸುಳಿವು ಪಡೆಯಲು ಬ್ಯಾಂಕ್ ಸಿಬ್ಬಂದಿಯನ್ನು ವಿಚಾರಿಸಲಾಗುತ್ತಿದೆ ಎಂದು ಅವರು ತಿಳಿಸಿದ್ದಾರೆ.
Advertisement