ಸಾಂದರ್ಭಿಕ ಚಿತ್ರ
Source : The New Indian Express
ನವದೆಹಲಿ: ಛತ್ತೀಸ್ ಗಢದ ನಕ್ಸಲ್ ಪೀಡಿತ ನಾರಾಯಣಪುರ ಜಿಲ್ಲೆಯಲ್ಲಿ ಶುಕ್ರವಾರ ಐಇಡಿ ಸ್ಫೋಟಗೊಂಡು ಐಟಿಬಿಪಿ ಯೋಧರೊಬ್ಬರು ಹುತಾತ್ಮರಾಗಿದ್ದಾರೆ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ಜಿಲ್ಲೆಯ ಕೊಹ್ಕಮೆಟಾ ಪ್ರದೇಶದಲ್ಲಿ ಮಾವೋವಾದಿಗಳು ನಡೆಸಿದ ಐಇಡಿ ಸ್ಫೋಟದಿಂದ ಐಟಿಬಿಪಿ 53ನೇ ಬೆಟಾಲಿಯನ್ ನ ಹೆಡ್ ಕಾನ್ಸ್ ಟೇಬಲ್ ರಾಮ್ಟರ್ ಮಂಗೇಶ್ ಮೃತಪಟ್ಟಿದ್ದಾರೆ.
ಸಂಜೆ 5 ಗಂಟೆ ಸುಮಾರಿನಲ್ಲಿ ಇಡೋ- ಟಿಬೆಟಿಯನ್ ಬಾರ್ಡರ್ ಪೊಲೀಸರ ತಂಡ ಕಾರ್ಯಾಚರಣೆಗಾಗಿ ಬಂದಾಗ ಈ ಘಟನೆ ನಡೆದಿದೆ. ಹುತಾತ್ಮ ಯೋಧ ಮಹಾರಾಷ್ಟ್ರದ ನಾಗ್ಪುರದವರು ಎಂದು ಅವರು ತಿಳಿಸಿದ್ದಾರೆ.
ದಾಂತೇವಾಡ ಜಿಲ್ಲೆಯಲ್ಲಿ ಗುರುವಾರ ನಕ್ಸಲೀಯರು ಐಇಡಿ ಸ್ಫೋಟಗೊಳಿಸಿದ್ದರಿಂದ ಛತ್ತೀಸ್ ಗಡ ಶಸಾಸ್ತ್ರ ಪಡೆಯ ಯೋಧರೊಬ್ಬರು ಹುತಾತ್ಮರಾಗಿದ್ದರು.
Stay up to date on all the latest ರಾಷ್ಟ್ರೀಯ news
