ಸಿಪಿಐ(ಎಂ) ಮುಖಂಡ, ಪಿಂಜ್ರಾ ಟಾಡ್ ಕಾರ್ಯಕರ್ತೆ ನತಾಶಾ ತಂದೆ ಮಹಾವೀರ್‌ ನರ್ವಾಲ್ ಕೋವಿಡ್ ಗೆ ಬಲಿ

ನವದೆಹಲಿ: ವಿಜ್ಞಾನಿ ಹಾಗೂ ಸಿಪಿಐ(ಎಂ) ಪಕ್ಷದ ಹಿರಿಯ ಸದಸ್ಯ  ಹಾಗೂ ಪಿಂಜ್ರಾ ಟಾಡ್ ಕಾರ್ಯಕರ್ತೆಯಾಗಿರುವ ಮಹಾವೀರ್‌ ಅವರ ಪುತ್ರಿ ನತಾಶಾ ನರ್ವಾಲ್‌ ತಂದೆ ಮಹಾವೀರ್‌ ನರ್ವಾಲ್ ಅವರು ಭಾನುವಾರ ನಿಧನರಾದರು. 

ಮಹಾವೀರ್‌ ನರ್ವಾಲ್ ಅವರಿಗೆ ಕೋವಿಡ್‌ ಸೋಂಕು ದೃಢಪಟ್ಟಿತ್ತು. ಅವರಿಗೆ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಭಾನುವಾರ ಸಂಜೆ ನಿಧನರಾದರು ಎಂದು ಅವರ ಕುಟುಂಬ ಮೂಲಗಳು ತಿಳಿಸಿವೆ. ಮಹಾವೀರ್‌ ನರ್ವಾಲ್‌ ಅವರ ಪುತ್ರ ಆಕಾಶ್‌ ನರ್ವಾಲ್ ಅವರಿಗೂ ಕೋವಿಡ್‌ ದೃಢಪಟ್ಟಿದ್ದು ಅವರು ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಪಿಂಜ್ರಾ ಟಾಡ್ ಕಾರ್ಯಕರ್ತೆಯಾಗಿರುವ ಮಹಾವೀರ್‌ ಅವರ ಪುತ್ರಿ ನತಾಶಾ ನರ್ವಾಲ್‌ ತಿಹಾರ್‌ ಜೈಲಿನಲ್ಲಿದ್ದಾರೆ. ಮಹಾವೀರ್‌ ಅವರಿಗೆ ಕೊನೆಯಲ್ಲಿ ಮಗಳೊಂದಿಗೆ ಮಾತನಾಡಲು ಸಾಧ್ಯವಾಗಲಿಲ್ಲ ಎಂದು ಅವರ ಕುಟುಂಬದ  ಮೂಲಗಳು ತಿಳಿಸಿವೆ.