ಮುಂಬೈನ ಮಹಿಳೆಗೆ ತಗುಲಿರುವುದು XE ರೂಪಾಂತರಿ ಎಂದು ಯಾವುದೇ ವೈಜ್ಞಾನಿಕ ಪುರಾವೆಗಳು ಸೂಚಿಸುತ್ತಿಲ್ಲ: ಮೂಲಗಳು

ನವದೆಹಲಿ: ವೇಗವಾಗಿ ಹರಡುವ XE ರೂಪಾಂತರಿ ಸೋಂಕು ಭಾರತಕ್ಕೆ ಕಾಲಿಟ್ಟಿದೆ ಎಂಬ ಆತಂಕ ಶುರುವಾಗಿದೆ. ಇನ್ನು ಈ ಬಗ್ಗೆ ಇಂಡಿಯನ್ ಸರ್ಕಸ್-ಕೋವ್-2 ಜಿನೋಮಿಕ್ಸ್ ಕನ್ಸೋರ್ಟಿಯಂ(INSACOG) ತಜ್ಞರು, ಮುಂಬೈ ನಾಗರಿಕ ಅಧಿಕಾರಿಗಳು XE ರೂಪಾಂತರಿಯ ಜೀನೋಮಿಕ್ ವಿಶ್ಲೇಷಣೆಯನ್ನು ನಡೆಸುತ್ತಿದ್ದಾರೆ. ಆದರೂ ಇದುವರೆಗೆ ವೈಜ್ಞಾನಿಕ ಪುರಾವೆಗಳು ಇದನ್ನು ಸೂಚಿಸುವುದಿಲ್ಲ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಫೆಬ್ರವರಿ ಅಂತ್ಯದಲ್ಲಿ ದಕ್ಷಿಣ ಆಫ್ರಿಕಾದಿಂದ ಬಂದಿದ್ದ ಮಹಿಳೆಯೊಬ್ಬರನ್ನು ಮಾರ್ಚ್‌ನಲ್ಲಿ ಕೊರೋನಾ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಆ ಮಹಿಳೆ XE ರೂಪಾಂತರಿ ಸೋಂಕಿಗೆ ತುತ್ತಾಗಿದ್ದಾರೆ ಎಂದು ಬೃಹನ್‌ಮುಂಬೈ ಮುನ್ಸಿಪಲ್ ಕಾರ್ಪೊರೇಷನ್(BMC) ತಿಳಿಸಿದ್ದು, ಈ ಸೋಂಕು ಮೊದಲು ಮೊದಲು UK ನಲ್ಲಿ ಪತ್ತೆಯಾಗಿದೆ.

ಪ್ರಸ್ತುತ ಪುರಾವೆಗಳು ಇದು XE ರೂಪಾಂತರದ ಪ್ರಕರಣ ಎಂದು ಇನ್ನೂ ಸೂಚಿಸುವುದಿಲ್ಲ. 'ಭಾರತೀಯ SARS-CoV-2 ಜೀನೋಮಿಕ್ಸ್ ಕನ್ಸೋರ್ಟಿಯಂ (INSACOG) ನ ತಜ್ಞರು FastQ ಮಾದರಿಗಳನ್ನು ಪರಿಶೀಲಿಸಿದ್ದಾರೆ. ಮುಂಬೈ ಮಹಿಳೆಗೆ ಸೋಂಕು ತಗುಲಿರುವ ಈ ರೂಪಾಂತರದ ಜೀನೋಮಿಕ್ ರಚನೆಯು XE ರೂಪಾಂತರದ ಜೀನೋಮಿಕ್ ರಚನೆಯಾಗಿದೆ ಎಂದು ಊಹಿಸಿದ್ದಾರೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ. 

ಇದನ್ನೂ ಓದಿ: ಭಾರತಕ್ಕೂ ಕಾಲಿಟ್ಟ ಕೊರೋನಾ ಹೊಸ ರೂಪಾಂತರಿ ‘XE’, ಮುಂಬೈನಲ್ಲಿ ಮೊದಲ ಪ್ರಕರಣ ಪತ್ತೆ

ಮುಂಬೈನಲ್ಲಿ ಕೋವಿಡ್-19 ನ XE ಪಾಸಿಟಿವ್ ಕೇಸ್ ಎಂದು ಘೋಷಿಸಿದ ನಂತರ ಇನ್ಸಾಕಾಗ್ ಪ್ರಕರಣದ ಜೀನೋಮಿಕ್ ವಿಶ್ಲೇಷಣೆ ನಡೆಸುತ್ತಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಮುಂಬೈ ನಾಗರಿಕ ಅಧಿಕಾರಿಗಳ ಪ್ರಕಾರ, ಸೆರೋ ಸಮೀಕ್ಷೆಯ ಸಮಯದಲ್ಲಿ ಕಪ್ಪಾ ರೂಪಾಂತರದ ಪ್ರಕರಣವೂ ಪತ್ತೆಯಾಗಿದೆ. ಇದು 376 ಮಾದರಿಗಳ ಜಿನೋಮ್ ಅನುಕ್ರಮಕ್ಕೆ ಕಾರಣವಾಯಿತು. ಇದು ಸ್ಥಳೀಯ ಜಿನೋಮ್ ಸೀಕ್ವೆನ್ಸಿಂಗ್ ಪ್ರಯೋಗಾಲಯದಲ್ಲಿ 11ನೇ ಬ್ಯಾಚ್ ಪರೀಕ್ಷೆಗೆ ಸೇರಿದೆ.

ಸಮೀಕ್ಷೆಯ ಪ್ರಕಾರ, ಮುಂಬೈನ 230 ಮಾದರಿಗಳಲ್ಲಿ 228 (ಶೇ. 99.13 ಪ್ರಕರಣಗಳು) ಈ ರೂಪಾಂತರವು ಕಂಡುಬಂದಿದೆ ಎಂದು ಓಮಿಕ್ರಾನ್ ಅಧಿಕಾರಿ ತಿಳಿಸಿದ್ದಾರೆ. ಕಸ್ತೂರ್ಬಾ ಆಸ್ಪತ್ರೆಯ ಮುನ್ಸಿಪಲ್ ಕಾರ್ಪೊರೇಷನ್ ಜಿನೋಮ್ ಸೀಕ್ವೆನ್ಸಿಂಗ್ ಲ್ಯಾಬ್‌ನಲ್ಲಿ 376 ಮಾದರಿಗಳ ಜಿನೋಮ್ ಸೀಕ್ವೆನ್ಸಿಂಗ್ ಮಾಡಲಾಗಿದೆ. ವೈರಸ್‌ನ ಹೊಸ ಸ್ಟ್ರೈನ್ ಸೋಂಕಿಗೆ ಒಳಗಾದ ರೋಗಿಗಳ ಸ್ಥಿತಿ ಗಂಭೀರವಾಗಿಲ್ಲ ಎಂದು ಅಧಿಕಾರಿ ತಿಳಿಸಿದ್ದಾರೆ.