ಕೊಯಮತ್ತೂರು: 12ನೇ ಶತಮಾನದ ಮೂರು ವೀರಗಲ್ಲುಗಳು ಪತ್ತೆ

ಚೆನ್ನೈ: 12ನೇ ಶತಮಾನದ ಮೂರು ವೀರಗಲ್ಲುಗಳು ಕೊಯಮತ್ತೂರು ಜಿಲ್ಲೆಯ ಅನ್ನೂರಿನಲ್ಲಿ ಪತ್ತೆಯಾಗಿದ್ದು, ತಿರುಪ್ಪೂರಿನ ವೀರರಾಜೇಂದ್ರನ್ ಪುರಾತತ್ವ ಮತ್ತು ಐತಿಹಾಸಿಕ ಸಂಶೋಧನಾ ಕೇಂದ್ರದ ಪುರಾತತ್ವಶಾಸ್ತ್ರಜ್ಞರ ತಂಡವು ಪತ್ತೆ ಮಾಡಿದೆ.

ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಜೊತೆಗೆ ಮಾತನಾಡಿದ ಕೇಂದ್ರ ತಂಡದ ನಿರ್ದೇಶಕ ಎಸ್ ರವಿಕುಮಾರ್, ಕೊಯಮತ್ತೂರಿನ ಅಣ್ಣೂರು ಪಟ್ಟಣದ ಮನ್ನೇಶ್ವರ ಶಿವ ದೇವಾಲಯದ ಕಾಂಪೌಂಡ್ ಗೋಡೆಯ ಬಳಿ ವೀರಗಲ್ಲು ಪತ್ತೆಯಾಗಿದೆ ಎಂಬ ಮಾಹಿತಿ ದೊರೆಯಿತು. ಆಶ್ಚರ್ಯಕರವಾಗಿ, ನಮಗೆ ಮತ್ತೊಂದು ವೀರಗಲ್ಲು ಕೂಡ ಕಂಡುಬಂದಿದೆ. ದೇವಾಲಯದ ತೊಟ್ಟಿಯ ದಂಡೆ ಮತ್ತು ದೇವಾಲಯದ ತೊಟ್ಟಿಯೊಳಗೆ ಮೂರನೇ ವೀರಗಲ್ಲು ಕಂಡುಬಂದಿದೆ ಎಂದು ಹೇಳಿದರು.

ಎಲ್ಲಾ ವೀರಗಲ್ಲುಗಳು 200 ಕಿಲೋಗ್ರಾಂಗಳಿಗಿಂತ ಹೆಚ್ಚು ತೂಕವಿದ್ದವು. ಮೊದಲ ವೀರಗಲ್ಲು ಎತ್ತರ 90 ಸೆಂ ಮತ್ತು ಅಗಲ 40 ಸೆಂ. ಇದು ಸ್ವಯಂ ತ್ಯಾಗದ ರೂಪದಲ್ಲಿ ಕೆತ್ತಲಾಗಿದೆ. ನಾಯಕ ತನ್ನ ಸಮುದಾಯದ ಕಲ್ಯಾಣಕ್ಕಾಗಿ ತನ್ನ ತಲೆಯನ್ನು ಅರ್ಪಿಸಿದನು, ಎರಡೂ ಕೈಗಳಲ್ಲಿ ಎರಡು ಹರಿತವಾದ ಸಣ್ಣ ಚಾಕುಗಳನ್ನು ಹೊಂದಿದ್ದನು. ಈ ರೀತಿಯ ಶಿಲ್ಪ ಮತ್ತು ಸಂಪ್ರದಾಯವನ್ನು ತಮಿಳಿನಲ್ಲಿ ‘ತಲೈಪಾಲಿ ಸಿರ್ಪಂ’ ಎಂದು ಕರೆಯಲಾಗುತ್ತದೆ.”

“ಎರಡನೆಯ ವೀರಗಲ್ಲು 80 ಸೆಂ.ಮೀ ಎತ್ತರ ಮತ್ತು 40 ಸೆಂ.ಮೀ ಅಗಲವಿದೆ. ಇಲ್ಲಿ ವೀರನು ತನ್ನ ಎಡಗೈಯಲ್ಲಿ ಬಿಲ್ಲು ಮತ್ತು ಬಲಗೈಯಲ್ಲಿ ಬಾಣ ಮತ್ತು ಸೊಂಟದ ಮೇಲೆ ಸಣ್ಣ ಕತ್ತಿಯನ್ನು ಹಿಡಿದಿದ್ದಾನೆ. ಈ ವೀರಗಲ್ಲು ‘ವಿಲ್ವಿರಾನ್’ ಎಂದು ಕರೆಯಲ್ಪಡುತ್ತದೆ. ತಮಿಳಿನಲ್ಲಿ ಸಿರ್ಪಂ’ ಮೂರನೇ ವೀರಗಲ್ಲು 95 ಸೆಂ.ಮೀ ಎತ್ತರ ಮತ್ತು 45 ಸೆಂ.ಮೀ ಅಗಲವನ್ನು ಹೊಂದಿದೆ.ಇಡೀ ಕಲ್ಲಿನಲ್ಲಿ ಇಬ್ಬರು ಯೋಧರಿದ್ದಾರೆ.