ಉಕ್ರೇನ್ ನಲ್ಲಿ 2ನೇ ಭಾರತೀಯ ಪ್ರಜೆ ಸಾವು; ಆಪರೇಷನ್ ಗಂಗಾ ಕಾರ್ಯಾಚರಣೆ ತೀವ್ರ, 24 ಗಂಟೆಗಳಲ್ಲಿ 15 ವಿಶೇಷ ವಿಮಾನ

ರಷ್ಯಾ-ಉಕ್ರೇನ್ ಸಂಘರ್ಷದಲ್ಲಿ ಭಾರತದ 2ನೇ ಪ್ರಜೆ ಸಾವನ್ನಪ್ಪಿದ ಬೆನ್ನಲ್ಲೇ ಕೇಂದ್ರ ಸರ್ಕಾರ ತನ್ನ ಆಪರೇಷನ್ ಗಂಗಾ ಕಾರ್ಯಾಚರಣೆಯನ್ನು ತೀವ್ರಗೊಳಿಸಿದೆ.

Published: 02nd March 2022 11:11 PM  |   Last Updated: 02nd March 2022 11:11 PM   |  A+A-


IAF--C-17

ವಾಯುಸೇನೆಯ ಸಿ-17 ವಿಮಾನ

ANI

ನವದೆಹಲಿ: ರಷ್ಯಾ-ಉಕ್ರೇನ್ ಸಂಘರ್ಷದಲ್ಲಿ ಭಾರತದ 2ನೇ ಪ್ರಜೆ ಸಾವನ್ನಪ್ಪಿದ ಬೆನ್ನಲ್ಲೇ ಕೇಂದ್ರ ಸರ್ಕಾರ ತನ್ನ ಆಪರೇಷನ್ ಗಂಗಾ ಕಾರ್ಯಾಚರಣೆಯನ್ನು ತೀವ್ರಗೊಳಿಸಿದೆ.

ಇದನ್ನೂ ಓದಿ: ಯುದ್ಧ ಪೀಡಿತ ಉಕ್ರೇನ್‌ನಿಂದ ಹೊರಬರಲು ಭಾರತದ ಧ್ವಜ ಬಳಸಿದ ಪಾಕ್, ಟರ್ಕಿಶ್ ವಿದ್ಯಾರ್ಥಿಗಳು; ವಿಡಿಯೋ!

ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದಲ್ಲಿ ನಡೆದ ಉನ್ನತ ಮಟ್ಟದ ಸಭೆಯಲ್ಲಿ ಕೈಗೊಂಡ ನಿರ್ಣಯಗಳಂತೆ ಇದೀಗ ಸಂಘರ್ಷ ಪೀಡಿತ ಉಕ್ರೇನ್ ನಲ್ಲಿರುವ ಭಾರತೀಯ ರಕ್ಷಣಾ ಕಾರ್ಯಾಚರಣೆಯನ್ನು ತೀವ್ರಗೊಳಿಸಿದ್ದು, ಅದರಂತೆ ಮುಂದಿನ 24 ಗಂಟೆಗಳಲ್ಲಿ ಉಕ್ರೇನ್ ನಿಂದ ಭಾರತೀಯರನ್ನು ಕರೆತರಲು 15 ವಿಶೇಷ ವಿಮಾನಗಳನ್ನು ನಿಯೋಜಿಸಲಾಗಿದೆ. ಈಗಾಗಲೇ ಉಕ್ರೇನ್ ನಲ್ಲಿದ್ದ ಭಾರತೀಯರ ಪೈಕಿ ಸುಮಾರು 17 ಸಾವಿರ ಪ್ರಜೆಗಳು ದೇಶಕ್ಕೆ ಸುರಕ್ಷಿತವಾಗಿ ಆಗಮಿಸಿದ್ದು, ಬಾಕಿ ಉಳಿದಿರುವ ಭಾರತೀಯರ ಸ್ಥಳಾಂತರಕ್ಕೆ ಕ್ರಮ ಕೈಗೊಳ್ಳಲಾಗುತ್ತಿದೆ. ಉಳಿದ ವಿದ್ಯಾರ್ಥಿಗಳನ್ನು ಸ್ಥಳಾಂತರಿಸಲು ಅನುಕೂಲವಾಗುವಂತೆ ಆಪರೇಷನ್ ಗಂಗಾ ಅಡಿಯಲ್ಲಿ ವಿಮಾನಗಳನ್ನು ಹೆಚ್ಚಿಸಲಾಗಿದೆ.

ಇದನ್ನೂ ಓದಿ: ರಷ್ಯಾ-ಉಕ್ರೇನ್ ಯುದ್ಧ: ಮತ್ತೊಬ್ಬ ಭಾರತೀಯ ವಿದ್ಯಾರ್ಥಿ ಸಾವು!

ಉಕ್ರೇನ್ ರಾಜಧಾನಿ ಕೀವ್ ನಲ್ಲಿ ಭಾರತದ ರಾಯಭಾರ ಕಚೇರಿಯಲ್ಲಿ ನೋಂದಾಯಿಸಿದ ವಿದ್ಯಾರ್ಥಿಗಳನ್ನು ಸ್ಥಳಾಂತರ ಮಾಡಲಾಗುತ್ತಿತ್ತು. ಆದರೆ ಇದೀಗ ರಾಯಭಾರ ಕಚೇರಿಯಲ್ಲಿ ನೋಂದಾಯಿಸದ ಸಾವಿರಾರು ವಿದ್ಯಾರ್ಥಿಗಳನ್ನೂ ಕೂಡ ಸ್ಥಳಾಂತರ ಮಾಡಲಾಗುತ್ತಿದೆ. ಇದಕ್ಕಾಗಿ ಆಪರೇಷನ್ ಗಂಗಾ ಅಡಿಯಲ್ಲಿನ ವಿಮಾನಗಳ ಸಂಖ್ಯೆಯನ್ನು ಹೆಚ್ಚಿಸಲಾಗಿದೆ. ಕಳೆದ 24 ಗಂಟೆಗಳಲ್ಲಿ, ಆಪರೇಷನ್ ಗಂಗಾ ಅಡಿಯಲ್ಲಿ ಆರು ವಿಮಾನಗಳು ಭಾರತಕ್ಕೆ ಬಂದಿಳಿದಿದ್ದು, ಒಟ್ಟು ವಿಮಾನಗಳ ಸಂಖ್ಯೆಯನ್ನು 15 ಕ್ಕೆ ಏರಿಕೆಯಾಗಿದೆ. ಈ ಪೈಕಿ 8 ವಿಮಾನಗಳು ಬುಕಾರೆಸ್ಟ್‌ನಿಂದ, 5 ಬುಡಾಪೆಸ್ಟ್‌ನಿಂದ ಮತ್ತು 2 ರ್ಜೆಸ್ಜೋವ್‌ನಿಂದ ಭಾರತಕ್ಕೆ ಆಗಮಿಸಿವೆ. ಈ ವಿಮಾನಗಳಲ್ಲಿ ಹಿಂದಿರುಗಿದ ಒಟ್ಟು ಭಾರತೀಯರ ಸಂಖ್ಯೆ 3,352ರಷ್ಟಿದ್ದು, 1796 ಜನರನ್ನು ರೊಮೇನಿಯಾ ಮೂಲಕ, 430 ಪೋಲೆಂಡ್ ಮೂಲಕ ಮತ್ತು 1126 ಹಂಗೇರಿ ಮೂಲಕ ಸ್ಥಳಾಂತರಿಸಲಾಯಿತು ಎಂದು ಕೇಂದ್ರ ವಿದೇಶಾಂಗ ಇಲಾಖೆ ಮಾಹಿತಿ ನೀಡಿದೆ.

ಇದನ್ನೂ ಓದಿ: ಉಕ್ರೇನ್‌ನಲ್ಲಿರುವ ಈ ಭಾರತೀಯ ರೆಸ್ಟೋರೆಂಟ್ ನಿರಾಶ್ರಿತರಿಗೆ ಆಶ್ರಯ, ಉಚಿತ ಆಹಾರ ನೀಡುತ್ತಿದೆ

ಕಾರ್ಯಾಚರಣೆಗೆ ವಾಯುಸೇನೆ ಸಾಥ್
ಅಂತೆಯೇ ಮುಂದಿನ 24 ಗಂಟೆಗಳಲ್ಲಿ 15 ವಿಮಾನಗಳನ್ನು ನಿಗದಿಪಡಿಸಲಾಗಿದೆ, ಅವುಗಳಲ್ಲಿ ಹಲವು ಈಗಾಗಲೇ ಉಕ್ರೇನ್ ಗೆ ತೆರಳುತ್ತಿವೆ. ಭಾರತೀಯ ವಾಯುಸೇನೆ ಕೂಡ ಆಪರೇಷನ್ ಗಂಗಾಗೆ ಸಾಥ್ ನೀಡುತ್ತಿದ್ದು, ಬುಚಾರೆಸ್ಟ್‌ನಿಂದ ಮೊದಲ C-17 ವಿಮಾನವು ಬುಧವಾರ ರಾತ್ರಿಯ ನಂತರ ಬುಕಾರೆಸ್ಟ್‌ನಿಂದ ದೆಹಲಿಗೆ ಮರಳುವ ನಿರೀಕ್ಷೆಯಿದೆ. ಇಂದು ಬುಡಾಪೆಸ್ಟ್, ರ್ಜೆಸ್ಜೋವ್ ಮತ್ತು ಬುಕಾರೆಸ್ಟ್‌ನಿಂದ ಮೂರು ಐಎಎಫ್ ವಿಮಾನಗಳನ್ನು ಕೈಗೊಳ್ಳಲಾಗುವುದು. 

ಇದನ್ನೂ ಓದಿ: ಉಕ್ರೇನ್ ನ ಖೆರ್ಸೋನ್ ಮೇಲೆ ನಿಯಂತ್ರಣ ಸಾಧಿಸಿದ್ದೇವೆ: ರಷ್ಯಾ ಸೇನೆ

ಉಕ್ರೇನ್ ಗೆ ಮಾನವೀಯ ನೆರವು
ಇದೇ ವಾಯುಸೇನೆ ವಿಮಾನದಲ್ಲಿ ಔಷಧಗಳು, ವೈದ್ಯಕೀಯ ಉಪಕರಣಗಳು, ಡೇರೆಗಳು, ಹೊದಿಕೆಗಳು, ಸೌರ ದೀಪಗಳು ಮತ್ತು ಇತರ ವಸ್ತುಗಳ ರೂಪದಲ್ಲಿ ಮಾನವೀಯ ನೆರವನ್ನು ಉಕ್ರೇನ್‌ ನ ಸಂಘರ್ಷ ಪೀಡಿತ ಪ್ರದೇಶಗಳಿಗೆ ಕಳುಹಿಸಲಾಗುತ್ತಿದೆ. 2 ಟನ್ ತೂಕದ ಔಷಧಗಳನ್ನು ಒಳಗೊಂಡ ಮೊದಲ ವಿಮಾನವನ್ನು ಮಾರ್ಚ್ 1 ರಂದು ಪೋಲೆಂಡ್ ಮೂಲಕ ಕಳುಹಿಸಲಾಯಿತು ಮತ್ತು ಇನ್ನೂ 3 ಟ್ರಂಚ್‌ಗಳನ್ನು (ಡೇರೆಗಳು, ಹೊದಿಕೆಗಳು, ಮಲಗುವ ಚಾಪೆಗಳು ಇತ್ಯಾದಿ - 16 x 2 ಟನ್‌ಗಳು) ಮಾರ್ಚ್ 2 ರಂದು (1 IAF ವಿಮಾನದಿಂದ) ರೊಮೇನಿಯಾ ಮತ್ತು ಪೋಲೆಂಡ್ ಮೂಲಕ ಕಳುಹಿಸಲಾಯಿತು ಎಂದು ಹೇಳಲಾಗಿದೆ.
 


Stay up to date on all the latest ದೇಶ news
Poll
mallikarjuna kharge

ರಾಜಸ್ತಾನದಲ್ಲಿ ಪೈಲಟ್-ಗೆಹ್ಲೋಟ್ ನಡುವೆ ಬಿಕ್ಕಟ್ಟು; ಕೇರಳದಲ್ಲಿ ಸ್ವಪಕ್ಷದವರ ವಿರುದ್ಧ ತರೂರ್ ಫೈಟು: ಕಾಂಗ್ರೆಸ ಒಳಜಗಳ ಬಿಡಿಸಲು ಮಲ್ಲಿಕಾರ್ಜುನ ಖರ್ಗೆ ಗೆ ಸಾಧ್ಯವಾಗುವುದೇ?


Result
ಹೌದು
ಆಗದು

Comments(1)

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

  • Sagar

    How did he die? Due to intense shelling? Need clarity on this
    9 months ago reply
flipboard facebook twitter whatsapp