ಇಂದು ಇಡೀ ಜಗತ್ತು ಭಾರತದತ್ತ ಹೆಚ್ಚು ವಿಶ್ವಾಸದಿಂದ ನೋಡುತ್ತಿದೆ, 'EARTH' ಪರ ಕೆಲಸ ಮಾಡಿ ಎಂದು ಪ್ರಧಾನಿ ಮೋದಿ ಕರೆ

ನವದೆಹಲಿ: ರಾಷ್ಟ್ರದ ಅಭಿವೃದ್ಧಿ ನಿರ್ಣಯಗಳನ್ನು ಪರಿಗಣಿಸಿ ವಿಶ್ವವು ಹೆಚ್ಚಿನ ವಿಶ್ವಾಸದಿಂದ ಭಾರತದತ್ತ ನೋಡುತ್ತಿದೆ ಎಂದು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಶುಕ್ರವಾರ ಜಿಟೊ (JITO) ಕನೆಕ್ಟ್' ಉದ್ಘಾಟನಾ ಸಮಾರಂಭವನ್ನು ಉದ್ದೇಶಿಸಿ ಹೇಳಿದರು.

ಇಂದು, ಜಗತ್ತು ಭಾರತದ ಅಭಿವೃದ್ಧಿ ನಿರ್ಣಯಗಳನ್ನು ತನ್ನ ಗುರಿಗಳನ್ನು ಸಾಧಿಸುವ ಸಾಧನವಾಗಿ ಪರಿಗಣಿಸುತ್ತಿದೆ. ಜಾಗತಿಕ ಶಾಂತಿ ಮತ್ತು ಸಮೃದ್ಧಿಗೆ ಪರಿಹಾರಗಳು ಅಥವಾ ಜಾಗತಿಕ ಪೂರೈಕೆ ಸರಪಳಿಯನ್ನು ಬಲಪಡಿಸಲು ಜಗತ್ತು ಭಾರತದತ್ತ ಹೆಚ್ಚಿನ ವಿಶ್ವಾಸದಿಂದ ನೋಡುತ್ತಿದೆ ಎಂದು ಪ್ರಧಾನಿ ಮೋದಿ ಹೇಳಿದರು.

ಭಾರತದಲ್ಲಿ ಈಗ ಪ್ರತಿಭೆ, ವ್ಯಾಪಾರ ಮತ್ತು ತಂತ್ರಜ್ಞಾನವನ್ನು ಸಾಧ್ಯವಾದಷ್ಟು ಪ್ರೋತ್ಸಾಹಿಸಲಾಗುತ್ತಿದೆ. ಇಂದು ಭಾರತದಲ್ಲಿ ಪ್ರತಿದಿನ ಡಜನ್‌ಗಟ್ಟಲೆ ಸ್ಟಾರ್ಟ್‌ಅಪ್‌ಗಳನ್ನು ನೋಂದಾಯಿಸಲಾಗುತ್ತಿದೆ. ಪ್ರತಿ ವಾರ ಯುನಿಕಾರ್ನ್ ರಚನೆಯಾಗುತ್ತಿದೆ. ಸ್ವಾವಲಂಬಿ ಭಾರತವು ನಮ್ಮ ಮಾರ್ಗ ಮತ್ತು ಸಂಕಲ್ಪವಾಗಿದ ಎಂದು ಪ್ರಧಾನಿ ಮೋದಿ ಹೇಳಿದರು.

ಕೇಂದ್ರ ಸರ್ಕಾರದ ‘ಸ್ಥಳೀಯರಿಗೆ ಧ್ವನಿ’ ಎಂಬ ಕಾರ್ಯಕ್ರಮದ ಕುರಿತು ಮಾತನಾಡಿದ ಪ್ರಧಾನಿ, ಸ್ವಾತಂತ್ರ್ಯದ 75 ನೇ ವರ್ಷವನ್ನು ಆಚರಿಸುವಾಗ ನಾವು ವಿದೇಶಿ ವಸ್ತುಗಳಿಗೆ ಗುಲಾಮರಾಗಬಾರದು. "ಹೊಸ ಭಾರತದ ಉದಯವು ಎಲ್ಲರನ್ನೂ ಒಂದುಗೂಡಿಸುತ್ತದೆ, ಭಾರತವು ಸಾರ್ವತ್ರಿಕ ಒಳಿತಿಗಾಗಿ ಒಂದು ಉದ್ದೇಶದೊಂದಿಗೆ ಮುನ್ನಡೆಯುತ್ತಿದೆ ಎಂದು ಎಲ್ಲರೂ ಈಗ ಭಾವಿಸುತ್ತಾರೆ ಎಂದರು.

ಇದನ್ನೂ ಓದಿ: ವಿಶ್ವ ಭೂ ದಿನ: 'ಭೂಮಿಗೆ ನಮ್ಮ ಕೊಡುಗೆ ನೀಡಿ' ಧ್ಯೇಯವಾಕ್ಯದೊಂದಿಗೆ ಪರಿಸರ ಕಾಳಜಿ ಮೆರೆಯುವ ದಿನ

"ಸ್ವಾವಲಂಬಿ ಭಾರತವು ನಮ್ಮ ಸಂಕಲ್ಪವಾಗಿದೆ. ಇದು ಯಾವುದೇ ಸರ್ಕಾರಕ್ಕೆ ಸೇರಿದ್ದಲ್ಲ, ಬದಲಿಗೆ 130 ಕೋಟಿ ನಾಗರಿಕರಿಗೆ ಸಂಬಂಧಿಸಿದೆ. ಇದಕ್ಕಾಗಿ ಅಗತ್ಯವಿರುವ ಎಲ್ಲ ವಾತಾವರಣವನ್ನು ಸೃಷ್ಟಿಸಲು ನಾವು ಅವಿರತವಾಗಿ ಶ್ರಮಿಸಿದ್ದೇವೆ ಎಂದರು.

EARTH ಅರ್ಥ್ ಗಾಗಿ ಕೆಲಸ ಮಾಡಿ: ಇನ್ನು ದೇಶದ ಜನತೆಯನ್ನು ಅರ್ಥ್ ಪರ ಕೆಲಸ ಮಾಡಿ ಎಂದು ಕರೆ ನೀಡಿದ ಪ್ರಧಾನಿ ಅರ್ಥ್ ನ್ನು ವ್ಯಾಖ್ಯಾನಿಸಿದರು. E ಎಂದರೆ ಪರಿಸರ ಸಂವೃದ್ಧತೆ,  ಅಮೃತ ಮಹೋತ್ಸವ ಸ್ವಾತಂತ್ರ್ಯ ಸಿಕ್ಕಿ 75ನೇ ಅಮೃತ ಮಹೋತ್ಸವಕ್ಕೆ ಮುಂದಿನ ಆಗಸ್ಟ್ 15ರೊಳಗೆ ಪ್ರತಿ ಜಿಲ್ಲೆಯಲ್ಲಿ ಅಮೃತ ಮಹೋತ್ಸವ ಆಚರಣೆ ಮಾಡಬೇಕು. 

A ಎಂದರೆ ಕೃಷಿಯನ್ನು ದೇಶದಲ್ಲಿ ಇನ್ನಷ್ಟು ಲಾಭದಾಯಕವಾಗಿ ಮಾಡುವುದು, R ಎಂದರೆ ಮರುಬಳಕೆ ಮಾಡುವುದು, ವೃತ್ತಾಕಾರದ ಆರ್ಥಿಕತೆಗೆ ಒತ್ತು ನೀಡುವುದು, ಮರುಬಳಕೆಗಾಗಿ ಕೆಲಸ ಮಾಡುವುದು, ಕಡಿಮೆ ಮಾಡುವುದು ಮತ್ತು ಮರುಬಳಕೆ ಮಾಡುವುದು. T ಎಂದರೆ ತಂತ್ರಜ್ಞಾನವನ್ನು ಸಾಧ್ಯವಾದಷ್ಟು ಜನರಿಗೆ ಕೊಂಡೊಯ್ಯುವುದು, 

H ಎಂದರೆ ದೇಶದ ಪ್ರತಿ ಜಿಲ್ಲೆಗಳಲ್ಲಿ ವೈದ್ಯಕೀಯ ಕಾಲೇಜುಗಳಂತಹ ವ್ಯವಸ್ಥೆಗಳಿಗೆ ಸರ್ಕಾರವು ಸಾಕಷ್ಟು ಕೆಲಸಗಳನ್ನು ಮಾಡುತ್ತಿದೆ, ಜನರು ತಮ್ಮ ಸ್ವಂತ ಸಂಸ್ಥೆಗಳಲ್ಲಿ ಅಗತ್ಯ ವ್ಯವಸ್ಥೆಗಳನ್ನು ಹೇಗೆ ಪ್ರೋತ್ಸಾಹಿಸಬಹುದು ಎಂಬುದರ ಕುರಿತು ಯೋಚಿಸಬೇಕು ಎಂದು ಪ್ರಧಾನಿ EARTH ಬಗ್ಗೆ ವ್ಯಾಖ್ಯಾನಿಸಿದರು.