2019 ರಿಂದ ಪ್ರಧಾನಿ ಮೋದಿ 21 ವಿದೇಶ ಪ್ರವಾಸ; 22 ಕೋಟಿ ರೂ. ಖರ್ಚು: ರಾಜ್ಯಸಭೆಗೆ ಕೇಂದ್ರ ಸರ್ಕಾರ ಮಾಹಿತಿ

ನವದೆಹಲಿ: 2019ರಿಂದ ಪ್ರಧಾನಿ ನರೇಂದ್ರ ಮೋದಿ 21 ವಿದೇಶಿಗಳಿಗೆ ಪ್ರವಾಸ ಮಾಡಿದ್ದು ಇದಕ್ಕೆ 22.76 ಕೋಟಿ ರೂ.ಗೂ ಹೆಚ್ಚು ಖರ್ಚು ಮಾಡಲಾಗಿದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.

2019ರಿಂದ ರಾಷ್ಟ್ರಪತಿಗಳು ಎಂಟು ವಿದೇಶ ಪ್ರವಾಸಗಳನ್ನು ಮಾಡಿದ್ದಾರೆ. 2019ರಿಂದ ಈ ಪ್ರವಾಸಗಳಿಗೆ 6.24 ಕೋಟಿ ರೂಪಾಯಿಗಳನ್ನು ಖರ್ಚು ಮಾಡಲಾಗಿದೆ ಎಂದು ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವ ವಿ ಮುರಳೀಧರನ್ ರಾಜ್ಯಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ಲಿಖಿತ ಉತ್ತರದಲ್ಲಿ ತಿಳಿಸಿದರು.

ಸಚಿವರ ಪ್ರಕಾರ, 2019ರಿಂದ ಸರ್ಕಾರವು ರಾಷ್ಟ್ರಪತಿಗಳ ಪ್ರವಾಸಕ್ಕೆ 6,24,31,424 ರೂಪಾಯಿ, ಪ್ರಧಾನ ಮಂತ್ರಿಗಳ ಪ್ರವಾಸಕ್ಕೆ 22,76,76,934 ರೂಪಾಯಿ ಮತ್ತು ವಿದೇಶಾಂಗ ಸಚಿವರ ಪ್ರವಾಸಕ್ಕೆ 20,87,01,475 ರೂಪಾಯಿ ಖರ್ಚಾಗಿದೆ. ರಾಷ್ಟ್ರಪತಿಗಳು 8 ವಿದೇಶ ಪ್ರವಾಸಗಳನ್ನು ಮಾಡಿದ್ದರೆ, ಪ್ರಧಾನಿ 2019ರಿಂದ 21 ಪ್ರವಾಸಗಳನ್ನು ಮಾಡಿದ್ದಾರೆ. ಈ ಅವಧಿಯಲ್ಲಿ ವಿದೇಶಾಂಗ ಸಚಿವ ಎಸ್ ಜೈಶಂಕರ್ 86 ವಿದೇಶ ಪ್ರವಾಸಗಳನ್ನು ಮಾಡಿದ್ದಾರೆ. 2019ರಿಂದ ಪ್ರಧಾನಿ ಮೂರು ಬಾರಿ ಜಪಾನ್ ಮತ್ತು ಅಮೆರಿಕಾ ಮತ್ತು ಯುಎಇಗೆ ಎರಡು ಬಾರಿ ಭೇಟಿ ನೀಡಿದ್ದಾರೆ.

ರಾಷ್ಟ್ರಪತಿಗಳ ಭೇಟಿಗಳಲ್ಲಿ ಎಂಟು ಭೇಟಿಗಳಲ್ಲಿ ಏಳನ್ನು ರಾಮನಾಥ್ ಕೋವಿಂದ್ ಅವರು ಕೈಗೊಂಡಿದ್ದರೆ, ಪ್ರಸ್ತುತ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಕಳೆದ ಸೆಪ್ಟೆಂಬರ್‌ನಲ್ಲಿ ಯುಕೆಗೆ ಭೇಟಿ ನೀಡಿದ್ದರು ಎಂದು ತಿಳಿಸಿದ್ದಾರೆ. 

ಇದನ್ನೂ ಓದಿ: ಅಮೇರಿಕಾ ಭೇಟಿಗೆ ಪ್ರಧಾನಿ ಮೋದಿಗೆ ಅಧ್ಯಕ್ಷ ಜೋ ಬೈಡನ್ ಆಹ್ವಾನ

ಅಧ್ಯಕ್ಷ ಜೋ ಬಿಡನ್ ಅವರು ಈ ಬೇಸಿಗೆಯಲ್ಲಿ ಅಮೆರಿಕಾ ಪ್ರವಾಸಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಆಹ್ವಾನಿಸಿದ್ದಾರೆ. ವರದಿಯ ಪ್ರಕಾರ, ಪ್ರಧಾನ ಮಂತ್ರಿ ಕಚೇರಿ(ಪಿಎಂಒ) ತಾತ್ವಿಕವಾಗಿ ಆಹ್ವಾನವನ್ನು ಸ್ವೀಕರಿಸಿದೆ. ಪ್ರಧಾನಿ ಮೋದಿಯವರ ನಿರೀಕ್ಷಿತ ಭೇಟಿಯು ಪ್ರಸ್ತುತ ಲಾಜಿಸ್ಟಿಕ್ ಯೋಜನೆಯ ಆರಂಭಿಕ ಹಂತದಲ್ಲಿದೆ. ಎರಡೂ ಕಡೆಯ ಅಧಿಕಾರಿಗಳು ಇಬ್ಬರು ವಿಶ್ವ ನಾಯಕರ ಸಭೆಯ ದಿನಾಂಕಗಳನ್ನು ಪರಿಗಣಿಸುತ್ತಿದ್ದಾರೆ ಎಂದು ತಿಳಿಸಿದೆ.

ಭಾರತವು ಜಿ20 ಅಧ್ಯಕ್ಷ ಸ್ಥಾನವನ್ನು ವಹಿಸಿಕೊಂಡ ಸಮಯದಲ್ಲಿ ಶ್ವೇತಭವನದಿಂದ ಈ ಆಪಾದಿತ ಆಹ್ವಾನ ಬಂದಿದೆ. ಈ ನಿಟ್ಟಿನಲ್ಲಿ, ಭಾರತವು ಈ ವರ್ಷ ಹಲವಾರು G20-ಸಂಬಂಧಿತ ಕಾರ್ಯಕ್ರಮಗಳನ್ನು ಆಯೋಜಿಸುತ್ತದೆ. ನಂತರ ಸೆಪ್ಟೆಂಬರ್‌ನಲ್ಲಿ ಶೃಂಗಸಭೆ ನಡೆಯಲಿದೆ. ಈ ದೇಶಗಳ ಇತರ ನಾಯಕರಲ್ಲಿ ಬಿಡೆನ್ ಭಾಗವಹಿಸಲಿದ್ದಾರೆ.