ಪಾಕ್ ಕ್ರಿಕೆಟ್ ತಂಡ ಬೆಂಬಲಿಸುವ ವಿಡಿಯೋ ವೈರಲ್; ಕ್ಷಮೆಯಾಚಿಸಿ, ‘ಭಾರತ್ ಮಾತಾ ಕಿ ಜೈ’ ಘೋಷಣೆ ಕೂಗುವಂತೆ ಒತ್ತಾಯ

ಪಣಜಿ: ಪಾಕಿಸ್ತಾನ ಕ್ರಿಕೆಟ್ ತಂಡಕ್ಕೆ ಬೆಂಬಲ ವ್ಯಕ್ತಪಡಿಸಿದ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ನಂತರ ಗೋವಾದ ಕ್ಯಾಲಂಗುಟ್‌ನಲ್ಲಿ ಅಂಗಡಿ ಮಾಲೀಕರೊಬ್ಬರು ಸಾರ್ವಜನಿಕವಾಗಿ ಕ್ಷಮೆಯಾಚಿಸಲು ಮತ್ತು 'ಭಾರತ್ ಮಾತಾ ಕಿ ಜೈ' ಘೋಷಣೆಯನ್ನು ಕೂಗುವಂತೆ ಒತ್ತಾಯಿಸಲಾಗಿದೆ.

ಪುರುಷರ ಗುಂಪೊಂದು ಗುರುವಾರ ಕ್ಷಮೆಯಾಚಿಸಲು ಮತ್ತು ಘೋಷಣೆಯನ್ನು ಕೂಗುವಂತೆ ಒತ್ತಾಯಿಸಿದೆ.
ಟ್ರಾವೆಲ್ ವ್ಲೋಗರ್ ಬಿಡುಗಡೆ ಮಾಡಿದ ದಿನಾಂಕವಿಲ್ಲದ ವಿಡಿಯೋದ ಹಿನ್ನೆಲೆಯಲ್ಲಿ ಈ ಘಟನೆ ನಡೆದಿದೆ. ಇದರಲ್ಲಿ ಉತ್ತರ ಗೋವಾದ ಕ್ಯಾಲಂಗುಟ್‌ನಲ್ಲಿರುವ ಅಂಗಡಿ ಮಾಲೀಕರೊಬ್ಬರು ಪಾಕಿಸ್ತಾನದ ಕ್ರಿಕೆಟ್ ತಂಡವನ್ನು ಬೆಂಬಲಿಸುತ್ತಿರುವುದಾಗಿ ಹೇಳುವುದನ್ನು ಕಾಣಬಹುದು.

ವಿಡಿಯೋ ಚಿತ್ರೀಕರಣದ ವೇಳೆ ನೆರೆಯ ರಾಷ್ಟ್ರ ನ್ಯೂಜಿಲೆಂಡ್ ವಿರುದ್ಧ ಆಡುತ್ತಿತ್ತು. ವ್ಲಾಗರ್ ಆ ವ್ಯಕ್ತಿಯೊಂದಿಗೆ ಸಂಕ್ಷಿಪ್ತ ಸಂಭಾಷಣೆ ನಡೆಸುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ.

'ಯಾರು ಆಡುತ್ತಿದ್ದಾರೆ? ನೀವು ನ್ಯೂಜಿಲೆಂಡ್‌ಗಾಗಿ ಹುರಿದುಂಬಿಸುತ್ತಿದ್ದೀರಾ?' ಎಂದು ಅಂಗಡಿ ಮಾಲೀಕರನ್ನು ವ್ಲಾಗರ್ ಕೇಳುತ್ತಾನೆ. ಆಗ ಆ ವ್ಯಕ್ತಿ 'ಪಾಕಿಸ್ತಾನಕ್ಕಾಗಿ' ಎಂದು ಉತ್ತರಿಸುತ್ತಾನೆ. ವ್ಲಾಗರ್ ನಂತರ ಏಕೆ ಎಂದು ಕೇಳುತ್ತಾನೆ. ಅದಕ್ಕೆ ಆ ವ್ಯಕ್ತಿ, 'ಇದು ಮುಸ್ಲಿಂ ಪ್ರದೇಶ' ಎಂದು ಹೇಳುತ್ತಾನೆ. ಈ ವಿಡಿಯೋ ವೈರಲ್ ಆದ ನಂತರ, ಜನರ ಗುಂಪೊಂದು ಗುರುವಾರ ಅಂಗಡಿ ಮಾಲೀಕರನ್ನು ಸಂಪರ್ಕಿಸಿ ಪಾಕಿಸ್ತಾನವನ್ನು ಬೆಂಬಲಿಸಿದ್ದಕ್ಕಾಗಿ ಅವರನ್ನು ಪ್ರಶ್ನಿಸಿದೆ.

ಇದನ್ನೂ ಓದಿ: ಹಿಂದೂಸ್ಥಾನಿಗಳ ಹೃದಯದಲ್ಲಿ ಕೋಪವಿದ್ದರೆ, ಅದನ್ನು ನೀವು ದೂಷಿಸಲಾಗದು: ಲಾಹೋರ್ ನಲ್ಲಿ ಪಾಕಿಸ್ತಾನಕ್ಕೆ ಜಾವೆದ್ ಅಖ್ತರ್ ತರಾಟೆ

ಪಾಕ್ ಬೆಂಬಲಿಸಿದ್ದಕ್ಕಾಗಿ ಕ್ಷಮೆಯಾಚಿಸಲು ಒತ್ತಾಯಿಸಿದ ಗುಂಪಿನ ವಿಡಿಯೋ ಕೂಡ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.

ಗುಂಪಿನ ಸದಸ್ಯರೊಬ್ಬರು ಆ ವ್ಯಕ್ತಿಗೆ, 'ಇಡೀ ಗ್ರಾಮ ಕ್ಯಾಲಂಗುಟ್‌ ಆಗಿದೆ. ಯಾವುದೇ ಮುಸ್ಲಿಂ ಪ್ರೇದೇಶವಿಲ್ಲ. ಧರ್ಮದ ಆಧಾರದ ಮೇಲೆ ದೇಶವನ್ನು ವಿಭಜಿಸಬೇಡಿ' ಎಂದು ಹೇಳುತ್ತಾರೆ. ನಂತರ, ಅವರು ಮಂಡಿಯೂರಿ ಮತ್ತು ದೇಶವಾಸಿಗಳಲ್ಲಿ ಕ್ಷಮೆಯಾಚಿಸಲು ಒತ್ತಾಯಿಸುವುದು ವಿಡಿಯೋದಲ್ಲಿ ದಾಖಲಾಗಿದೆ.

ಆರಂಭಿಕವಾಗಿ ಹಿಂಜರಿಕೆಯ ನಂತರ, ಅಂಗಡಿ ಮಾಲೀಕರು ಮಂಡಿಯೂರಿ ಮತ್ತು ಕಿವಿ ಹಿಡಿದು ಕ್ಷಮೆಯಾಚಿಸುತ್ತಾನೆ. ಅಲ್ಲದೆ, ಭಾರತ್ ಮಾತಾ ಕಿ ಜೈ ಎಂಬ ಘೋಷಣೆಯನ್ನು ಕೂಗುವಂತೆ ಮಾಡುವುದನ್ನು ವಿಡಿಯೋದಲ್ಲಿ ಕಾಣಬಹುದು.

ಸ್ಥಳೀಯ ಪೊಲೀಸ್ ಅಧಿಕಾರಿಯನ್ನು ಸಂಪರ್ಕಿಸಿದಾಗ, ಘಟನೆಗೆ ಸಂಬಂಧಿಸಿದಂತೆ ಯಾವುದೇ ದೂರು ದಾಖಲಾಗಿಲ್ಲ ಎಂದು ತಿಳಿಸಿದ್ದಾರೆ.