ಪ್ರಧಾನ ಮಂತ್ರಿಗಳ ಜೊತೆ 'ಪರೀಕ್ಷಾ ಪೆ ಚರ್ಚಾ' ಸಂವಾದ ಕಾರ್ಯಕ್ರಮ ಜ.27ಕ್ಕೆ: ವಿದ್ಯಾರ್ಥಿಗಳು, ಪೋಷಕರು ಭಾಗಿ
ಪ್ರಧಾನಿ ನರೇಂದ್ರ ಮೋದಿ ಅವರು ಜನವರಿ 27 ರಂದು ತಮ್ಮ ವಾರ್ಷಿಕ 'ಪರೀಕ್ಷಾ ಪೇ ಚರ್ಚಾ'ದಲ್ಲಿ ವಿದ್ಯಾರ್ಥಿಗಳು, ಪೋಷಕರು ಮತ್ತು ಶಿಕ್ಷಕರೊಂದಿಗೆ ಸಂವಾದ ನಡೆಸಲಿದ್ದಾರೆ ಎಂದು ಕೇಂದ್ರ ಶಿಕ್ಷಣ ಸಚಿವಾಲಯ ತಿಳಿಸಿದೆ.
Published: 04th January 2023 08:18 AM | Last Updated: 04th January 2023 10:31 AM | A+A A-
ಪ್ರಧಾನ ಮಂತ್ರಿ ನರೇಂದ್ರ ಮೋದಿ
ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ಜನವರಿ 27 ರಂದು ತಮ್ಮ ವಾರ್ಷಿಕ 'ಪರೀಕ್ಷಾ ಪೇ ಚರ್ಚಾ'ದಲ್ಲಿ ವಿದ್ಯಾರ್ಥಿಗಳು, ಪೋಷಕರು ಮತ್ತು ಶಿಕ್ಷಕರೊಂದಿಗೆ ಸಂವಾದ ನಡೆಸಲಿದ್ದಾರೆ ಎಂದು ಕೇಂದ್ರ ಶಿಕ್ಷಣ ಸಚಿವಾಲಯ ತಿಳಿಸಿದೆ.
ಸಂವಾದದ ಆರನೇ ಆವೃತ್ತಿಯು ಟಾಲ್ಕಟೋರಾ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯಲಿದೆ ಎಂದು ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪರ್ಧನ್ ಹೇಳಿದ್ದಾರೆ. "ಕಾಯುವಿಕೆ ಮುಗಿದಿದೆ! #PPC2023 ಜನವರಿ 27, 2023 ರಂದು ದೆಹಲಿಯ ಟಾಲ್ಕಟೋರಾ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಗೌರವಾನ್ವಿತ ಪ್ರಧಾನ ಮಂತ್ರಿಗಳಾದ ನರೇಂದ್ರ ಮೋದಿಯವರು ವಿದ್ಯಾರ್ಥಿಗಳು, ಪೋಷಕರು ಮತ್ತು ಶಿಕ್ಷಕರೊಂದಿಗೆ ಸಂವಾದ ನಡೆಸಲಿದ್ದಾರೆ. ExamWarriors," ಎಂದು ಸಚಿವಾಲಯ ಟ್ವೀಟ್‌ನಲ್ಲಿ ತಿಳಿಸಿದೆ.
#ParikshaPeCharcha2023 Date Announced!
The wait is over! #PPC2023 is going to be held on 27th January 2023 at Talkatora Indoor Stadium, New Delhi.
Hon’ble PM Shri @narendramodi will interact with students, parents, and teachers. Stay Tuned! #ExamWarriors pic.twitter.com/9DVFiReEaQ— Ministry of Education (@EduMinOfIndia) January 3, 2023
ವಾರ್ಷಿಕ ಸಮಾರಂಭದಲ್ಲಿ, ಪ್ರಧಾನ ಮಂತ್ರಿಗಳು ಬೋರ್ಡ್ ಪರೀಕ್ಷೆಗೆ ಹಾಜರಾಗುವ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಲಿದ್ದಾರೆ. ಅವರು ಪರೀಕ್ಷೆಯ ಒತ್ತಡ ಮತ್ತು ಇತರ ಸಮಸ್ಯೆಗಳಿಗೆ ಸಂಬಂಧಿಸಿದ ವಿದ್ಯಾರ್ಥಿಗಳ ಪ್ರಶ್ನೆಗಳಿಗೆ ಉತ್ತರಿಸುತ್ತಾರೆ. ಕೇಂದ್ರ ಆರೋಗ್ಯ ಸಚಿವಾಲಯವು ನಿರ್ಧರಿಸಿದಂತೆ, ಕೋವಿಡ್-19 ಶಿಷ್ಠಾಚಾರಗಳಿಗೆ ಬದ್ಧವಾಗಿರುವಾಗ, 2022 ರಲ್ಲಿದ್ದಂತೆ, ಟೌನ್ ಹಾಲ್ ಮಾದರಿಯ ಸ್ವರೂಪದಲ್ಲಿ ಕಾರ್ಯಕ್ರಮವನ್ನು ಪ್ರಸ್ತಾಪಿಸಲಾಗಿದೆ.
ನರೇಂದ್ರ ಮೋದಿ ಅವರು ಈ ವಿಶಿಷ್ಟ ಸಂವಾದಾತ್ಮಕ ಕಾರ್ಯಕ್ರಮ ಪರಿಕ್ಷಾ ಪೇ ಚರ್ಚಾವನ್ನು ಪರಿಕಲ್ಪನೆ ಮಾಡಿದ್ದಾರೆ, ಇದರಲ್ಲಿ ವಿದ್ಯಾರ್ಥಿಗಳು, ಪೋಷಕರು, ರಾಷ್ಟ್ರದಾದ್ಯಂತ ಶಿಕ್ಷಕರು ಮತ್ತು ವಿದೇಶದಿಂದಲೂ ಅವರೊಂದಿಗೆ ಪರೀಕ್ಷೆಗಳು ಮತ್ತು ಶಾಲೆಯ ನಂತರದ ಜೀವನಕ್ಕೆ ಸಂಬಂಧಿಸಿದ ಪ್ರಶ್ನೆಗಳು, ಸಂದೇಹಗಳನ್ನು ಚರ್ಚಿಸುತ್ತಾರೆ.
ಪರೀಕ್ಷಾ ಪೇ ಚರ್ಚಾದಲ್ಲಿ ೃ ಭಾಗವಹಿಸಲು ನೋಂದಣಿಗಳು ನವೆಂಬರ್ 25 ರಿಂದ ಡಿಸೆಂಬರ್ 30 ರವರೆಗೆ ತೆರೆದಿದ್ದವು. 2022 ರಲ್ಲಿ ಸುಮಾರು 15.7 ಲಕ್ಷಕ್ಕೆ ಹೋಲಿಸಿದರೆ 38.80 ಲಕ್ಷ ವಿದ್ಯಾರ್ಥಿಗಳು ನೋಂದಾಯಿಸಿಕೊಂಡಿದ್ದಾರೆ ಎಂದು ಸಚಿವಾಲಯ ತಿಳಿಸಿದೆ. 150 ದೇಶಗಳ ವಿದ್ಯಾರ್ಥಿಗಳು, 51 ದೇಶಗಳ ಶಿಕ್ಷಕರು ಮತ್ತು 50 ದೇಶಗಳ ಪೋಷಕರು ಸಹ ನೋಂದಾಯಿಸಿಕೊಂಡಿದ್ದಾರೆ.
Prime Minister @narendramodi will interact with students, teachers, and parents in the 6th edition of 'Pariksha Pe Charcha' on 27th Jan 2023. @EduMinOfIndia pic.twitter.com/oiCNmZNBTl
— Prasar Bharati News Services & Digital Platform (@PBNS_India) January 4, 2023
