ಬಿಜೆಪಿ ಶಕ್ತಿ ಸಂಗಮ ಸಮಾವೇಶ: ವಂಶ ರಾಜಕಾರಣಕ್ಕೆ ಇಲ್ಲ ಅವಕಾಶ; ಕಮಲ ನಾಯಕರ ಪ್ರಬಲ ಸಂದೇಶ

ಬೆಂಗಳೂರು: ಬಿಜೆಪಿಯ 24 ವಿವಿಧ ಪ್ರಕೋಷ್ಠಗಳ ಶಕ್ತಿ ಸಂಗಮ ಸಮಾವೇಶ ಬೆಂಗಳೂರಿನ ಅರಮನೆ ಮೈದಾನದಲ್ಲಿ ನಡೆಯಿತು. ಸಮಾವೇಶದಲ್ಲಿ ಪಕ್ಷದ 24 ವಿವಿಧ ಪ್ರಕೋಷ್ಠಗಳ ಸದಸ್ಯರು ಭಾನುವಾರ ಅರಮನೆ ಮೈದಾನದಲ್ಲಿ ಭಾಗವಹಿಸಿದ್ದರು.

ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್, ಪಕ್ಷದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ (ಸಂಘಟನೆ) ಬಿ.ಎಲ್. ಸಂತೋಷ್ ಮತ್ತು ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಸೇರಿದಂತೆ ಪಕ್ಷದ ಉನ್ನತ ನಾಯಕರು ಸಮಾವೇಶದಲ್ಲಿ ಒಗ್ಗಟ್ಟನ್ನು ಪ್ರದರ್ಶಿಸಿದರು.

ಸಂತೋಷ್ ಅವರ ಕಲ್ಪನೆಯ ಕೂಸಾದ ಈ ಕಾರ್ಯಕ್ರಮವು, ಪಕ್ಷವೇ ಸರ್ವಶ್ರೇಷ್ಠ ಮತ್ತು ವಂಶ ರಾಜಕಾರಣಕ್ಕೆ ಅವಕಾಶವಿಲ್ಲ ಎಂಬ ಸ್ಪಷ್ಟ ಸಂದೇಶವನ್ನು ಸಾರಿತು. ಪಕ್ಷವು ಕೇವಲ ಎರಡು ಸ್ಥಾನಗಳನ್ನು ಹೊಂದಿದ್ದ ದಿನಗಳನ್ನು ನೆನಪಿಸಿಕೊಳ್ಳಬೇಕೆಂದು ಯಡಿಯೂರಪ್ಪ ಅವರು ಹೊಸ ತಲೆಮಾರಿನ ನಾಯಕರು ಮತ್ತು ಕಾರ್ಯಕರ್ತರನ್ನು ಕೇಳಿಕೊಂಡರು.

ಪ್ರಧಾನ ಕಾರ್ಯದರ್ಶಿ ಸಿ.ಟಿ. ರವಿ ಅವರು ಭಾಗವಹಿಸಿದ್ದವರಿಗೆ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಅಭಿನಂದಿಸಲು ಕೇಳಿಕೊಂಡರು. ಆದರೆ, ನೆರೆದಿದ್ದವರು ಬಿ.ಎಸ್. ಯಡಿಯೂರಪ್ಪ ಅವರ ಹೆಸರನ್ನು ಜಪಿಸಿದರು.

'ಪಕ್ಷದ ಕಾರ್ಯಕರ್ತರ ಉತ್ಸಾಹವನ್ನು ಗಮನಿಸಿದರೆ ಇಲ್ಲಿ ಬಿಜೆಪಿ ಗೆಲುವು ಖಚಿತ. 2014ಕ್ಕೂ ಮೊದಲು ರೈಲ್ವೆಗೆ ಕೇವಲ 834 ಕೋಟಿ ನೀಡಿದ್ದರಿಂದ ಕರ್ನಾಟಕವು ಕಾಂಗ್ರೆಸ್‌ಗೆ ಹಾಲು ಕೊಡುವ ಹಸುವಾಗಿತ್ತು. ಪ್ರಧಾನಿ ನರೇಂದ್ರ ಮೋದಿ ಅವರು 6,091 ಕೋಟಿ ಅನುದಾನ ನೀಡಿದ್ದಾರೆ ಎಂದು ವೈಷ್ಣವ್ ಹೇಳಿದರು. ದತ್ತ ಪೀಠದ ಸಮಸ್ಯೆಯನ್ನು ಅದರ ತಾರ್ಕಿಕ ಅಂತ್ಯಕ್ಕೆ ಕೊಂಡೊಯ್ಯುತ್ತಿದ್ದಾರೆ ಮತ್ತು SC/ST ಕೋಟಾದಲ್ಲಿ ಹೆಚ್ಚಳವು ಗೇಮ್ ಚೇಂಜರ್ ಆಗಿರುತ್ತದೆ ಎಂದು ಅವರು ಭಾವಿಸಿದರು.

ಬೆಂಗಳೂರಿನಲ್ಲಿ ಉಪನಗರ ರೈಲು ಯೋಜನೆಗೆ ಸಂಬಂಧಿಸಿದಂತೆ ಭೂಸ್ವಾಧೀನ ನಡೆಯುತ್ತಿದ್ದು, ಶೀಘ್ರದಲ್ಲೇ ಪೂರ್ಣಗೊಳ್ಳಲಿದೆ. ಹೆಚ್ಚಿನ ಆಧುನಿಕ ಯೋಜನೆಗಳಂತೆ ನಾವು ಕಿಮೀಗೆ 250-300 ಕೋಟಿ ರೂ. ವೆಚ್ಚ ಮಾಡುವುದಿಲ್ಲ. ಆದರೆ, ನಮ್ಮ ಇಂಜಿನಿಯರಿಂದ್ ಸಿಬ್ಬಂದಿ ನಾವಿನ್ಯತೆಯ ಮೂಲಕ ಇದನ್ನು 70-80 ಕೋಟಿ ರೂ. ವೆಚ್ಚದಲ್ಲಿ ಕೈಗೆತ್ತಿಕೊಳ್ಳಲಾಗುವುದು. ವಂದೇ ಭಾರತ್ ಎಕ್ಸ್‌ಪ್ರೆಸ್‌ ರೈಲುಗಳನ್ನು ಗಂಟೆಗೆ 160 ಕಿಮೀ ವೇಗದಲ್ಲಿ ಓಡಿಸಲು ಕ್ರಮೇಣ  ಹಳಿಗಳನ್ನು ವಿನ್ಯಾಸಗೊಳಿಸಲಾಗುವುದು. ಮುಂದಿನ ವರ್ಷದ ವೇಳೆಗೆ ಹೈಡ್ರೋಜನ್ ಚಾಲಿತ ರೈಲುಗಳು ಚಲಿಸಲಿವೆ ಎಂದು ಅವರು ಹೇಳಿದರು.

ಗೇಮಿಂಗ್ ಚಟಕ್ಕೆ ಬಲಿಯಾಗುತ್ತಿರುವ ಮಕ್ಕಳ ಕುರಿತು ಬಿಜೆಪಿಯ ಮಾಜಿ ಸಚಿವ ಸುರೇಶ್ ಕುಮಾರ್ ಬರೆದಿರುವ ಪತ್ರದ ಕುರಿತು ಮಾತನಾಡಿದ ಅವರು, 'ಈ ಕುರಿತು ಹಲವು ರಾಜ್ಯಗಳು ಕಳವಳ ವ್ಯಕ್ತಪಡಿಸಿದ್ದು, ಕೇಂದ್ರವು ಹೊಸ ಕಾನೂನನ್ನು ತರಲಿದೆ' ಎಂದು ಹೇಳಿದರು.

ದೇಶದ ಶೇ.70ರಷ್ಟು ಜನರು ಮೋದಿಯತ್ತ ಒಲವು ತೋರಿದ್ದಾರೆ ಎಂದು ಸಮೀಕ್ಷೆಗಳು ತಿಳಿಸಿರುವುದರಿಂದ ಮುಂಬರುವ ಚುನಾವಣೆಯಲ್ಲಿ ಕಾಂಗ್ರೆಸ್‌ಗೆ ಸೋಲನುಭವಿಸಿದರೆ ಇಡೀ ದೇಶದಲ್ಲಿ ನೆಲ ಕಚ್ಚಲಿದೆ ಎಂದು ಯಡಿಯೂರಪ್ಪ ಹೇಳಿದರು.