ಹಳೆ ವಿನ್ಯಾಸದ ಪಾರಂಪರಿಕ ಕಟ್ಟಡಕ್ಕೆ ಹೊಸ ನೋಟ: ಇದು ಮಂಗಳೂರಿನ 'ಬಂದರ್ ಪೊಲೀಸ್ ಠಾಣೆ'!

ಮಂಗಳೂರು: ಮಂಗಳೂರಿನ ಅಜಿಜುದ್ದೀನ್ ರಸ್ತೆಯಲ್ಲಿರುವ ಹೆಗ್ಗುರುತು ಕೆಂಪು ಇಟ್ಟಿಗೆಯ ಪಾರಂಪರಿಕ ಕಟ್ಟಡವಾದ ಬಂದರ್ ಪೋಲಿಸ್ ಸ್ಟೇಷನ್. ಅದೀಗ ಹೊಸದಾಗಿ ಕಂಗೊಳಿಸುತ್ತಿದೆ. ಆದರೆ ಸಾಂಪ್ರದಾಯಿಕ ಕಟ್ಟಟದ ಹೊಳಪು ಮತ್ತು ಸೌಂದರ್ಯವನ್ನು ಹಾಗೆಯೇ ಉಳಿಸಿಕೊಂಡಿದೆ.

ಬಂದರ್ ಪೊಲೀಸ್ ಠಾಣೆ ಇರುವುದು ಓಲ್ಡ್ ಪೋರ್ಟ್ ಬಳಿ, 132 ವರ್ಷ ಹಳೆಯ ಈ ಪೊಲೀಸ್ ಠಾಣೆ ವಸಾಹತುಶಾಹಿ ಯುಗದಲ್ಲಿ ಸ್ಥಾಪನೆಯಾಗಿತ್ತು, ಇದನ್ನು ವಿಶಿಷ್ಟವಾದ ಬ್ರಿಟಿಷ್ ವಸಾಹತು-ಶೈಲಿಯ ವಾಸ್ತುಶಿಲ್ಪದಲ್ಲಿ ನಿರ್ಮಿಸಲಾಗಿದೆ.

ಜನನಿಬಿಡ ಅಜೀಜುದ್ದೀನ್ ರಸ್ತೆ ಮತ್ತು ಪಕ್ಕದ ರಸ್ತೆಗಳು ಬಿಡುವಿಲ್ಲದ ವಾಣಿಜ್ಯ ಚಟುವಟಿಕೆಯ ಪ್ರದೇಶವಾಗಿದೆ, ಅಲ್ಲಿ ಕಟ್ಟಡಗಳು ಮತ್ತು ಗೋಡೆಗಳನ್ನು ಮಂಗಳೂರು ಇಟ್ಟಿಗೆಯಲ್ಲಿ ನಿರ್ಮಿಸಲಾಗಿದೆ. ಮಂಗಳೂರು ಸಮುದ್ರ ತೀರದ ಉಪ್ಪು ನೀರಿನ ವಾಸನೆ ಬರುತ್ತದೆ.

ನಿಧಾನವಾಗಿ ಕಟ್ಟಡದ ಬಣ್ಣ ಶಿಥಿಲಗೊಳಗಾಗತೊಡಗಿತು. ಗೋಡೆಗಳು ಅಲ್ಲಲ್ಲಿ ಬಿರುಕುಬಿಡಲು ಆರಂಭವಾಯಿತು. ಛಾವಣಿ ಸೋರಿಕೆಯಾಗಿ ಕೆಲವು ಹೆಂಚುಗಳು ಮುರಿದವು, 2019 ರ ಸಿಎಎ ವಿರೋಧಿ ಪ್ರತಿಭಟನೆ ವೇಳೆ ಕಲ್ಲು ತೂರಾಟದಿಂದ ಪಾರಂಪರಿಕ ಕಟ್ಟಡಕ್ಕೆ ಹಾನಿಯುಂಟಾಗಿತ್ತು. ಮಂಗಳೂರು ಉತ್ತರ ನಿಲ್ದಾಣ ಎಂದು ಕರೆಯಲ್ಪಡುವ ಈ ಪೊಲೀಸ್ ನಿಲ್ಧಾಣದ ಇನ್ಸ್‌ಪೆಕ್ಟರ್ ಆಗಿದ್ದ ಗೋವಿಂದರಾಜು ಬಿ  ಈ ಪಾರಂಪರಿಕ ಕಟ್ಟಡದ ಸೌಂದರ್ಯ ಕಾಪಾಡಲು ಏನಾದರೂ ಮಾಡಬೇಕೆಂದು ನಿರ್ಧರಿಸಿದರು.

ಪಾರಂಪರಿಕ ಕಟ್ಟಡದ ಗೋಡೆಗಳು ಹಾಳಾಗಿದ್ದವು ಛಾವಣಿ ಸೋರಿಕೆಯಾಗುತ್ತಿತ್ತು, ಕಂಪ್ಯೂಟರ್‌ಗಳು ಹಾನಿಗೀಡಾಗಿದ್ದವು. ಇದಲ್ಲದೆ, ಸಿಎಎ ವಿರೋಧಿ ಪ್ರತಿಭಟನೆಯ ಸಮಯದಲ್ಲಿ ಕಲ್ಲು ತೂರಾಟದಿಂದಾಗಿ ಹಲವಾರು ಹೆಂಚುಗಳು ಹಾಳಾದವು ಎನ್ನುತ್ತಾರೆ ಇನ್ಸ್ ಪೆಕ್ಟರ್ ಗೋವಿಂದರಾಜು. ಕಟ್ಟಡ ನಿರ್ವಹಣೆ ಕೊರತೆಯನ್ನು ಕಂಡು ಸುಧಾರಣೆ ಮಾಡಬೇಕೆಂದು ನಿರ್ಧರಿಸಿದರು. ಸಹಾಯಕ್ಕಾಗಿ ಸ್ಥಳೀಯರು ಮತ್ತು ಲೋಕೋಪಕಾರಿಗಳ ಸಹಾಯ ಪಡೆದರು. 

ನಂತರ ಬೆಂಗಳೂರಿನ ಸಿಸಿಬಿ ಇಲಾಖೆಗೆ ವರ್ಗಾವಣೆಗೊಂಡ ಗೋವಿಂದರಾಜು ಪೊಲೀಸ್ ಇಲಾಖೆ ಮತ್ತು ದಾನಿಗಳ ನೆರವನ್ನು ಕೇಳಿ ಕಟ್ಟಡವನ್ನು ನವೀಕರಿಸಲು ಮುಂದಾದರು. ಕಟ್ಟಡಕ್ಕೆ ಹೊಸ ನೋಟ ನೀಡಲು ಬಯಸಿದೆನು. ಅದೇ ಸಮಯದಲ್ಲಿ, ಅದರ ಸೌಂದರ್ಯ ಮತ್ತು ವಾಸ್ತುಶಿಲ್ಪ ಶೈಲಿಯನ್ನು ಸಂರಕ್ಷಿಸಿ, ಪೊಲೀಸ್ ಠಾಣೆಯನ್ನು ಜನಸ್ನೇಹಿಗೊಳಿಸಲು ನಾನು ಬಯಸಿದ್ದೆನು. ಪೊಲೀಸ್ ಠಾಣೆಗಳು ಜನಸ್ನೇಹಿಯಾಗಿರಬೇಕು, ಜನರು ನಿರ್ಭೀತಿಯಿಂದ ಬಂದು ತಮ್ಮ ದುಃಖ ದುಮ್ಮಾನ, ಸಂಕಷ್ಟಗಳನ್ನು ಹೇಳಿಕೊಳ್ಳಬೇಕು. ನಿಲ್ದಾಣವು ನಗರದ ಹೃದಯಭಾಗದಲ್ಲಿದೆ ಮತ್ತು ಅನೇಕ ಪ್ರಕರಣಗಳನ್ನು ನಿಭಾಯಿಸುತ್ತದೆ. ಅಲ್ಲದೆ, ಅನೇಕ ಬಾಕಿ ಇರುವ ಪ್ರಕರಣಗಳ ದಾಖಲೆಗಳಿವೆ ಅದನ್ನು ರಕ್ಷಿಸಬೇಕಾಗಿದೆ ಎನ್ನುತ್ತಾರೆ ಗೋವಿಂದರಾಜು.

ಕಟ್ಟಡ ಅಥವಾ ಅದರ ಯಾವುದೇ ಭಾಗವನ್ನು ನೆಲಸಮ ಮಾಡುವ ಪ್ರಶ್ನೆಯೇ ಇರಲಿಲ್ಲ, ಅದು ಸಾಕಷ್ಟು ಗಟ್ಟಿಯಾಗಿದೆ, ಹಂಚುಗಳನ್ನು ಬದಲಾಯಿಸಲು ಮತ್ತು ಗೋಡೆಗಳನ್ನು ಸರಿಪಡಿಸಲು ಪ್ರಾರಂಭಿಸಿದೆವು. ಸಿಟಿ ಸೆಂಟರ್ ಮಾಲ್ ಅಧಿಕಾರಿಗಳು ಮತ್ತು ಇತರ ಕೆಲವು ಲೋಕೋಪಕಾರಿಗಳು ಪೇಂಟಿಂಗ್ ಮತ್ತು ಗೋಡೆಗಳ ಇತರ ತೇಪೆ ಕೆಲಸಕ್ಕೆ ಸಹಾಯ ಮಾಡಿದರು. ಓವರ್ ಲೋಡ್ ಮತ್ತು ವಿದ್ಯುತ್ ಸರಬರಾಜು ಸಮಸ್ಯೆಗಳಿಂದಾಗಿ, ನಮ್ಮ ಕಂಪ್ಯೂಟರ್ ವ್ಯವಸ್ಥೆಗಳು ಹಾಳಾಗಿವೆ. ಕೆಲವು ಬ್ಯಾಂಕುಗಳ ಸಹಾಯದಿಂದ ವೈರಿಂಗ್ ಮತ್ತು ಪ್ಲಂಬಿಂಗ್ ಸೇರಿದಂತೆ ಹೊಸದಾಗಿ ಬದಲಾಯಿಸಿದ್ದೇವೆ ಎಂದು ಅವರು ಹೇಳಿದರು.

ಕಟ್ಟಡದ ಪಾರಂಪರಿಕ ನೋಟವನ್ನು ಸಂರಕ್ಷಿಸಲು, ಗೋವಿಂದರಾಜು ಅವರು ಬ್ರಿಟಿಷ್ ರಾಜರ ಕಾಲದಲ್ಲಿ ನಿರ್ಮಿಸಿದ ಕಟ್ಟಡಗಳನ್ನು ಹಳೆಯ ಕೆಂಪು ಬಣ್ಣದಿಂದ ಪುನಃ ಬಣ್ಣ ಬಳಿಯಲು ನಿರ್ಧರಿಸಿದ್ದಾರೆ. ಈ ರಚನೆಯು ಬ್ರಿಟಿಷ್ ಯುಗದಲ್ಲಿ ಪೊಲೀಸರ ಕೆಲಸದ ವಾತಾವರಣವನ್ನು ಸಹ ಚಿತ್ರಿಸುತ್ತದೆ ಎಂದು ಅವರು ಹೇಳಿದರು. ಇಲಾಖೆಗೆ ಕಳುಹಿಸಿದ ಪ್ರಸ್ತಾವನೆಯಲ್ಲಿ ಪುರುಷರು ಮತ್ತು ಮಹಿಳಾ ಸಿಬ್ಬಂದಿಗಳಿಗೆ ವಿಶ್ರಾಂತಿ ಕೊಠಡಿಗಳ ನಿರ್ಮಾಣ, ವಾಶ್‌ರೂಮ್‌ಗಳು ಮತ್ತು ಇತರ ಸೌಲಭ್ಯಗಳನ್ನು ಅನುಮೋದಿಸಲಾಗಿದೆ.

ಮಂಗಳೂರು ನಗರ ಪೊಲೀಸ್ ಆಯುಕ್ತ ಎನ್. ಶಶಿಕುಮಾರ್ ಮತ್ತು ಹರಿರಾಮ್ ಶಂಕರ್, ಡಿಸಿಪಿ (ಕಾನೂನು ಮತ್ತು ಸುವ್ಯವಸ್ಥೆ) ಕೆಲವು ದಿನಗಳ ಹಿಂದೆ ನವೀಕರಿಸಿದ ಕಟ್ಟಡಕ್ಕೆ ಭೇಟಿ ನೀಡಿದರು. ಕಟ್ಟಡದ ಛಾವಣಿಯ ದುರಸ್ತಿ, ವಿದ್ಯುತ್ ಕೆಲಸ, ಮರು ಪ್ಲಾಸ್ಟರಿಂಗ್ ಮತ್ತು ಪೇಂಟಿಂಗ್ ಪೂರ್ಣಗೊಂಡಿದೆ ಎನ್ನುತ್ತಾರೆ ಆಯುಕ್ತ ಶಶಿಕುಮಾರ್ ಹೇಳಿದರು. ಇದು ಮಂಗಳೂರಿನ ಅತ್ಯಂತ ಹಳೆಯ ಪೊಲೀಸ್ ಠಾಣೆ. ನಿಲ್ದಾಣವನ್ನು ಪಾರಂಪರಿಕ ಕಟ್ಟಡವಾಗಿ ಸಂರಕ್ಷಿಸಲು ನಾವು ಹೆಚ್ಚಿನ ಕೆಲಸಗಳನ್ನು ತೆಗೆದುಕೊಳ್ಳುತ್ತೇವೆ ಎಂದರು.

ಐತಿಹಾಸಿಕ ಸಂಗತಿಗಳು: 1889 ರಲ್ಲಿ ನಿರ್ಮಿಸಲಾಗಿದ್ದ ಈ ಪೊಲೀಸ್ ಠಾಣೆ, 0.67 ಎಕರೆ ವಿಸ್ತೀರ್ಣವನ್ನು ಹೊಂದಿದ್ದು, ಆಗಿನ ನಿರ್ಮಾಣ ವೆಚ್ಚ 16 ಸಾವಿರ ರೂಪಾಯಿಯಾಗಿತ್ತು. ಎರಡು ಮಹಡಿಗಳನ್ನು ಹೊಂದಿದ್ದು, 15 ಕೊಠಡಿಗಳನ್ನು ಒಳಗೊಂಡಿದೆ. 

18ನೇ ಶತಮಾನದ ಆಡಳಿತಗಾರ ಟಿಪ್ಪು ಸುಲ್ತಾನ್ ಹಳೆಯ ಬಂದರಿನ ಮೂಲಕ ಮಂಗಳೂರಿಗೆ ಭೇಟಿ ನೀಡುತ್ತಿದ್ದರು ಮತ್ತು ಈ ಕಟ್ಟಡದಲ್ಲಿ ತಂಗಿದ್ದರು ಎಂದು ಹೇಳಲಾಗಿದೆ. ಕೆಲವು ಸ್ಥಳೀಯರು ಮತ್ತು ಹಿರಿಯ ಪೋಲಿಸ್ ಅಧಿಕಾರಿಗಳು ಟಿಪ್ಪು ಈ ಕಟ್ಟಡದಲ್ಲಿ ವಿಶ್ರಾಂತಿ ಪಡೆಯುತ್ತಿದ್ದರು ಮತ್ತು ಈ ಸ್ಥಳವನ್ನು ಕುದುರೆ ಅಂಗಳವಾಗಿ ಬಳಸುತ್ತಿದ್ದರು ಎಂದು ಹೇಳುತ್ತಾರೆ.

ಬಂದರ್‌ನ ಮಾಜಿ ಪುರಸಭಾ ಸದಸ್ಯರಾದ 76 ವರ್ಷದ ಎಂ ಅಹ್ಮದ್ ಬಾವ, ಈ ಪೊಲೀಸ್ ಠಾಣೆಯು ಬ್ರಿಟಿಷರ ತೆರಿಗೆ ಸಂಗ್ರಹ ಕೇಂದ್ರವಾಗಿತ್ತು. "ಕಚ್ ಮತ್ತು ಕರಾಚಿಯಿಂದ ದ್ವಿದಳ ಧಾನ್ಯಗಳನ್ನು ಸಾಗಿಸುವ ಹಡಗುಗಳು ಮತ್ತು ಹಡಗುಗಳು ಹಳೆಯ ಬಂದರಿಗೆ ಬರುತ್ತಿದ್ದವು, ಏಕೆಂದರೆ ಆಗಲೂ ಮಂಗಳೂರು ಪ್ರಮುಖ ವ್ಯಾಪಾರ ಕೇಂದ್ರವಾಗಿತ್ತು ಎನ್ನುತ್ತಾರೆ.