ಕಟ್ಟಡ ನಿರ್ಮಾಣ ತ್ಯಾಜ್ಯಗಳಿಂದ ಮನೆ ನಿರ್ಮಿಸಿದ ಮೈಸೂರು ಮೂಲದ ವಾಸ್ತುಶಿಲ್ಪಿ!

ದೂರದಿಂದ ನೋಡಿದರೆ ಈ ಮನೆ ಎಲ್ಲ ಮನೆಗಳಂತೆಯೇ ಕಾಣುತ್ತದೆ. ಇದು ಇರುವುದು ಮೈಸೂರು ಜಿಲ್ಲೆಯ ನಂಜನಗೂಡು ತಾಲ್ಲೂಕಿನ ಹರ್ತಾಳೆ ಎಂಬಲ್ಲಿ.

Published: 11th January 2021 01:33 PM  |   Last Updated: 11th January 2021 02:18 PM   |  A+A-


house at Harthale, Nanjangud

ಕಟ್ಟಡ ನಿರ್ಮಾಣ ತ್ಯಾಜ್ಯಗಳಿಂದ ನಿರ್ಮಿತ ಮನೆ

Posted By : Sumana Upadhyaya
Source : The New Indian Express

ಮೈಸೂರು: ದೂರದಿಂದ ನೋಡಿದರೆ ಈ ಮನೆ ಎಲ್ಲ ಮನೆಗಳಂತೆಯೇ ಕಾಣುತ್ತದೆ. ಇದು ಇರುವುದು ಮೈಸೂರು ಜಿಲ್ಲೆಯ ನಂಜನಗೂಡು ತಾಲ್ಲೂಕಿನ ಹರ್ತಾಳೆ ಎಂಬಲ್ಲಿ.

ಮನೆಯ ಒಳಗೆ ಕಾಲಿಟ್ಟರೆ ಗೊತ್ತಾಗುವುದು ವೈಶಿಷ್ಟ್ಯತೆ. ಮರುಬಳಕೆ ಮಾಡಿರುವ ಮರದ ಕಿಟಕಿಗಳು ಮತ್ತು ನೆಲ ಸಮ ಮಾಡಿರುವ ಕಟ್ಟಡಗಳಿಂದ ಸಂಗ್ರಹಿಸಿಗದ ಬಾಗಿಲುಗಳು, ಮುರಿದ ಪಿಂಗಾಣಿ, ಕಟ್ಟಡದ ತ್ಯಾಜ್ಯದಿಂದ ಮಾಡಿದ ಮಣ್ಣಿನ ಕಾಂಕ್ರೀಟ್ ಬ್ಲಾಕ್ ಗಳು, ಮಣ್ಣಿನ ಕಾಂಕ್ರೀಟ್ ನ ನೆಲಹಾಸು ಇತ್ಯಾದಿ ಕಾಣುತ್ತದೆ. ತ್ಯಾಜ್ಯವನ್ನು ಮರುಬಳಕೆ ಮಾಡಿ ಮನೆ ಹೇಗೆ ನಿರ್ಮಿಸಬಹುದು ಎಂಬುದನ್ನು ಇದು ತೋರಿಸಿಕೊಡುತ್ತದೆ ಎನ್ನುತ್ತಾರೆ ಮೈಸೂರಿನ ವಾಸ್ತುಶಿಲ್ಪಿ ರಾಜೇಶ್ ಕುಮಾರ್ ಜೈನ್.

ವೈಸ್ ಅಡ್ಮಿರಲ್ (ನಿವೃತ್ತ) ಗಾಗಿ ನಿರ್ಮಿಸಲಾದ ಸುಮಾರು 450 ಚದರ ಅಡಿ ವಿಸ್ತೀರ್ಣದ ತೋಟದಮನೆ, ಬೆಳಕಿನ ಉದ್ದೇಶಕ್ಕಾಗಿ ಸ್ಥಳೀಯ ಮಾರಾಟಗಾರರಿಂದ ಗಾಜಿನ ಬಾಟಲಿಗಳನ್ನು ಸಂಗ್ರಹಿಸಿದೆ; ನೈಸರ್ಗಿಕ ವಾತಾಯನಕ್ಕಾಗಿ ಜಾಲಿ ಇಟ್ಟಿಗೆಗಳು, ಹಳೆಯ ಬಳಸಿದ ಮೈಕ್ರೊ ಕಾಂಕ್ರೀಟ್ ರೂಫಿಂಗ್ ಅಂಚುಗಳೊಂದಿಗೆ ರೂಫಿಂಗ್ ಮಾಡಲಾಗುತ್ತದೆ, ಅಲ್ಲಿ ಉಕ್ಕನ್ನು ಬಳಸಲಾಗಿದೆ. ಸೈಟ್ ನಲ್ಲಿ ಉತ್ಖನನ ಮಾಡಿದ ಜಲ್ಲಿಕಲ್ಲುಗಳನ್ನು ಅಡಿಪಾಯಕ್ಕಾಗಿ ಬಳಸಲಾಗುತ್ತದೆ. ಇಡೀ ಯೋಜನೆಗೆ ಕೇವಲ 30 ಚೀಲ ಸಿಮೆಂಟ್ ಬಳಸಲಾಗುತ್ತಿತ್ತು. ಹೆಚ್ಚು ಉಕ್ಕನ್ನು ಬಳಸುವುದರಿಂದ ಕಟ್ಟಡವು ಬಲವಾಗಿರುತ್ತದೆ ಎಂಬ ತಪ್ಪು ಕಲ್ಪನೆ ಜನರಿಗೆ ಇದೆ. ಇಂದು ಜನರು ಸಿಮೆಂಟ್ ಅನ್ನು ಬಳಸುತ್ತಾರೆ ಎನ್ನುತ್ತಾರೆ ರಾಜೇಶ್ ಕುಮಾರ್ ಜೈನ್.

ಇಟ್ಟಿಗೆಗಳನ್ನು ಕೂರಿಸಿದ ನಂತರ ಕೊನೆಗೆ, ನೆಲಕ್ಕೆ ಹೀಗೆ ಕನಿಷ್ಠ ಮಟ್ಟದಲ್ಲಿ ಸಿಮೆಂಟನ್ನು ಬಳಸಿ ಪರಿಸರ ಸ್ನೇಹಿಯಾಗಿ ಮನೆ ನಿರ್ಮಿಸಲಾಗಿದೆ. ನಾನು ವಾಸ್ತುಶಿಲ್ಪ ಶಾಸ್ತ್ರದಲ್ಲಿ ಪದವಿ ಮುಗಿಸಿದೆ. ಕಟ್ಟಡ ನಿರ್ಮಿಸಿ ಕೆಡವಿದ ತ್ಯಾಜ್ಯಗಳು ಪರಿಸರಕ್ಕೆ ಮತ್ತು ಮನುಷ್ಯನ ಆರೋಗ್ಯಕ್ಕೆ ತ್ಯಾಜ್ಯ ವಸ್ತುಗಳು ಮಾರಕವಾಗಿರುವುದರಿಂದ ಇದನ್ನು ಮರುಬಳಕೆ ಮಾಡಬೇಕೆಂಬ ಯೋಚನೆ ಹೊಳೆಯಿತು. ನಗರಗಳಲ್ಲಿ ರಸ್ತೆಬದಿಗಳಲ್ಲಿ, ಖಾಲಿ ಸೈಟುಗಳಲ್ಲಿ ಬೇಡದ ವಸ್ತುಗಳು ಬಿದ್ದಿರುವುದನ್ನು ನೋಡುತ್ತೇವೆ. ಈ ವಸ್ತುಗಳಿಂದ ಮನೆಯ ಕಂಪೌಂಡ್ ಮತ್ತು ಮನೆಯ ನೆಲದ ಕೆಲಸ ಮಾಡಿಸಿದೆವು. ಈ ಮೂಲಕ ತ್ಯಾಜ್ಯವಾಗುವುದನ್ನು ತಡೆಯಬಹುದು ಎನ್ನುತ್ತಾರೆ ರಾಜೇಶ್.

ಅಲ್ಲದೆ, ನಾವು ಹೊಸ ವಸ್ತುಗಳ ಬಳಕೆಯನ್ನು ಕಡಿಮೆ ಮಾಡಬಹುದು. ಕ್ವಾರಿಗಳನ್ನು ಮುಚ್ಚುವುದರೊಂದಿಗೆ, ವಸ್ತುಗಳ ಕೊರತೆ ಇದೆ, ಇದು ಅಕ್ರಮ ಕಲ್ಲುಗಣಿಗಾರಿಕೆಗೆ ಕಾರಣವಾಗುತ್ತದೆ. ಸಾರಿಗೆ ವೆಚ್ಚವೂ ಈ ವಿಧಾನದಿಂದ ಕಡಿಮೆಯಾಗುತ್ತದೆ.ಜಲ ಮತ್ತು ವಾಯುಮಾಲಿನ್ಯವನ್ನು ಕಡಿಮೆ ಮಾಡಿ ಪರಿಸರವನ್ನು ರಕ್ಷಿಸಬಹುದು. ನಿರ್ಮಾಣ ಕಲ್ಲುಗಳನ್ನು ಬಳಸುವುದರ ಒಂದು ಪ್ರಮುಖ ಪ್ರಯೋಜನವೆಂದರೆ ಅದು ತ್ಯಾಜ್ಯ ವಿಲೇವಾರಿ ಮತ್ತು ಕಟ್ಟಡ ವೆಚ್ಚವನ್ನು ಕಡಿಮೆ ಮಾಡುತ್ತದೆ. ಅಂಚುಗಳು ಶಾಖವನ್ನು ಪ್ರತಿಬಿಂಬಿಸಲು ಸಹಾಯ ಮಾಡುತ್ತದೆ ಮತ್ತು ತಾಪಮಾನವನ್ನು ತಂಪಾಗಿಡಲು ಸಹಾಯ ಮಾಡುತ್ತದೆ, ಸೌರಶಕ್ತಿಯನ್ನು ಬಳಸುವ ಮೂಲಕ ಶಕ್ತಿಯ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಬಹುದು. ಇದಲ್ಲದೆ, ಮನೆಗಳಿಗೆ ಸೌಂದರ್ಯದ ನೋಟವನ್ನು ನೀಡುತ್ತದೆ ಎಂದು ರಾಜೇಶ್ ವಿವರಿಸುತ್ತಾರೆ.

ಒಬ್ಬ ವ್ಯಕ್ತಿ 30*40 ಅಳತೆಯ ಸೈಟ್ ನಲ್ಲಿ ಮನೆ ನಿರ್ಮಿಸಲು 30ರಿಂದ 35 ಲಕ್ಷ ರೂಪಾಯಿ ಖರ್ಚು ಮಾಡಿದರೆ ಸ್ಥಿರವಾಗಿ ಉಳಿಯುವ ಮನೆಯ ವೆಚ್ಚ ಕಡಿಮೆಯಾಗುತ್ತದೆ. ರಸ್ತೆಬದಿಗಳಲ್ಲಿ ಇರುವ ಅವಶೇಷಗಳನ್ನು ರಾಜೇಶ್ ಅವರ ತಂಡ ಸಂಗ್ರಹಿಸುತ್ತದೆ.ನಂತರ ಚೆನ್ನಾಗಿ ಅದನ್ನು ವಿಂಗಡಿಸಿ ಹೊಸ ಮಣ್ಣನ್ನು ಸೇರಿಸುತ್ತಾರೆ. ಕಲ್ಲನ್ನು ಇಟ್ಟಿಗೆ ಮಾಡಲು ವೈಜ್ಞಾನಿಕವಾಗಿ ಪರಿಷ್ಕರಣೆ ಮಾಡುತ್ತಾರೆ.

ಕಳೆದ 15 ವರ್ಷಗಳಲ್ಲಿ ರಾಜೇಶ್ ಮತ್ತು ಅವರ ತಂಡ ಸುಮಾರು 150 ಇಂತಹ ಪರಿಸರ ಸ್ನೇಹಿ ಮನೆಗಳನ್ನು ನಿರ್ಮಿಸಿದೆಯಂತೆ. ಅವುಗಳಲ್ಲಿ ಎರಡು ಮನೆಗಳು ನಿರ್ಮಾಣ ಮನೆಗಳ ತ್ಯಾಜ್ಯಗಳನ್ನು ಸಂಪೂರ್ಣವಾಗಿ ಬಳಸಿ ಕಟ್ಟಿದಂತವುಗಳು. ಬಾಡಿಗೆ ಕಚೇರಿಯಲ್ಲಿದ್ದ ನಾನು 2019ರಲ್ಲಿ ಕಡಕೋಳದಲ್ಲಿ ತ್ಯಾಜ್ಯ ವಸ್ತುಗಳನ್ನು ಬಳಸಿ ನಿರ್ಮಾಣ ಮಾಡಿದೆನು ಎನ್ನುವ ರಾಜೇಶ್ ಅವರಿಗೆ ಪರಿಸಹ ಸ್ನೇಹಿ ಮನೆಗಳನ್ನು ಕಟ್ಟುವ ಬಗ್ಗೆ ಜನರಲ್ಲಿ ಅರಿವು ಮೂಡಿಸುವ, ಅವುಗಳ ಪ್ರಯೋಜನಗಳನ್ನು ಪಡೆಯುವ ಬಗ್ಗೆ ತಿಳಿಹೇಳುವ ಯೋಜನೆಯಿದೆ. 

Stay up to date on all the latest ವಿಶೇಷ news
Poll
Covid-_Vaccine1

ರಾಜಕಾರಣಿಗಳಿಗೆ ಮೊದಲು ಕೋವಿಡ್-19 ಲಸಿಕೆ ನೀಡಬೇಕೇ?


Result
ಇಲ್ಲ, ಸಾಮಾನ್ಯ ಜನರಿಗೆ ಮೊದಲು
ಹೌದು, ಅವರು ನಮ್ಮ ನಾಯಕರು
flipboard facebook twitter whatsapp