'ನಮ್ರತೆ, ಹಾಸ್ಯಪ್ರಜ್ಞೆಗೆ ಹೆಸರುವಾಸಿಯಾಗಿದ್ದ ದಲಿತ ಕವಿ ಡಾ. ಸಿದ್ದಲಿಂಗಯ್ಯ'

ದಲಿತ ಕವಿ, ಬಂಡಾಯ ಸಾಹಿತಿ ಡಾ ಸಿದ್ದಲಿಂಗಯ್ಯನವರ ಸಾಹಿತ್ಯಗಳನ್ನು ಓದಿದವರಿಗೆ ಅವರ ತತ್ವ, ಸಿದ್ಧಾಂತಗಳು, ಆಲೋಚನೆಗಳು ಅರ್ಥವಾಗುತ್ತವೆ. ಅವರ ಕಾವ್ಯದಲ್ಲಿ ಒಂದು ಉಗ್ರತೆ ಇದೆ, ವೈಯಕ್ತಿಕವಾಗಿ, ಅವರು ನಮ್ರತೆ ಮತ್ತು ಹಾಸ್ಯ ಪ್ರಜ್ಞೆಗೆ ಹೆಸರುವಾಸಿಯಾಗಿದ್ದರು ಎಂದು ಕನ್ನಡದ ಖ್ಯಾತ ನಿರ್ದೇಶಕ ಟಿ ಎನ್ ಸೀತಾರಾಮ್ ಹೇಳುತ್ತಾರೆ.

Published: 12th June 2021 12:58 PM  |   Last Updated: 12th June 2021 01:14 PM   |  A+A-


Dr Siddalingaiah

ಡಾ ಸಿದ್ದಲಿಂಗಯ್ಯ

Posted By : Sumana Upadhyaya
Source : The New Indian Express

ಬೆಂಗಳೂರು: ದಲಿತ ಕವಿ, ಬಂಡಾಯ ಸಾಹಿತಿ ಡಾ ಸಿದ್ದಲಿಂಗಯ್ಯನವರ ಸಾಹಿತ್ಯಗಳನ್ನು ಓದಿದವರಿಗೆ ಅವರ ತತ್ವ, ಸಿದ್ಧಾಂತಗಳು, ಆಲೋಚನೆಗಳು ಅರ್ಥವಾಗುತ್ತವೆ. ಅವರ ಕಾವ್ಯದಲ್ಲಿ ಒಂದು ಉಗ್ರತೆ ಇದೆ, ವೈಯಕ್ತಿಕವಾಗಿ, ಅವರು ನಮ್ರತೆ ಮತ್ತು ಹಾಸ್ಯ ಪ್ರಜ್ಞೆಗೆ ಹೆಸರುವಾಸಿಯಾಗಿದ್ದರು ಎಂದು ಕನ್ನಡದ ಖ್ಯಾತ ನಿರ್ದೇಶಕ ಟಿ ಎನ್ ಸೀತಾರಾಮ್ ಹೇಳುತ್ತಾರೆ.

ಅವರ ನಿಧನ ಸಂದರ್ಭದಲ್ಲಿ ಟಿ ಎನ್ ಸೀತಾರಾಮ್ ಹಲವು ಸಂಗತಿಗಳನ್ನು, ನೆನಪುಗಳು, ಸಿದ್ದಲಿಂಗಯ್ಯನವರ ಜೊತೆಗಿನ ಒಡನಾಟಗಳನ್ನು ಮೆಲುಕು ಹಾಕಿದ್ದಾರೆ. 

ಅದು 80ರ ದಶಕದ ಆರಂಭದ ದಿನಗಳು. ನಾನು ರಂಗಭೂಮಿ ಮತ್ತು ಸಾಹಿತ್ಯಕ್ಕೆ ಬಂದ ಹೊಸತು. ಬರಗೂರು ರಾಮಚಂದ್ರಪ್ಪ, ಡಿ ಆರ್ ನಾಗರಾಜ್ ಮತ್ತು ಇತರರ ಜೊತೆಗೆ ಒಡನಾಟ ಇಟ್ಟುಕೊಂಡಿದ್ದೆ, ಡಾ ಸಿದ್ದಲಿಂಗಯ್ಯನವರು ಕನ್ನಡದಲ್ಲಿ ಸ್ನಾತಕೋತ್ತರ ಪದವಿ ಓದುತ್ತಿದ್ದಾಗ ಬೆಂಗಳೂರು ವಿಶ್ವವಿದ್ಯಾಲಯಕ್ಕೆ ಹೋಗಿದ್ದೆ. ಮೊದಲ ಭೇಟಿಯಲ್ಲಿನ ಆದ ಅನುಭವವೇ ಅತ್ಯುತ್ತಮ ಅನುಭವ ಎಂಬಂತೆ ಸಿದ್ದಲಿಂಗಯ್ಯನವರ ಬಗ್ಗೆ ಬಹಳ ಒಳ್ಳೆಯ ಅಭಿಪ್ರಾಯ ನನ್ನಲ್ಲಿ ಮೂಡಿತು. ನಂತರದ ದಿನಗಳಲ್ಲಿ ನಾವು ಸಾಹಿತ್ಯ ಕಾರ್ಯಕ್ರಮಗಳಲ್ಲಿ ಭೇಟಿಯಾಗುತ್ತಿದ್ದೆವು. ಅವರು ಯಾವಾಗಲೂ ನನ್ನನ್ನು ಗುರುಗಳೇ ಎಂದು ಕರೆಯುತ್ತಿದ್ದರು ಎಂದು ಹೇಳುತ್ತಾರೆ ಟಿ ಎನ್ ಸೀತಾರಾಮ್.

1983ರಲ್ಲಿ, ಖ್ಯಾತ ನಿರ್ದೇಶಕ ಪುಟ್ಟಣ್ಣ ಕಣಗಾಲ್ ಅವರು ಧರಣಿ ಮಂಡಲ ಮಧ್ಯದೊಳಗೆ ಎನ್ನುವ ಚಿತ್ರ ನಿರ್ದೇಶಿಸುತ್ತಿದ್ದರು ಆಗ ಹಾಡುಗಳಿಗೆ ನಾನು ಸಿದ್ದಲಿಂಗಯ್ಯ ಅವರ ಹೆಸರನ್ನು ಸೂಚಿಸಿದೆ. ಸಿದ್ದಲಿಂಗಯ್ಯ ಎರಡು ಹಾಡುಗಳನ್ನು ಬರೆದು ಪ್ರಶಸ್ತಿ ಕೂಡ ಪಡೆದರು. 1995 ರಲ್ಲಿ, ನನ್ನ ಮೊದಲ ಕನ್ನಡ ಟಿವಿ ಧಾರಾವಾಹಿ ಮುಖಾ-ಮುಖಿ ನಿರ್ದೇಶಿಸಿದ್ದೆ, ಇದಕ್ಕಾಗಿ ಶೀರ್ಷಿಕೆ ಗೀತೆಗಾಗಿ ನಾನು ಅವರನ್ನು ಸಂಪರ್ಕಿಸಿದೆ. ಅವರು ‘ಜೀವನಾ ಬಹುಕುಹಾ, ಬಹು ಬಣ್ಣಾ’ ಬರೆದರು ಅದು ಬಹಳ ಜನಪ್ರಿಯವಾಯಿತು ಎನ್ನುತ್ತಾರೆ.

ಸಿದ್ದಲಿಂಗಯ್ಯನವರು ಹಾಸ್ಯಪ್ರವೃತ್ತಿಯ ಮನಸ್ಸಿನವರಾಗಿದ್ದು, ಸಮಯ ಪ್ರಜ್ಞೆಯನ್ನು ಹೊಂದಿದ್ದರು, ಅವರು ತಮ್ಮ ಬಗ್ಗೆಯೇ ತಮಾಷೆ ಮಾಡಿಕೊಳ್ಳುತ್ತಿದ್ದರು. ಮೇಲ್ನೋಟಕ್ಕೆ ಅವರು ಗಂಭೀರ ಸ್ವರೂಪಿ. ಕನ್ನಡ ಸಾಹಿತ್ಯ ಸಮ್ಮೇಳನ ಅಧ್ಯಕ್ಷತೆ ವಹಿಸಿದ ನಂತರ “ನಾನು ಎಲ್ಲಿಗೆ ಹೋದರೂ ಜನರು ನನಗೆ ಪೇಟಾ ನೀಡುತ್ತಾರೆ. ನಾನು ಅವುಗಳನ್ನು ಎಸೆಯಲು ಅಥವಾ ಧರಿಸಲು ಸಾಧ್ಯವಿಲ್ಲ, ಆದ್ದರಿಂದ ನಾನು ಅವುಗಳಿಗೆ ಒಂದು ಕೋಣೆಯನ್ನು ನಿರ್ಮಿಸಿದ್ದೇನೆ ಎಂದು ಹೇಳುತ್ತಿದ್ದರು.

ಅವರು ಆಸ್ಪತ್ರೆಗೆ ದಾಖಲಾಗುವ ಒಂದು ದಿನ ಮೊದಲು ನನ್ನೊಂದಿಗೆ ಮಾತನಾಡಿದ್ದರು. ಇಂದು ಅವರಿಲ್ಲ ಎಂದು ಊಹಿಸಲೇ ಸಾಧ್ಯವಾಗುತ್ತಿಲ್ಲ. ಅವರ ಬರವಣಿಗೆ, ಅವರ ಒಡನಾಟ ಮತ್ತು ಅದಕ್ಕಿಂತ ಮುಖ್ಯವಾಗಿ ಅವರ ಹಾಸ್ಯಪ್ರಜ್ಞೆಯನ್ನು ಕಳೆದುಕೊಳ್ಳುತ್ತಿದ್ದೇನೆ ಎಂದು ದುಃಖದಿಂದ ಸೀತಾರಾಮ್ ಹೇಳುತ್ತಾರೆ.


Stay up to date on all the latest ವಿಶೇಷ news
Poll
Rahul Dravid

ಟೀಮ್ ಇಂಡಿಯಾ ಮುಖ್ಯ ಕೋಚ್‌ ಹುದ್ದೆಗೆ ರಾಹುಲ್ ದ್ರಾವಿಡ್ ಉತ್ತಮ ಆಯ್ಕೆಯೆ?


Result
ಹೌದು
ಇಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp