ಅಥ್ಲೆಟಿಕ್ ಮಿಟಿಂಕ್ ರೀಟರ್ ಕ್ರೀಡಾಕೂಟದಲ್ಲಿ ಹಿಮಾ, ಮೊಹಮ್ಮದ್ ಅನಸ್ ಗೆ ಚಿನ್ನ 

ಜೆಕ್ ಗಣರಾಜ್ಯದಲ್ಲಿ ನಡೆದ ಅಥ್ಲೆಟಿಕ್ ಮಿಟಿಂಕ್ ರೀಟರ್ ಸ್ಪರ್ಧೆಯಲ್ಲಿ ಭಾರತೀಯ ಓಟಗಾರರಾದ ಹಿಮಾದಾಸ್ ಮತ್ತು ಮೊಹಮ್ಮದ್ ಅನಸ್ ಕ್ರಮವಾಗಿ ಮಹಿಳಾ ಮತ್ತು ಪುರುಷರ 300 ಮೀಟರ್ ಓಟದಲ್ಲಿ ಚಿನ್ನವನ್ನು ಕೊರಳಿಗೇರಿಸಿಕೊಂಡಿದ್ದಾರೆ
ಹಿಮಾದಾಸ್, ಮೊಹಮ್ಮದ್ ಅನಸ್
ಹಿಮಾದಾಸ್, ಮೊಹಮ್ಮದ್ ಅನಸ್

ನವದೆಹಲಿ: ಜೆಕ್ ಗಣರಾಜ್ಯದಲ್ಲಿ ನಡೆದ ಅಥ್ಲೆಟಿಕ್ ಮಿಟಿಂಕ್ ರೀಟರ್ ಸ್ಪರ್ಧೆಯಲ್ಲಿ ಭಾರತೀಯ ಓಟಗಾರರಾದ ಹಿಮಾದಾಸ್ ಮತ್ತು ಮೊಹಮ್ಮದ್ ಅನಸ್ ಕ್ರಮವಾಗಿ ಮಹಿಳಾ ಮತ್ತು ಪುರುಷರ 300 ಮೀಟರ್ ಓಟದಲ್ಲಿ ಚಿನ್ನವನ್ನು ಕೊರಳಿಗೇರಿಸಿಕೊಂಡಿದ್ದಾರೆ. ಜುಲೈ 2ರಿಂದ ಯುರೋಪಿಯನ್ ರೇಸ್ ಗಳಲ್ಲಿ ಇದು ಹಿಮಾದಾಸ್ ಅವರ ಆರನೇ ಚಿನ್ನದ ಪದಕವಾಗಿದೆ. 

ಜೆಕ್ ಗಣರಾಜ್ಯದಲ್ಲಿ ಇಂದು ನಡೆದ ಅಥ್ಲೆಟಿಕ್ ಮಿಟಿಂಕ್ ರೀಟರ್  2019ರಲ್ಲಿ 300 ಮೀಟರ್ ಓಟದಲ್ಲಿ ಅಗ್ರಸ್ಥಾನ ಗಳಿಸಿರುವುದಾಗಿ ಹಿಮಾ ಟ್ವೀಟ್ ಮಾಡಿದ್ದಾರೆ. ಮತ್ತೊಂದೆಡೆ ರಾಷ್ಟ್ರೀಯ ದಾಖಲೆ ಹೊಂದಿರುವ ಅನಸ್ 32. 41 ಸೆಕೆಂಡುಗಳಲ್ಲಿ ಪುರುಷರ 300 ಮೀಟರ್ ಓಟದಲ್ಲಿ ಗೆಲುವಿನ ನಗೆ ಬೀರಿದರು. ಚಿನ್ನ ಗೆದ್ದಿರುವುದಕ್ಕೆ ಸಂತೋಷವಾಗಿದೆ ಎಂದು ಅವರು ಟ್ವೀಟ್ ಮಾಡಿದ್ದಾರೆ.

ಸೆಪ್ಟೆಂಬರ್- ಅಕ್ಟೋಬರ್ ನಲ್ಲಿ ದೋಹಾದಲ್ಲಿ ನಡೆಯಲಿರುವ ವಿಶ್ವ ಚಾಂಪಿಯನ್ ಶಿಪಾಗ್ ಗಾಗಿ ಅನಸ್ ಈಗಾಗಲೇ 400 ಮೀಟರ್ ಓಟಕ್ಕೆ ಅರ್ಹತೆ ಪಡೆದಿದ್ದರೆ , ಹಿಮಾ ಇನ್ನಷ್ಟೇ ಅರ್ಹತೆ ಪಡೆಯಬೇಕಿದೆ.

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com