ಬ್ಯಾಡ್ಮಿಂಟನ್‌ ರಾಷ್ಟ್ರೀಯ ಚಾಂಪಿಯನ್‌ಶಿಪ್‌: ಸೆಮಿ ಫೈನಲ್ ತಲುಪಿದ ಸೈನಾ, ಕಶ್ಯಪ್‌, ವರ್ಮಾ

ಗುವಾಹಟಿಯಲ್ಲಿ ನಡೆಯುತ್ತಿರುವ 83ನೇ ಹಿರಿಯರ ಬ್ಯಾಡ್ಮಿಂಟನ್‌ ರಾಷ್ಟ್ರೀಯ ಚಾಂಪಿಯನ್‌ಶಿಪ್‌ ನಲ್ಲಿ ಮಾಜಿ ಚಾಂಪಿಯನ್‌ ಗಳಾದ ಸೈನಾ ನೆಹ್ವಾಲ್‌....
ಸೈನಾ ನೆಹ್ವಾಲ್, ಪರುಪಳ್ಳಿ ಕಶ್ಯಪ್
ಸೈನಾ ನೆಹ್ವಾಲ್, ಪರುಪಳ್ಳಿ ಕಶ್ಯಪ್
ಗುವಾಹಾಟಿ: ಗುವಾಹಟಿಯಲ್ಲಿ ನಡೆಯುತ್ತಿರುವ 83ನೇ ಹಿರಿಯರ ಬ್ಯಾಡ್ಮಿಂಟನ್‌ ರಾಷ್ಟ್ರೀಯ ಚಾಂಪಿಯನ್‌ಶಿಪ್‌ ನಲ್ಲಿ ಮಾಜಿ ಚಾಂಪಿಯನ್‌ ಗಳಾದ ಸೈನಾ ನೆಹ್ವಾಲ್‌, ಪರುಪಳ್ಳಿ ಕಶ್ಯಪ್‌ ಹಾಗೂ ಸೌರಬ್‌ ವರ್ಮಾ ಅವರು ಶುಕ್ರವಾರ ಸೆಮಿಫೈನಲ್ ತಲುಪಿದ್ದಾರೆ.
ಇಂದು ನಡೆದ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಭಾರತದ ಮಾಜಿ ನಂ. 1 ಆಟಗಾರ್ತಿ ಮುಂಬೈನ ನೇಹಾ ಪಂಡಿತ್‌ ಅವರನ್ನು ಸೈನಾ ನೆಹ್ವಾಲ್‌ ಅವರು 21-10, 21-10 ಅಂತರದಿಂದ ಸೋಲಿಸಿದರು.
ಸೈನಾ ನೆಹ್ವಾಲ್ ಅವರು ಸೆಮಿ ಫೈನಲ್ ನಲ್ಲಿ ನಾಗ್ಪುರದ ವೈಷ್ಣವಿ ಭಾಲೆ ಅವರನ್ನು ಎದುರಿಸಲಿದ್ದಾರೆ.
ಪುರುಷರ ಕ್ವಾರ್ಟರ್‌ ಫೈನಲ್‌ನಲ್ಲಿ 2012ರ ಚಾಂಪಿಯನ್‌ ಹಾಗೂ ಸೈನಾ ನೆಹ್ವಾಲ್ ಪತಿ ಪರುಪಳ್ಳಿ ಕಶ್ಯಪ್‌ ಅವರು ಬೋದಿತ್‌ ಜೋಶಿ ಅವರನ್ನು 21-18, 21-16 ಅಂತರದಿಂದ ಮಣಿಸಿ ಸೆಮಿಫೈನಲ್‌ ತಲುಪಿದ್ದಾರೆ.
ಇನ್ನು ಮತ್ತೊಂದು ಪುರುಷರ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಸೌರಭ್‌ ವರ್ಮಾ ಅವರು, ಬಿ. ಸಾಯಿ ಪ್ರಣೀತ್‌ ಅವರನ್ನು 21-11, 21-23, 21-18 ಅಂತರದಲ್ಲಿ ಸೋಲಿಸಿ ಅಂತಿಮ ನಾಲ್ಕರ ಘಟ್ಟಕ್ಕೆ ತಲುಪಿದರು.

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com