ರಾಷ್ಟ್ರೀಯ ಸೀನಿಯರ್​ ಬ್ಯಾಡ್ಮಿಂಟನ್​ ಚಾಂಪಿಯನ್​ಶಿಪ್​: ಸೈನಾ ನೆಹ್ವಾಲ್, ಸೌರಭ್ ವರ್ಮಾ ಚಾಂಪಿಯನ್!

ಗೌಹಾಟಿಯಲ್ಲಿ ನಡೆಯುತ್ತಿರುವ 83ನೇ ರಾಷ್ಟ್ರೀಯ ಸೀನಿಯರ್ ಬ್ಯಾಡ್ಮಿಂಟನ್ ಚಾಂಪಿಯನ್​ಷಿಪ್​ಮಹಿಳಾ ಸಿಂಗಲ್ಸ್ ಪಂದ್ಯದ ಫೈನಲ್ ನಲ್ಲಿ ಪಿವಿ ಸಿಂಧೂ ಅವರನ್ನು ಮಣಿಸಿದ ಸೈನಾ ನೆಹ್ವಾಲ್....

Published: 16th February 2019 12:00 PM  |   Last Updated: 16th February 2019 08:44 AM   |  A+A-


Saina defends Sr. Nationals title with clinical straight-games win

ರಾಷ್ಟ್ರೀಯ ಸೀನಿಯರ್​ ಬ್ಯಾಡ್ಮಿಂಟನ್​ ಚಾಂಪಿಯನ್​ಶಿಪ್​: ಸಿಂಧೂ ಮಣಿಸಿದ ಸೈನಾಗೆ ಪ್ರಶಸ್ತಿ

Posted By : RHN RHN
Source : ANI
ಗೌಹಾಟಿ: ಗೌಹಾಟಿಯಲ್ಲಿ ನಡೆಯುತ್ತಿರುವ 83ನೇ ರಾಷ್ಟ್ರೀಯ ಸೀನಿಯರ್ ಬ್ಯಾಡ್ಮಿಂಟನ್ ಚಾಂಪಿಯನ್​ಷಿಪ್​ಮಹಿಳಾ ಸಿಂಗಲ್ಸ್ ಪಂದ್ಯದ ಫೈನಲ್ ನಲ್ಲಿ ಪಿವಿ ಸಿಂಧೂ ಅವರನ್ನು ಮಣಿಸಿದ ಸೈನಾ ನೆಹ್ವಾಲ್ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದಾರೆ.

ರಿಯೋ ಒಲಂಪಿಕ್ ಪ್ಬೆಳ್ಳಿ ಪದಕ ವಿಜೇತೆಯಾಗಿದ್ದ ಸಿಂಧೂ ಅವರನ್ನು ಲಂಡನ್ ಒಲಂಪಿಕ್ ಕಂಚಿನ ಪದಕ ವಿಜೇತೆಯಾದ ಸೈನಾ  21-18, 21-15 ಸೆಟ್ ಗಳಿಂದ ಮಣಿಸಿ ಪ್ರಶಸ್ತಿ ಗಳಿಸಿದ್ದಾರೆ.

ಸೈನಾ ನೆಹ್ವಾಲ್ ಇಂದಿನ ಜಯದೊಡನೆ ಸತತ ಎರಡನೇ ಬಾರಿಗೆ ರಾಷ್ಟ್ರೀಯ ಸೀನಿಯರ್​ ಬ್ಯಾಡ್ಮಿಂಟನ್​ ಚಾಂಪಿಯನ್ ಎನಿಸಿದ್ದಾರೆ. ಈ ಹಿಂದೆ ನಾಗ್ಪುರದಲ್ಲಿ ನಡೆದಿದ್ದ ಪಂದ್ಯಾವಳಿಯಲ್ಲಿ ಸಹ ಸಿಂಧೂ ಅವರನ್ನು ಸೋಲಿಸಿ ಸೈನಾ ಚಾಂಪಿಯನ್ ಆಗಿದ್ದರು.

ಇದಕ್ಕೆ ಮುನ್ನ ಶುಕ್ರವಾರದಂದು ನಡೆದಿದ್ದ ಸೆಮಿಫೈನಲ್ ಹಣಾಹಣಿಯಲ್ಲಿ ಸಿಂಧೂ 4ನೇ ಶ್ರೇಯಾಂಕಿತೆ ಅಶ್ಮಿತಾ ಚಾಲಿಹಾ ಅವರ ವಿರುದ್ಧ 21-10, 22-20 ಸೆಟ್ ಗಳಿಂದ ಜಯ ಸಾಧಿಸಿದ್ದರು. ಇತ್ತ ಸೈನಾ ನೆಹ್ವಾಲ್ ಸಹ ವೈಷ್ಣವಿ ಭಾಲೆ ಅವರನ್ನು  21-15, 21-14 ಸೆಟ್ ಗಳಿಂದ ಮಣಿಸಿದ್ದರು.

ಸೌರಭ್​ ವರ್ಮಾ ಚಾಂಪಿಯನ್ 
ಪುರುಷರ ವಿಭಾಗದಲ್ಲಿ  ಸೌರಭ್​ ವರ್ಮಾ ಏಷ್ಯನ್​ ಜೂನಿಯರ್​ ಚಾಂಪಿಯನ್​ ಲಕ್ಷ್ಯ ವಿರುದ್ಧ 21-18, 21-13 ಅಂತರದಿಂದ ಜಯ ದಾಖಲಿಸಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.
Stay up to date on all the latest ಕ್ರೀಡೆ news with The Kannadaprabha App. Download now
facebook twitter whatsapp