ಮ್ಯೂನಿಚ್: ಭಾರತದ ಪ್ರಸಿದ್ದ ಶುಟಿಂಗ್ ತಾರೆ ಅಪೂರ್ವಿ ಚಾಂಡೇಲಾ ಶೂಟಿಂಗ್ ವಿಶ್ವಕಪ್ ನಲ್ಲಿ ಈ ವರ್ಷದ ಎರಡನೇ ಚಿನ್ನದ ಪದಕ ಗಳಿಸಿದ್ದಾರೆ. ಜರ್ಮನಿಯ ಮ್ಯೂನಿಚ್ ನಲ್ಲಿ ನಡೆದ ವರ್ಷದ ಮೂರನೇ ಐಎಸ್ಎಸ್ಎಫ್ ವಿಶ್ವಕಪ್ ಪಂದ್ಯಾವಳಿಯಲ್ಲಿ ರೈಫಲ್ / ಪಿಸ್ತೋಲ್ ವಿಭಾಗದ ಮಹಿಳಾ 10 ಮೀ ಏರ್ ರೈಫಲ್ ಸ್ಪರ್ಧೆಯಲ್ಲಿ ಅಪೂರ್ವಿ ಬಂಗಾರದ ಪದಕ ಗೆದ್ದಿದ್ದಾರೆ.
ಜೈಪುರ ಮೂಲದ ಶೂಟರ್ ಅಪೂರ್ವಿ 251 ಅಂಕ ಗಳಿಸಿದ್ದರೆ ಇವರ ಸಮೀಪ ಸ್ಪರ್ಧಿ ಚೀನಾದ ಲುಯಾವೊ 250.8, ಅಂಕ ಗಳಿಸಿ ಬೆಳ್ಳಿ ಪದಕ ಗಳಿಸಿದ್ದಾರೆ. ಇನ್ನೋರ್ವ ಚೀನೀ ಶುಟರ್ ಕ್ಸು ಹಾಂಗ್, ಅಂತಿಮ ಪಂದ್ಯದಲ್ಲಿ 229.4 ಅಂಕಗಳೊಂದಿಗೆ ಮೂರನೇ ಸ್ಥಾನ ಗಳಿಸಿದರು
ಇದಕ್ಕೆ ಹಿಂದೆ ಫೆಬ್ರವರಿಯಲ್ಲಿ ನವದೆಹಲಿಯಲ್ಲಿ ನಡೆದಿದ್ದ ಐಎಸ್ಎಸ್ಎಫ್ ವಿಶ್ವಕಪ್ ನಲ್ಲಿ ಸಹ ಅಪೂರ್ವಿ ದಾಖಲೆಯ ಅಂಕ ಗಳಿಸಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದರು