ನವದೆಹಲಿ: ಭಾರತದ ಚೆಸ್ ಚಾಂಪಿಯನ್ ಕೊನೆರು ಹಂಪಿ ಅವರು ಮತ್ತೊಂದು ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.
ಭಾರತದ ಸ್ಥಳೀಯ ಕಾಲಮಾನ ನಿನ್ನೆ ಭಾನುವಾರ ನಡೆದ ಕೈರ್ನ್ಸ್ ಚೆಸ್ ಟೂರ್ನಮೆಂಟ್ ನಲ್ಲಿ 9 ಸುತ್ತುಗಳ ಆಟದ ಬಳಿಕ 6 ಪಾಯಿಂಟ್ ಗಳ ಮುನ್ನಡೆ ಗಳಿಸಿ ಕೊನೆರು ಹಂಪಿ ವಿಜೇತರಾದರು. ಕೈರ್ನ್ಸ್ ಕಪ್ ನ ಎರಡನೇ ಸರಣಿ ನಿನ್ನೆ ನಡೆಯಿತು.
ಇವರ ಎದುರು ಆಡಿದ್ದ ಜು ವೆಂಜುನ್ ಎರಡನೇ ಸ್ಥಾನಕ್ಕೆ ಮತ್ತು ರಷ್ಯಾದ ಅಲೆಕ್ಸಾಂಡ್ರ ಕೊಸ್ತೆನೈಕು ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು.
ಕಳೆದ ವರ್ಷ ಅಂತ್ಯದಲ್ಲಿ ಕೂಡ ಕೊನೆರು ಹಂಪಿ ಚೀನಾದ ಲೈ ಯಿಂಗ್ ಜ್ಜೆ ಅವರನ್ನು ಸೋಲಿಸಿ ವಿಶ್ವ ಚಾಂಪಿಯನ್ ಆಗಿದ್ದರು.
Advertisement