ಟಾಟಾ ಮೋಟಾರ್ಸ್ ಟಿಯಾಗೊ ಎಕ್ಸ್ಟಿಎ ಬಿಡುಗಡೆ ಮಾಡಿದೆ
ಬೆಂಗಳೂರು: ಟಾಟಾ ಮೋಟಾರ್ಸ್ ತನ್ನ ಯಶಸ್ವಿ ಹ್ಯಾಚ್‌ಬ್ಯಾಕ್‌ನ ಹೊಸ ಎಕ್ಸ್ಟಿಎ ರೂಪಾಂತರವಾದ ಟಾಟಾ ಟಿಯಾಗೊವನ್ನು 5.99 ಲಕ್ಷ ರೂ. (ಎಕ್ಸ್ ಶೋರೂಂ ದೆಹಲಿ) ಆರಂಭಿಕ ಬೆಲೆಯಲ್ಲಿ ಬಿಡುಗಡೆ ಮಾಡಿದೆ.
ಈ ಬಿಡುಗಡೆಯೊಂದಿಗೆ, ಅಸ್ತಿತ್ವದಲ್ಲಿರುವ ಟಾಟಾ ಟಿಯಾಗೊದ ಎಕ್ಸ್ಟಿ ಟ್ರಿಮ್‌ಗೆ ಎಎಮ್‌ಟಿ ರೂಪಾಂತರವನ್ನು ಸೇರಿಸುವ ಮುಖಾಂತರ ಕಂಪನಿಯು ತನ್ನ ಸ್ವಯಂಚಾಲಿತ ಶ್ರೇಣಿಯನ್ನು 4 ಎಎಂಟಿ ಆಯ್ಕೆಗಳೊಂದಿಗೆ ಬಲಪಡಿಸುತ್ತಿದೆ. ಈಗ ಟಿಯಾಗೊ ಶ್ರೇಣಿಯಲ್ಲಿ ಆಯ್ಕೆ ಮಾಡಲು ಗ್ರಾಹಕರು ಹಲವಾರು ಆಯ್ಕೆಗಳನ್ನು ಹೊಂದಿದ್ದಾರೆ.
ಈ ಹೊಸ ರೂಪಾಂತರದ ಪರಿಚಯದ ಕುರಿತು ಟಾಟಾ ಮೋಟಾರ್ಸ್ನ ಪ್ರಯಾಣಿಕ ವಾಹನಗಳ ವಿಭಾಗ ಬಿಸಿನೆಸ್ ಯುನಿಟ್ (ಪಿವಿಬಿಯು) ನ ಮಾರ್ಕೆಟಿಂಗ್ ಮುಖ್ಯಸ್ಥರಾದ ವಿವೇಕ್ ಶ್ರೀವತ್ಸ ಹೊಸ ಟಿಯಾಗೋ ಬಗ್ಗೆ ಮಾತನಾಡಿದ್ದು, ಸದಾ ಹೊಸತಾಗಿ ಉಳಿಯುವ ನಮ್ಮ ಬ್ರಾಂಡ್ ಭರವಸೆಯನ್ನು ಈಡೇರಿಸುತ್ತಾ ನಾವು ನಿರಂತರವಾಗಿ ಮಾರುಕಟ್ಟೆಯಿಂದ ಪ್ರತಿಕ್ರಿಯೆಯನ್ನು ಪಡೆಯುತ್ತಿದ್ದೇವೆ ಮತ್ತು ಸಂಗ್ರಹಿಸುತ್ತಿದ್ದೇವೆ.
ಟಿಯಾಗೊ ವಲಯಗಳಾದ್ಯಂತ ಅಪಾರವಾದ ಮಾರುಕಟ್ಟೆ ಪ್ರತಿಕ್ರಿಯೆಯನ್ನು ಪಡೆದಿದೆ. ಇದಲ್ಲದೆ, ಭಾರತದಲ್ಲಿ ಸ್ವಯಂಚಾಲಿತ ಪ್ರಸರಣ (ಎಟಿ) ವಿಭಾಗವು ಪ್ರವರ್ಧಮಾನಕ್ಕೆ ಬರುತ್ತಿದೆ ಮತ್ತು ಟಿಯಾಗೊ ಮಾರಾಟದಲ್ಲೂ ಇದು ಸಾಬೀತಾಗಿದೆ. ಎಟಿಗಳಿಗೆ ಹೆಚ್ಚುತ್ತಿರುವ ಆದ್ಯತೆಯನ್ನು ಗುರುತಿಸಿ ನಾವು ಎಕ್ಸ್ಟಿಎ ಆವೃತ್ತಿಯನ್ನು ಶ್ರೇಣಿಗೆ ಪರಿಚಯಿಸಲು ಉತ್ಸುಕರಾಗಿದ್ದೇವೆ ಮತ್ತು ಈ ಹೊಸ ರೂಪಾಂತರವು ಮಿಡ್-ಹ್ಯಾಚ್ ವಿಭಾಗದಲ್ಲಿ ನಮಗೆ ಸ್ಪರ್ಧಾತ್ಮಕ ಪ್ರಯೋಜನವನ್ನು ನೀಡುವುದಲ್ಲದೆ ಪ್ರತಿ ಸೂಚಿತ ಬೆಲೆಯಲ್ಲಿಯೂ ಗ್ರಾಹಕರಿಗೆ ಆಯ್ಕೆ ಮಾಡಲು ದೊರೆಯಬಹುದಾದ ಆಯ್ಕೆಗಳನ್ನು ಸಹ ಒದಗಿಸುತ್ತದೆ ಎಂಬ ವಿಶ್ವಾಸವಿದೆ.''
2016ರಲ್ಲಿ ಪ್ರಾರಂಭವಾದಾಗಿನಿಂದ, ಟಿಯಾಗೊ ತನ್ನ ವಿಭಾಗದಲ್ಲಿ ಬಹಳ ಯಶಸ್ವಿಯಾಗಿದೆ ಮತ್ತು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಅದರ ನಂತರ, ಉತ್ಪನ್ನದ BS6 ಆವೃತ್ತಿಯನ್ನು 2020ರಲ್ಲಿ ಪರಿಚಯಿಸಲಾಗಿದ್ದು, ಇದು ಸಹ ಬಿಡುಗಡೆಯಾದಾಗ 4-ಸ್ಟಾರ್ ಸುರಕ್ಷತಾ ರೇಟಿಂಗ್ ಅನ್ನು ಪಡೆದುಕೊಂಡು ತನ್ನ ವಿಭಾಗದಲ್ಲಿ ಸುರಕ್ಷಿತವಾಗಿದೆ. ಇದು ಹರ್ಮನ್‌ನಿಂದ 7 ಇಂಚಿನ ಇನ್ಫೋಟೈನ್‌ಮೆಂಟ್ ಟಚ್‌ ಸ್ಕ್ರೀನ್, 15-ಇಂಚಿನ ಅಲಾಯ್ ವೀಲ್ಸ್, ಸ್ವಯಂಚಾಲಿತ ಹವಾಮಾನ ನಿಯಂತ್ರಣ ಮತ್ತು ಡಿಜಿಟಲ್ ಇನ್ಸ್ಟ್ರುಮೆಂಟ್ ಕಸ್ಟರ್ ನಂತಹ ಇತರ ವಿವಿಧ ರೋಮಾಂಚಕಾರಿ ವೈಶಿಷ್ಟ್ಯಗಳೊಂದಿಗೆ ಬರುವುದರಿಂದ ಇದು 3.25 ಲಕ್ಷ ಸಂತೃಪ್ತ ಗ್ರಾಹಕರ ಸೂಕ್ತ ಆಯ್ಕೆಯಾಗಿದೆ.
