ವಾಷಿಂಗ್ಟನ್: ಅಮೆರಿಕಾದ ದಕ್ಷಿಣ ಗಡಿಭಾಗ ಮೆಕ್ಸಿಕೊದಲ್ಲಿ ನಿರ್ಮಿಸಲಾದ ಹೊಸ ಗೋಡೆಯ ಭಾಗವೊಂದನ್ನು ತಪಾಸಣೆ ಮಾಡಲು ದಕ್ಷಿಣ ಕ್ಯಾಲಿಫೋರ್ನಿಯಾದ ಕ್ಯಾಲೆಕ್ಸಿಕೊಕ್ಕೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭೇಟಿ ನೀಡಿದ್ದರು.
ಗಡಿಭಾಗದ ಸಮೀಪವಿರುವ ವಲಸೆ ಇಲಾಖೆಯ ಅಧಿಕಾರಿಗಳು ಮತ್ತು ಕಾನೂನು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳ ಜೊತೆ ಡೊನಾಲ್ಡ್ ಟ್ರಂಪ್ ಭೇಟಿ ನೀಡಿದ್ದು ಗಡಿ ಭದ್ರತಾ ಪಡೆಯ ಡೊತೆ ದುಂಡುಮೇಜಿನ ಸಭೆ ನಡೆಸಿದರು.
ತಮ್ಮ ದೇಶದಲ್ಲಿ ವಲಸೆ ವ್ಯವಸ್ಥೆ ಭರ್ತಿಯಾಗಿದ್ದು ಅಮೆರಿಕಾಕ್ಕೆ ವಲಸಿಗರ ಪ್ರವೇಶ ಮತ್ತು ಆಶ್ರಯಕ್ಕೆ ಜಾಗವಿಲ್ಲ, ಇನ್ನೂ ಹೆಚ್ಚಿನ ಜನರಿಗೆ ಆಶ್ರಯ ನೀಡಲು ಸಾಧ್ಯವಿಲ್ಲ. ಇದಕ್ಕೂ ಹೆಚ್ಚಿಗೆ ಯಾರಾದರೂ ಬಂದು ಇಲ್ಲಿ ಆಶ್ರಯ ಪಡೆದರೆ ಅದು ಅಕ್ರಮ ವಲಸೆಯಾಗುತ್ತದೆ ಎಂದು ಹೇಳಿದರು.
