ದ.ಕೊರಿಯಾ: ಪ್ರಧಾನಿ ಮೋದಿ ವಿರುದ್ಧ ಘೋಷಣೆ ಕೂಗುತ್ತಿದ್ದ ಪಾಕಿಗಳ ಬೆವರಿಳಿಸಿದ ಶಾಜಿಯಾ ಇಲ್ಮಿ, ವಿಡಿಯೋ!

ಆರ್ಟಿಕಲ್ 370 ರದ್ದು ಬಳಿಕ ಪಾಕಿಗಳು ರೊಚ್ಚಿಗೆದ್ದಿದ್ದಾರೆ. ಹೌದು ದಕ್ಷಿಣ ಕೊರಿಯಾದ ಸಿಯೋಲ್ ನಲ್ಲಿ ಪ್ರತಿಭಟನೆ ವೇಳೆ ಕೆಲ ಪಾಕಿಗಳು ಭಾರತ ಮತ್ತು ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಘೋಷಣೆಗಳನ್ನು ಕೂಗುತ್ತಿದ್ದ ಆಗ ಅಲ್ಲಿಗೆ...

Published: 18th August 2019 08:36 PM  |   Last Updated: 18th August 2019 08:36 PM   |  A+A-


Shazia Ilmi

ಶಾಜಿಯಾ ಇಲ್ಮಿ

Posted By : Vishwanath S
Source : Online Desk

ಸಿಯೋಲ್(ದಕ್ಷಿಣ ಕೊರಿಯಾ): ಆರ್ಟಿಕಲ್ 370 ರದ್ದು ಬಳಿಕ ಪಾಕಿಗಳು ರೊಚ್ಚಿಗೆದ್ದಿದ್ದಾರೆ. ಹೌದು ದಕ್ಷಿಣ ಕೊರಿಯಾದ ಸಿಯೋಲ್ ನಲ್ಲಿ ಪ್ರತಿಭಟನೆ ವೇಳೆ ಕೆಲ ಪಾಕಿಗಳು ಭಾರತ ಮತ್ತು ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ಘೋಷಣೆಗಳನ್ನು ಕೂಗುತ್ತಿದ್ದ ಆಗ ಅಲ್ಲಿಗೆ ಎಂಟ್ರಿ ಕೊಟ್ಟ ಶಾಜಿಯಾ ಇಲ್ಮಿ ಮೋದಿ ವಿರುದ್ಧ ಘೋಷಣೆ ಕೂಗದಂತೆ ಧಮ್ಕಿ ಹಾಕಿದ್ದು ಅಲ್ಲದೆ ಇಂಡಿಯಾ ಜಿಂದಾಬಾದ್ ಎಂಬ ಘೋಷಣೆಗಳನ್ನು ಕೂಗಿರುವ ವಿಡಿಯೋ ಇದೀಗ ವೈರಲ್ ಆಗಿದೆ.

ಬಿಜೆಪಿ ನಾಯಕಿ ಶಾಜಿಯಾ ಇಲ್ಮಿ ಗ್ಲೋಬಲ್ ಸಿಟಿಜನ್ ಫೋರಂ ನಿಯೋಗದೊಂದಿಗೆ ಯುನೈಟೆಡ್ ಫೀಸ್ ಫೆಡರೇಶನ್ ಸಮ್ಮೇಳನದಲ್ಲಿ ಭಾಗವಹಿಸಲು ತೆರಳಿದ್ದರು. ಈ ವೇಳೆ ಸಮ್ಮೇಳನ ಮುಗಿಸಿಕೊಂಡು ಭಾರತದ ರಾಯಭಾರಿ ಕಚೇರಿಗೆ ತೆರಳುವ ಸಂದರ್ಭದಲ್ಲಿ ಕೆಲ ಪಾಕಿಗಳು ಶಾಜಿಯಾ ಹಾಗೂ ಇತರ ಭಾರತೀಯರನ್ನು ಸುತ್ತುವರೆದರು. 

ಈ ವೇಳೆ ಪಾಕಿಗಳನ್ನು ತರಾಟೆಗೆ ತೆಗೆದುಕೊಂಡ ಶಾಜಿಯಾ, ಮತ್ತೊಂದು ದೇಶದ ನೆಲದಲ್ಲಿ ನಿಂತು ಇನ್ನೊಂದು ದೇಶ ಹಾಗೂ ಅದರ ಮುಖ್ಯಸ್ಥರ ವಿರುದ್ಧ ಘೋಷಣೆ ಕೂಗುವುದು ಎಷ್ಟು ಸರಿ ಎಂದು ಪ್ರಶ್ನಿಸಿದರು. 

ಆಗ ಅಲ್ಲಿದ್ದ ಪಾಕಿಗಳು ಜೋರಾಗಿ ಭಾರತದ ವಿರುದ್ಧ ಘೋಷಣೆ ಕೂಗಲು ಪ್ರಾರಂಭಿಸಿದರು. ಆಗ ಶಾಜಿಯಾ ಏಕಾಂಗಿಯಾಗಿ ಇಂಡಿಯಾ ಜಿಂದಾಬಾದ್ ಎಂದು ಘೋಷಣೆ ಕೂಗಿದರು.

Stay up to date on all the latest ಅಂತಾರಾಷ್ಟ್ರೀಯ news with The Kannadaprabha App. Download now
facebook twitter whatsapp