ಭಾರತ ಹೇಳಿರುವ 22 ಉಗ್ರ ಶಿಬಿರ ತಾಣಗಳು ನಮ್ಮಲ್ಲಿ ಇಲ್ಲವೇ ಇಲ್ಲ; ಪಾಕಿಸ್ತಾನದ ಹೊಸ ವಾದ

ಪುಲ್ವಾಮಾ ಭಯೋತ್ಪಾದಕ ದಾಳಿ ನಂತರ ವಿವಿಧ ರೀತಿಯ ಖ್ಯಾತೆ, ತರ್ಕ ಮತ್ತು ವಾದ ...

Published: 28th March 2019 12:00 PM  |   Last Updated: 28th March 2019 12:19 PM   |  A+A-


Pulwama suicide bomb attack site.

ಪುಲ್ವಾಮಾದಲ್ಲಿ ಆತ್ಮಹತ್ಯಾ ಬಾಂಬ್ ದಾಳಿಯ ನಂತರದ ದೃಶ್ಯ

Posted By : SUD SUD
Source : PTI
ಇಸ್ಲಾಮಾಬಾದ್: ಪುಲ್ವಾಮಾ ಭಯೋತ್ಪಾದಕ ದಾಳಿ ನಂತರ ವಿವಿಧ ರೀತಿಯ ಖ್ಯಾತೆ, ತರ್ಕ ಮತ್ತು ವಾದ ಮುಂದಿಡುತ್ತಿರುವ ಪಾಕಿಸ್ತಾನ ಇದೀಗ ಹೊಸ ವರಸೆ ಆರಂಭಿಸಿದೆ.ದಾಳಿ ನಂತರ ಭಾರತ ಹಂಚಿಕೊಂಡಿರುವ 22 ಗುರುತರ ಪ್ರದೇಶಗಳಲ್ಲಿ ಯಾವೊಂದು ಉಗ್ರಗಾಮಿ ಶಿಬಿರ ತಾಣಗಳನ್ನು ಹೊಂದಿಲ್ಲ ಎಂದು ಹೇಳಿದೆ.

ಅಲ್ಲದೆ ದಾಳಿ ನಂತರ ಬಂಧಿಸಲ್ಪಟ್ಟ 54 ಮಂದಿ ದಾಳಿಯ ಹಿಂದೆ ಯಾವುದೇ ರೀತಿಯಲ್ಲಿ ಸಂಬಂಧವಾಗಲಿ, ಕೈವಾಡವಾಗಲಿ ಹೊಂದಿದ್ದು ತಿಳಿದುಬಂದಿಲ್ಲ ಎಂದು ಹೇಳಿದೆ.

ಈ ಸಂಬಂಧ ಪಾಕಿಸ್ತಾನ ಭಾರತದ ಜೊತೆ ಪ್ರಾಥಮಿಕ ಶೋಧ ವರದಿಯನ್ನು ಹಂಚಿಕೊಂಡಿದೆ. ಬೇಕಿದ್ದರೆ ಭಾರತ ಈ ಸ್ಥಳಗಳಿಗೆ ಭೇಟಿ ನೀಡಿ ಪರಿಶೀಲನೆ, ತಪಾಸಣೆ ನಡೆಸಲಿ ಎಂದು ಪಾಕಿಸ್ತಾನ ಸವಾಲು ಹಾಕಿದೆ. ಅಲ್ಲಿನ ವಿದೇಶಾಂಗ ಇಲಾಖೆ ಅಧಿಕಾರಿಗಳು ಈ ಮಾಹಿತಿ ನೀಡಿದ್ದಾರೆ.

ಪುಲ್ವಾಮಾ ಭಯೋತ್ಪಾದಕ ದಾಳಿ ನಂತರ ಬಂಧಿತರಾಗಿರುವ 54 ಮಂದಿಯನ್ನು ತನಿಖೆ ಮಾಡಲಾಗಿದ್ದು ಅವರು ದಾಳಿ ಹಿಂದೆ ಯಾವುದೇ ಸಂಬಂಧ ಹೊಂದಿರುವುದು ಕಂಡುಬಂದಿಲ್ಲ. ಅದೇ ರೀತಿ ಭಾರತ ಗುರುತಿಸಿರುವ 22 ಪ್ರಮುಖ ಉಗ್ರಗಾಮಿ ಶಿಬಿರ ತಾಣಗಳನ್ನು ಕೂಡ ತಪಾಸಣೆ ಮಾಡಲಾಗಿದೆ. ಅಂತಹ ಯಾವುದೇ ಶಿಬಿರ ಪಾಕಿಸ್ತಾನದಲ್ಲಿಲ್ಲ, ಬೇಕಿದ್ದರೆ ಈ ಸ್ಥಳಗಳಿಗೆ ಭಾರತದ ಅಧಿಕಾರಿಗಳು ಬಂದು ಪರೀಕ್ಷೆ ಮಾಡಲಿ ಎಂದು ಪಾಕಿಸ್ತಾನ ಸವಾಲು ಹಾಕಿದೆ.

ಪಾಕಿಸ್ತಾನ ನಿನ್ನೆ ಪುಲ್ವಾಮಾ ಭಯೋತ್ಪಾದಕ ದಾಳಿ ಮತ್ತು ನಂತರದ ವಿದ್ಯಮಾನಗಳ ಬಗ್ಗೆ ಪ್ರಾಥಮಿಕ ಶೋಧ ವರದಿಯನ್ನು ಕೆಲವು ಪ್ರಶ್ನೆಗಳ ಸಹಿತ ಭಾರತದ ಮುಂದಿಟ್ಟಿದೆ.
ಪಾಕಿಸ್ತಾನ ಮೂಲದ ಭಯೋತ್ಪಾದಕ ಸಂಘಟನೆ ಜೈಶ್ ಎ ಮೊಹಮ್ಮದ್ ಪುಲ್ವಾಮಾ ಭಯೋತ್ಪಾದಕ ದಾಳಿಯಲ್ಲಿ ನೇರವಾಗಿ ಭಾಗಿಯಾಗಿದ್ದು ಮತ್ತು ಅದರ ಅದರ ತಾಣಗಳು ಪಾಕಿಸ್ತಾನದಲ್ಲಿ ಭದ್ರವಾಗಿ ನೆಲೆಯೂರಿವೆ ಎಂದು ಭಾರತ ತನ್ನ ಕಡತವನ್ನು ದೆಹಲಿಯಲ್ಲಿರುವ ಪಾಕಿಸ್ತಾನ ಹೈಕಮಿಷನರ್ ಅವರಿಗೆ ಫೆಬ್ರವರಿ 27ರಂದು ನೀಡಿತ್ತು. ಈ ಬಗ್ಗೆ ಕೆಲವಿ ಪ್ರಶ್ನೆಗಳನ್ನು ಸಹ ಭಾರತ ಕೇಳಿತ್ತು.
Stay up to date on all the latest ಅಂತಾರಾಷ್ಟ್ರೀಯ news with The Kannadaprabha App. Download now
facebook twitter whatsapp