ಈ ಬಗ್ಗೆ ಅಂತಾರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿದ್ದು, ಅಮೆರಿಕದಲ್ಲಿದ್ದ ಉತ್ತರ ಕೊರಿಯಾ ರಾಯಭಾರಿ ಕಿಮ್ ಹೊಯೊಕ್ ಚಾಲ್ ಅವರಿಗೆ ಉತ್ತರ ಕೊರಿಯಾ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಮರಣದಂಡನೆ ಶಿಕ್ಷೆ ವಿಧಿಸಿದ್ದು, ಉತ್ತರ ಕೊರಿಯಾದ ಶೂಟಿಂಗ್ ತಂಡ ಕಿಮ್ ಹೊಯೊಕ್ ರನ್ನು ಗುಂಡಿಕ್ಕಿ ಕೊಂದು ಹಾಕಿದೆ ಎಂದು ವರದಿ ಮಾಡಿವೆ. ಕಿಮ್ ಹೊಯೊಕ್ ಚಾಲ್ ಮಾತ್ರವಲ್ಲದೇ ಆತನೊಂದಿಗೆ ಇತರೆ ನಾಲ್ಕು ಮಂದಿ ಅಧಿಕಾರಿಗಳನ್ನೂ ಕೂಡ ಕೊಲ್ಲಲಾಗಿದೆ ಎಂದು ಹೇಳಲಾಗಿದೆ.