ಈಜಿಪ್ಟ್ ನ ಹಾರ್ಸ್ ರೈಡರ್ ಜಾಗತಿಕ ಕುಬೇರ ಬಿಲ್ ಗೇಟ್ಸ್ ಅಳಿಯ!

ಜಗತ್ತಿನ ಕುಬೇರ. ಮೈಕ್ರೋಸಾಫ್ಟ್ ಸಂಸ್ಥಾಪಕ ಬಿಲ್ ಗೇಟ್ಸ್ - ಮೆಲಿಂಡಾ ದಂಪತಿಯ ಹಿರಿಯ ಪುತ್ರಿ ಜೆನ್ನಿಫರ್ ಗೇಟ್ಸ್(೨೩) ಅವರ ನಿಶ್ಚಿತಾರ್ಥ ಪೂರ್ಣಗೊಂಡಿದೆ.
ಬಿಲ್ ಗೇಟ್ಸ್ - ಜೆನ್ನಿಫರ್ - ನಾಯೆಲ್ ನಾಸರ್
ಬಿಲ್ ಗೇಟ್ಸ್ - ಜೆನ್ನಿಫರ್ - ನಾಯೆಲ್ ನಾಸರ್

ವಾಷಿಂಗ್ಟನ್ ಡಿಸಿ: ಜಗತ್ತಿನ ಕುಬೇರ. ಮೈಕ್ರೋಸಾಫ್ಟ್ ಸಂಸ್ಥಾಪಕ ಬಿಲ್ ಗೇಟ್ಸ್ - ಮೆಲಿಂಡಾ ದಂಪತಿಯ ಹಿರಿಯ ಪುತ್ರಿ ಜೆನ್ನಿಫರ್ ಗೇಟ್ಸ್(೨೩) ಅವರ ನಿಶ್ಚಿತಾರ್ಥ ಪೂರ್ಣಗೊಂಡಿದೆ.

ಮೂಲತಃ ಈಜಿಪ್ಟ್ ನ ಹಾರ್ಸ್ ರೈಡಿಂಗ್ ಕ್ರೀಡಾಪಟು ನಾಯೆಲ್ ನಾಸರ್ (೨೯) ರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿರುವುದಾಗಿ ಜೆನ್ನಿಫರ್ ಇನ್ಸ್ಟಾಗ್ರಾಮ್ ಮೂಲಕ ತಿಳಿಸಿದ್ದಾರೆ. 

ಈ ಸಂಬಂಧ ಹಿಮಗಡ್ಡೆಗಳ ನಡುವೆ ನಾಸರ್ ಜೊತೆ ಇರುವ ಫೋಟೋಗಳನ್ನು ಪೋಸ್ಟ್ ಮಾಡಿ ತನ್ನ ಸಂತೋಷವನ್ನು ಹಂಚಿಕೊಂಡಿದ್ದಾಳೆ. ಪರಸ್ಪರ ಅರ್ಥಮಾಡಿಕೊಂಡು, ಜೀವನದ ಪ್ರೀತಿಯನ್ನು ಹಂಚಿಕೊಳ್ಳುವುದರೊಂದಿಗೆ ಮುಂದೆ ಸಾಗಲಿದ್ದೇವೆ ಎಂದು ಅವರು ಹೇಳಿಕೊಂಡಿದ್ದಾರೆ. ನಾಸರ್ ಮತ್ತು ಜೆನ್ನಿಫರ್ ಕಳೆದ ಕೆಲವು ವರ್ಷಗಳಿಂದ ಪ್ರೀತಿಸುತ್ತಿದ್ದರು.
 
ಜೆನ್ನಿಫರ್ ಇನ್ಸ್ಟಾಗ್ರಾಮ್ ಪೋಸ್ಟ್ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅವರ ಪೋಸ್ಟ್‌ಗೆ ಈಗಾಗಲೇ ೪೬,೦೦೦ ಕ್ಕೂ ಹೆಚ್ಚು ಲೈಕ್‌ಗಳು ಬಂದಿವೆ. ಅನೇಕ ನೆಟಿಜನ್‌ಗಳು ಆಕೆಯನ್ನು ಅಭಿನಂದಿಸುತ್ತಾರೆ. 

ಇನ್ನೂ... ಜೆನ್ನಿಫರ್ ಇನ್ಸ್ಟಾಗ್ರಾಮ್ ಪೋಸ್ಟ್ ಗೆ ಆಕೆಯ ತಂದೆ- ತಾಯಿ ಕೂಡಾ ಹರ್ಷ ವ್ಯಕ್ತಪಡಿಸಿದ್ದಾರೆ. ನನಗೆ ಆಶ್ಚರ್ಯವಾಗಿದೆ. ಅಭಿನಂದನೆಗಳು ಎಂದು ಬಿಲ್ ಗೇಟ್ಸ್ ಟ್ವೀಟ್ ಮಾಡಿದ್ದಾರೆ, ನಾಸರ್ ಜೊತೆ ನಿನ್ನನ್ನು ಜೋಡಿಯಾಗಿ ನೋಡಲು ತುಂಬಾ ಸಂತೋಷವಾಗುತ್ತಿದೆ ಎಂದು ಮೆಲಿಂಡಾ ಗೇಟ್ಸ್ ಟ್ವೀಟ್ ಮಾಡಿದ್ದಾರೆ. 

ಇನ್ನೂ ನಾಸರ್ ಕೂಡಾ ತನ್ನ ನಿಶ್ಚಿತಾರ್ಥದ ಬಗ್ಗೆ ಇನ್ಸ್ಟಾಗ್ರಾಮ್ ಮೂಲಕ ಪ್ರತಿಕ್ರಿಯಿಸಿ, ನನಗೆ ತುಂಬಾ ಸಂತೋಷವಾಗಿದೆ. ವಿಶ್ವದಲ್ಲಿ ನನ್ನಂತಹ ಅದೃಷ್ಟವಂತ ವ್ಯಕ್ತಿ ಯಾರೂ ಇಲ್ಲವೆನೋ ಎಂದು ಜೆನ್ನಿಫರ್ ಅವರೊಂದಿಗಿನ ಫೋಟೋವನ್ನು ಹಂಚಿಕೊಂಡಿದ್ದಾರೆ.

ನಾಸರ್ ಅವರ ಪೋಷಕರು ಮೂಲತಃ ಈಜಿಪ್ಟಿನವರಾಗಿದ್ದು, ಅಮೆರಿಕದಲ್ಲಿ ನೆಲೆಸಿದ್ದಾರೆ. ನಾಸರ್ ಜನಿಸಿದ್ದು ಚಿಕಾಗೋದಲ್ಲಿ. ಆತ ಈಜಿಪ್ಟ್ ಪ್ರಜೆಯಾಗಿರುವುದರಿಂದ, ೨೦೨೦ ಒಲಿಂಪಿಕ್ಸ್ ಗಾಗಿ ಈಜಿಪ್ಟ್ ದೇಶದ ಪರವಾಗಿ ಕುದುರೆ ಸವಾರಿ ಕ್ರೀಡೆಯಲ್ಲಿ ಭಾಗವಹಿಸಲಿದ್ದಾರೆ.

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com