ವಾಷಿಂಗ್ಟನ್:ಚೀನಾದಲ್ಲಿ ಮೊದಲು ಕಾಣಿಸಿಕೊಂಡ ಕೊರೋನಾ ವೈರಸ್ ಸೋಂಕು ವಿಶ್ವದ ಬಹುತೇಕ ರಾಷ್ಟ್ರಗಳಿಗೆ ವ್ಯಾಪಿಸಿ ಪೂರ್ವ ಏಷ್ಯಾದಲ್ಲಿ 11 ದಶಲಕ್ಷಕ್ಕೂ ಅಧಿಕ ಜನರನ್ನು ಬಡತನಕ್ಕೆ ನೂಕಲಿದೆ ಎಂದು ವಿಶ್ವ ಬ್ಯಾಂಕ್ ಎಚ್ಚರಿಕೆ ನೀಡಿದೆ.
ಸಾಂಕ್ರಾಮಿಕವ ಜಾಗತಿಕ ಆಘಾತವನ್ನುಂಟುಮಾಡಿದೆ. ಇದು ದೇಶಗಳ ಬೆಳವಣಿಗೆಯನ್ನು ಸ್ಥಗಿತಗೊಳಿಸುವುದು ಮಾತ್ರವಲ್ಲದೆ ಬಡತನಕ್ಕೆ ಜನರನ್ನು ದೂಡುತ್ತದೆ ಎಂದು ಪೂರ್ವ ಏಷ್ಯಾದ ವಿಶ್ವ ಬ್ಯಾಂಕ್ ನ ಮುಖ್ಯ ಆರ್ಥಿಕ ತಜ್ಞ ಆದಿತ್ಯ ಮಟ್ಟೂ ತಿಳಿಸಿದ್ದಾರೆ.
ಉತ್ತಮ ಸನ್ನಿವೇಶದಲ್ಲಿಯೂ ಸಹ, ದೇಶಗಳು ಬೆಳವಣಿಗೆಯಲ್ಲಿ ತೀವ್ರ ಕುಸಿತವನ್ನು ಕಾಣಲಿವೆ. ಚೀನಾದ ವಿಸ್ತರಣೆಯು 2019 ರಲ್ಲಿ 6.1 ಪ್ರತಿಶತದಿಂದ 2.3 ಪ್ರತಿಶತಕ್ಕೆ ಕುಂಠಿತವಾಗಲಿದೆ ಎಂದು ವರದಿಯೊಂದು ತಿಳಿಸಿದೆ.
Advertisement