ಮ್ಯಾನ್ಮಾರ್ ಸಂಘರ್ಷ: ಭದ್ರತಾ ಪಡೆಗಳಿಂದ 24 ಗಂಟೆಗಳಲ್ಲಿ 82 ಮಂದಿ ಪ್ರತಿಭಟನಾಕಾರರ ಹತ್ಯೆ

ಮಿಲಿಟರಿ ಆಡಳಿತ ವಿರೋಧಿಸಿ ಮ್ಯಾನ್ಮಾರ್ ನಲ್ಲಿ ನಡೆಯುತ್ತಿರುವ ಪ್ರತಿಭಟನೆ ಹಿಂಸಾರೂಪಕ್ಕೆ ತಿರುಗಿದ್ದು ಶನಿವಾರ ಒಂದೇ ದಿನ ಬರೊಬ್ಬರಿ 82 ಮಂದಿ ಪ್ರತಿಭಟನಾಕಾರರನ್ನು ಭದ್ರತಾ ಪಡೆಗಳು ಹತ್ಯೆಗೈದಿವೆ ಎಂದು ತಿಳಿದುಬಂದಿದೆ.

Published: 11th April 2021 09:17 AM  |   Last Updated: 11th April 2021 09:17 AM   |  A+A-


Myanmar-security-forces-kil

ಬಗೋ ನಗರದಲ್ಲಿ ಗಲಭೆ (ಎಎಫ್ ಪಿ ಚಿತ್ರ)

Posted By : Srinivasamurthy VN
Source : Reuters

ಯಾಂಗೊನ್‌: ಮಿಲಿಟರಿ ಆಡಳಿತ ವಿರೋಧಿಸಿ ಮ್ಯಾನ್ಮಾರ್ ನಲ್ಲಿ ನಡೆಯುತ್ತಿರುವ ಪ್ರತಿಭಟನೆ ಹಿಂಸಾರೂಪಕ್ಕೆ ತಿರುಗಿದ್ದು ಶನಿವಾರ ಒಂದೇ ದಿನ ಬರೊಬ್ಬರಿ 82 ಮಂದಿ ಪ್ರತಿಭಟನಾಕಾರರನ್ನು ಭದ್ರತಾ ಪಡೆಗಳು ಹತ್ಯೆಗೈದಿವೆ ಎಂದು ತಿಳಿದುಬಂದಿದೆ.

ಈ ಬಗ್ಗೆ ಅಂತಾರಾಷ್ಟ್ರೀಯ ಸುದ್ದಿಸಂಸ್ಥೆ ವರದಿ ಮಾಡಿದ್ದು, ಪ್ರಜಾಪ್ರಭುತ್ವದ ಪರವಾಗಿ, ಮಿಲಿಟರಿ ಆಡಳಿತ ವಿರೋಧಿಸಿ ಮ್ಯಾನ್ಮಾರ್‌ನಲ್ಲಿ ಜನರು ನಡೆಸುತ್ತಿರುವ ಪ್ರತಿಭಟನೆಯಲ್ಲಿ 82 ಮಂದಿ ಪ್ರತಿಭಟನಾಕಾರರನ್ನು ಭದ್ರತಾ ಪಡೆಗಳು ಹತ್ಯೆಗೈದಿವೆ ಎಂದು ವರದಿ ಮಾಡಿವೆ. ಶನಿವಾರ ಭದ್ರತಾ ಪಡೆಗಳು  ಪ್ರತಿಭಟನಾಕಾರರ ಮೇಲೆ ದಾಳಿ ನಡೆಸಿದ್ದು, ಈ ವೇಳೆ ಕನಿಷ್ಠ 82 ಜನರ ಹತ್ಯೆಯಾಗಿದೆ. ಆ ಮೂಲಕ ಫೆಬ್ರವರಿಯಿಂದ ಈ ವರೆಗೂ ನಡೆದ ಘರ್ಷಣೆಯಲ್ಲಿ ಸಾವಿಗೀಡಾದ ಪ್ರತಿಭಟನಾಕಾರರ  701ಕ್ಕೆ ಏರಿಕೆಯಾಗಿದೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಪ್ರಮುಖವಾಗಿ ಕಳೆದ ಮಾರ್ಚ್‌ 14ರ  ನಂತರ ಬಗೋ ನಗರದಲ್ಲಿ ಶನಿವಾರ ಅತಿ ಹೆಚ್ಚು ಪ್ರತಿಭಟನಾಕಾರರನ್ನು ಕೊಲ್ಲಲಾಗಿದೆ ಎನ್ನಲಾಗಿದೆ.

ಬಗೋದಲ್ಲಿ ಸಾವಿನ ಸಂಖ್ಯೆ ಇನ್ನಷ್ಟು ಏರಿಕೆಯಾಗುವ ಸಾಧ್ಯತೆ ಇದ್ದು, ಭದ್ರತಾ ಪಡೆಗಳು ಶವಗಳನ್ನು ಸಂಗ್ರಹಿಸಿ ಬೌದ್ಧ ಮಂದಿರದ ಮೈದಾನದಲ್ಲಿ ಹಾಕಿವೆ. ಗ್ರೆನೇಡ್‌ಗಳು, ಮಾರ್ಟರ್‌ಗಳು ಸೇರಿದಂತೆ ದೊಡ್ಡ ಪ್ರಮಾಣದ ಶಸ್ತ್ರಗಳನ್ನು ಬಳಸಿ ಭದ್ರತಾ ಪಡೆಗಳು ಜನರ ಮೇಲೆ ದಾಳಿ ಮಾಡಿದ್ದು, ಕೆಲವು  ಪ್ರತಿಭಟನಾಕಾರರು ಆತ್ಮ ರಕ್ಷಣೆಯ ನಿಟ್ಟಿನಲ್ಲಿ ಫೈರ್‌ಬಾಂಬ್‌ಗಳು, ಬೇಟೆಗೆ ಬಳಸುವ ರೈಫಲ್‌ಗಳನ್ನು ಹಿಡಿದು ಹೋರಾಟ ಮಾಡುತ್ತಿದ್ದಾರೆ. ಕಲಾಯ್‌ ಪ್ರದೇಶದಲ್ಲಿ ಮಿಲಿಟರಿ ಪಡೆಯ ವಿರುದ್ಧ ಬೇಟೆಯ ರೈಫಲ್‌ಗಳನ್ನು ಬಳಸಿ, ಮೂವರು ಯೋಧರ ಹತ್ಯೆ ಮಾಡಿರುವುದು ವರದಿಯಾಗಿದೆ. ಕಾನೂನು ಸುವ್ಯವಸ್ಥೆ,  ದೇಶದ ಸ್ಥಿರತೆ ಅಭದ್ರವಾಗಲು ಹರಡುತ್ತಿರುವ ಮಾಹಿತಿಯೇ ಕಾರಣವೆಂದು ಆರೋಪಿಸಿ, ಇತ್ತೀಷೆಗಷ್ಟೇ ಮಿಲಿಟರಿ ಆಡಳಿತವು ಕಲೆ ಮತ್ತು ಮಾಧ್ಯಮಗಳಲ್ಲಿ ಸಕ್ರಿಯರಾಗಿರುವ 140 ಜನರ ವಾಂಟೆಡ್‌ ಪಟ್ಟಿ ಪ್ರಕಟಿಸಿದೆ. ಅವರ ಬಂಧನಕ್ಕಾಗಿ ಕಾರ್ಯಾಚರಣೆ ನಡೆಸಲಾಗಿದೆ ಎಂದು ಹೇಳಿದೆ.

ಯಾಂಗೊನ್‌ನಲ್ಲಿ ಮಾರ್ಚ್‌ 27ರಂದು ಮಿಲಿಟರಿ ಅಧಿಕಾರಿಯ ಹತ್ಯೆಗೆ ಸಂಬಂಧಿಸಿದಂತೆ ಸೇನಾ ನ್ಯಾಯಾಲಯವು 19 ಜನರಿಗೆ ಮರಣದಂಡನೆ ವಿಧಿಸಿರುವುದಾಗಿ ಸರ್ಕಾರ ಸ್ವಾಮ್ಯದ ಎಂಆರ್‌ಟಿವಿ ಚಾನೆಲ್‌ ಶುಕ್ರವಾರ ವರದಿ ಮಾಡಿದೆ.


Stay up to date on all the latest ಅಂತಾರಾಷ್ಟ್ರೀಯ news
Poll
Minister sudhakar

ಆಧುನಿಕ ಭಾರತೀಯ ಮಹಿಳೆ ಮದುವೆ, ಮಕ್ಕಳನ್ನು ಬಯಸುವುದಿಲ್ಲ: ಸಚಿವ ಸುಧಾಕರ್ ಹೇಳಿಕೆ ಕುರಿತು ನಿಮ್ಮ ಅಭಿಪ್ರಾಯವೇನು?


Result
ಸರಿ
ತಪ್ಪು

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp