ಟೀಕೆಗಳ ಹೊರತಾಗಿಯೂ ಪ್ರತಿಭಟನಾ ನಿರತ ರೈತರಿಗೆ ಮಿಯಾ ಖಲೀಫಾ ಬೆಂಬಲ, ಟೀಕಾಕಾರರಿಗೆ ಹೇಳಿದ್ದೇನು?

ನವದೆಹಲಿ: ಪ್ರತಿಭಟನಾ ನಿರತ ರೈತರಿಗೆ ಬೆಂಬಲ ಸೂಚಿಸಿ ಟ್ವೀಟ್ ಮಾಡಿ ಟೀಕೆಗೆ ಗುರಿಯಾಗಿದ್ದ ಮಾಜಿ ನೀಲಿ ಚಿತ್ರತಾರೆ ಮಿಯಾ ಖಲೀಫಾ ಟೀಕೆಗಳ ಹೊರತಾಗಿಯೂ ರೈತರ ಪರವಾಗಿಯೇ ನಿಲ್ಲುತ್ತೇನೆ ಎಂದು ಪುನರುಚ್ಛರಿಸಿದ್ದಾರೆ.

What in the human rights violations is going on?! They cut the internet around New Delhi?! #FarmersProtest pic.twitter.com/a5ml1P2ikU

— Mia K. (@miakhalifa) February 3, 2021

ಈ ಕುರಿತಂತೆ ಸರಣಿ ಟ್ವೀಟ್ ಮಾಡಿರುವ ಮಿಯಾ ಖಲೀಫಾ, ಇವರು ಪೇಯ್ಡ್ ನಟರಾ? ಕಾಸ್ಟಿಂಗ್ ಡೈರೆಕ್ಟರ್ ಚೆನ್ನಾಗಿದ್ದಾರೆ. ಪ್ರಶಸ್ತಿ ವೇಳೆ ಅವರನ್ನು ಕಡೆಗಣಿಸುವುದಿಲ್ಲ ಎಂದು ಅಂದುಕೊಳ್ಳುವೆ. ನಾನು ರೈತರಿಗೆ ಬೆಂಬಲ ಸೂಚಿಸುತ್ತಿದ್ದೇನೆ ಎಂದು ಟ್ವೀಟ್ ಮಾಡಿದ್ದರು. ಈ ಟ್ವೀಟ್​ಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಪರ– ವಿರೋಧ ಚರ್ಚೆಗಳಾಗಿದ್ದು ಹಲವು ನೆಟ್ಟಿಗರು ಮಿಯಾಳನ್ನು ಲೇವಡಿ ಮಾಡಿದ್ದರು. ನೀಲಿ ಚಿತ್ರ ತಾರೆಯೂ ರೈತರ ಪ್ರತಿಭಟನೆಗೆ ಬೆಂಬಲ ಸೂಚಿಸಿದ್ದಾರೆ ಎಂದು ಹುಬ್ಬೇರಿಸಿದ ನೆಟ್ಟಿಗರು ಟ್ವಿಟರ್​ನಲ್ಲಿ ಸನ್ನಿ ಲಿಯೋನ್, ಜಾನಿ ಸಿನ್ಸ್ ಹೆಸರು ಟ್ರೆಂಡ್ ಮಾಡಿದ್ದರು. ಅಷ್ಟೇ ಅಲ್ಲದೆ ಮಿಯಾ ಖಲೀಫಾ ಬಗ್ಗೆ ಹಲವಾರು ಟ್ರೋಲ್, ಮೀಮ್​ಗಳನ್ನು ಹರಿಯಬಿಟ್ಟಿದ್ದರು.

Confirming I have in fact regained consciousness, and would like to thank you for your concern, albeit unnecessary. Still standing with the farmers, though pic.twitter.com/ttZnYeVLRP

— Mia K. (@miakhalifa) February 4, 2021

ರೈತರಿಗೆ ಬೆಂಬಲ ಸೂಚಿಸಿದ್ದಕ್ಕಾಗಿ ಟ್ರೋಲ್​ಗೆ ಗುರಿಯಾಗಿದ್ದ ಮಿಯಾ ಅವರಲ್ಲಿ ಟ್ವೀಟಿಗರು ಕೆಲವು ಪ್ರಶ್ನೆಗಳನ್ನು ಕೇಳಿ ಕೆದಕಿದಾಗ ಈಕೆ ತಕ್ಕ ಉತ್ತರ ನೀಡಿ ಟ್ರೋಲಿಗರ ಬಾಯ್ಮುಚ್ಚಿಸಿದ್ದಾರೆ. ಬುಧವಾರ ಶುಭಂ ಸಿಂಗ್ ಎಂಬ ಟ್ವೀಟಿಗರೊಬ್ಬರು ನಿಮ್ಮ ಬಗ್ಗೆ ನಿಮ್ಮ ಹಿರೀಕರು ಎಷ್ಟು ಹೆಮ್ಮೆ ಪಡುತ್ತಿರಬಹುದು ಎಂದು ವ್ಯಂಗ್ಯವಾಡಿದ್ದರು.

How proud your ancestors would be from you

— Shubham Singh (@Thee_devill) February 3, 2021

ಇದಕ್ಕೆ ಉತ್ತರಿಸಿದ ಮೀಯಾ,  ತನ್ನ ತಾಯ್ನಾಡಾದ ಲೆಬನಾನ್​ನ ರೆಡ್ ಕ್ರಾಸ್ ಸಂಸ್ಥೆಗೆ 5,000 ಡಾಲರ್ ಹಣ ದೇಣಿಗೆ ನೀಡಿರುವ ಸ್ಕ್ರೀನ್ ಶಾಟ್ ಲಗತ್ತಿಸಿ ಉತ್ತರ ನೀಡಿದ್ದಾರೆ. ನಾನು ನನ್ನ ತಾಯ್ನಾಡಿನ ರೆಡ್ ಕ್ರಾಸ್ ಸಂಸ್ಥೆಗೆ ಮತ್ತಷ್ಟು ಹಣ ದೇಣಿಗೆ ನೀಡಲಿದ್ದೇನೆ. ನನ್ನ ಹಿರೀಕರು ಇನ್ನು ಸ್ವಲ್ಪ ಆರಾಮವಾಗಿರಲಿ ಎಂದು ಹೇಳಿದ್ದಾರೆ.

You meant this backhandedly, but brb I’m gonna go donate some more money to my homeland’s Red Cross organization, maybe my ancestors will rest a little better now. https://t.co/BtzDrJLP8T pic.twitter.com/h52VVQRrsR

— Mia K. (@miakhalifa) February 3, 2021

ಅಲ್ಲದೆ  ಭಾರತದಲ್ಲಿ ರಿಹಾನ್ನಾ ಮತ್ತು ಗ್ರೇಟಾ ಥನ್ಬರ್ಗ್ ರ ವಿರುದ್ಧ ಭಾರತದಲ್ಲಿ ನಡೆಯುತ್ತಿರುವ ಪ್ರತಿಭಟನೆಗಳ ಫೋಟೋ ಟ್ವೀಟ್ ಮಾಡಿರುವ ಮಿಯಾ, 'ನಾನು ಪ್ರಜ್ಞೆಯನ್ನು ಮರಳಿ ಪಡೆದುಕೊಂಡಿದ್ದೇನೆ ಮತ್ತು ಅನಗತ್ಯವಾಗಿದ್ದರೂ ನಿಮ್ಮ ಕಾಳಜಿಗೆ ಧನ್ಯವಾದ ಹೇಳಲು ಬಯಸುತ್ತೇನೆ. ಆದರೂ ರೈತರ ಪರವಾಗಿಯೇ ನಿಲ್ಲುತ್ತೇನೆ ಎಂದು ಟ್ವೀಟ್ ಮಾಡಿದ್ದಾರೆ. 

“Paid actors,” huh? Quite the casting director, I hope they’re not overlooked during awards season. I stand with the farmers. #FarmersProtest pic.twitter.com/moONj03tN0

— Mia K. (@miakhalifa) February 3, 2021

ಕೇಂದ್ರ ಕೃಷಿ ಕಾಯ್ದೆ ವಿರೋಧಿಸಿ ಪ್ರತಿಭಟನೆ ನಡೆಸುತ್ತಿರುವ ರೈತರಿಗೆ ಅಮೆರಿಕದ ಪಾಪ್ ತಾರೆ ರಿಹಾನ್ನಾ, ಸ್ವೀಡನ್​ನ ಪರಿಸರ ಹೋರಾಟಗಾರ್ತಿ ಗ್ರೇಟಾ ಥನ್ಬರ್ಗ್ ಮತ್ತು ಮಾಜಿ ಪೋರ್ನ್ ತಾರೆ ಮಿಯಾ ಖಲೀಫಾ, ಅಮೆರಿಕದ ವಕೀಲೆ ಮತ್ತು ಅಮೆರಿಕದ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಅವರ ಸೋದರ ಸೊಸೆ, ನಟಿ ಅಮಾಂಡಾ ಸೆರ್ನಿ, ಗಾಯಕರಾದ ಜೇ ಸೀನ್ ಮತ್ತು ಡಾ ಜೀಯಸ್ ಮತ್ತು ಹಾಲಿವುಡ್ ತಾರೆ ಜಾನ್ ಕುಸಾಕ್ ಸೇರಿದಂತೆ ಹಲವು ಅಂತಾರಾಷ್ಟ್ರೀಯ ಗಣ್ಯರು ಪ್ರತಿಭಟನಾ ನಿರತ ರೈತರಿಗೆ ಬೆಂಬಲ ವ್ಯಕ್ತಪಡಿಸಿದ್ದಾರೆ.