ನೇಪಾಳ: ಸಂಸತ್ ನಲ್ಲಿ ವಿಶ್ವಾಸ ಮತ ಗೆದ್ದ ನೂತನ ಪ್ರಧಾನಿ ಶೇರ್ ಬಹದ್ದೂರ್ ಡಿಯುಬಾ

ನೇಪಾಳದಲ್ಲಿ ನೂತನ ಪ್ರಧಾನಿಯಾಗಿ ಜು.13 ರಂದು ಅಧಿಕಾರ ವಹಿಸಿಕೊಂಡಿದ್ದ ಶೇರ್ ಬಹದ್ದೂರ್ ಡಿಯುಬಾ ಜು.18 ರಂದು ಅಲ್ಲಿನ ಸಂಸತ್ ನಲ್ಲಿ ವಿಶ್ವಾಸ ಮತ ಗೆದ್ದಿದ್ದು ಸರ್ಕಾರವನ್ನು ಭದ್ರಪಡಿಸಿಕೊಂಡಿದ್ದಾರೆ. 
ಶೇರ್ ಬಹದ್ದೂರ್ ಡಿಯುಬಾ
ಶೇರ್ ಬಹದ್ದೂರ್ ಡಿಯುಬಾ

ಕಠ್ಮಂಡು: ನೇಪಾಳದಲ್ಲಿ ನೂತನ ಪ್ರಧಾನಿಯಾಗಿ ಜು.13 ರಂದು ಅಧಿಕಾರ ವಹಿಸಿಕೊಂಡಿದ್ದ ಶೇರ್ ಬಹದ್ದೂರ್ ಡಿಯುಬಾ ಜು.18 ರಂದು ಅಲ್ಲಿನ ಸಂಸತ್ ನಲ್ಲಿ ವಿಶ್ವಾಸ ಮತ ಗೆದ್ದಿದ್ದು ಸರ್ಕಾರವನ್ನು ಭದ್ರಪಡಿಸಿಕೊಂಡಿದ್ದಾರೆ. 
 
275 ಸದಸ್ಯರಿದ್ದ ಪ್ರತಿನಿಧಿಗಳ ಪೈಕಿ ನೇಪಾಳಿ ಕಾಂಗ್ರೆಸ್ ನ ನಾಯಕನ ಪರವಾಗಿ 165 ಮತಗಳನ್ನು ಡಿಯುಬಾ ನೇತೃತ್ವದ ಸರ್ಕಾರ ಪಡೆದಿದೆ ಎಂದು ಹಿಮಾಲಯನ್ ಟೈಮ್ಸ್ ವರದಿ ಪ್ರಕಟಿಸಿದೆ. 

249 ಶಾಸಕರು ಮತಪ್ರಕ್ರಿಯೆಯಲ್ಲಿ ಭಜಗವಹಿಸಿದ್ದರು. 83 ಸದಸ್ಯರು ಡಿಯುಬಾ ಸರ್ಕಾರದ ವಿರುದ್ಧ ಮತ ಚಲಾಯಿಸಿದರೆ ಓರ್ವ ಸದಸ್ಯ ಮಾತ್ರ ತಟಸ್ಥವಾಗಿ ಉಳಿದರು. ಸಂಸತ್ ನಲ್ಲಿ ವಿಶ್ವಾಸ ಮತ ಗೆಲ್ಲುವುದಕ್ಕೆ ಡಿಯುಬಾ ಅವರಿಗೆ 136 ಮತಗಳ ಅಗತ್ಯವಿತ್ತು. 

275 ಸದಸ್ಯ ಬಲ ಹೊಂದಿರುವ ಸದನದಲ್ಲಿ ನಡೆದ ವಿಶ್ವಾಸ ಮತಯಾಚನೆಯ ಸಂದರ್ಭದಲ್ಲಿ ಓಲಿ ಸೋಲನ್ನನುಭವಿಸಿದ ನಂತರವೂ ಕೂಡ ಅಲ್ಪಸಂಖ್ಯಾತ ಸರ್ಕಾರವನ್ನು ಮುನ್ನಡೆಸುತ್ತಿದ್ದರು. ಇದೀಗ ಸುಪ್ರೀಂ ಕೋರ್ಟ್‌ನ ಆದೇಶದ ನಂತರ, ಡಿಯುಬಾ ಅವರನ್ನು ಪ್ರಧಾನಿಯನ್ನಾಗಿ ನೇಮಕ ಮಾಡಲಾಗಿತ್ತು. 

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com