ಮೈಕ್ರೋಸಾಫ್ಟ್ ಯೂಸರ್ ಅಕೌಂಟ್ ಗಳನ್ನು ಡಿಲೀಟ್ ಮಾಡಿದ ಆರೋಪ: ಅಮೆರಿಕದಲ್ಲಿ ಭಾರತೀಯ ಪ್ರಜೆಗೆ 2 ವರ್ಷ ಜೈಲು

ವಾಷಿಂಗ್ಟನ್: ಅಮೆರಿಕದ ಕ್ಯಾಲಿಫೋರ್ನಿಯಾದ ನ್ಯಾಯಾಲಯ ಭಾರತೀಯ ಪ್ರಜೆಗೆ ಎರಡು ವರ್ಷಗಳ ಜೈಲು ಶಿಕ್ಷೆ ವಿಧಿಸಿದೆ, ಕಂಪನಿಯು ಕೆಲಸದಿಂದ ತೆಗೆದುಹಾಕಲ್ಪಟ್ಟ ನಂತರವೂ ಅದರ ಸರ್ವರ್ ಅನ್ನು ಪ್ರವೇಶಿಸಿ 1,200 ಕ್ಕೂ ಹೆಚ್ಚು ಮೈಕ್ರೋಸಾಫ್ಟ್ ಬಳಕೆದಾರರ ಖಾತೆಗಳನ್ನು ಅಳಿಸಿಹಾಕಿದ ಆರೋಪ ಭಾರತೀಯ ಪ್ರಜೆಯ ಮೇಲಿದೆ.

ಕಳೆದ ಜನವರಿ 11ರಂದು ಭಾರತದಿಂದ ಅಮೆರಿಕಕ್ಕೆ ವಾಪಸ್ಸಾದ ದೀಪಾಂಶು ಖೇರ್ ನನ್ನು ಕ್ಯಾಲಿಫೋರ್ನಿಯಾದಲ್ಲಿ ಬಂಧಿಸಲಾಗಿದ್ದು, ಆತನ ಬಂಧನಕ್ಕೆ ವಾರಂಟ್ ಹೊರಡಿಸಲಾಗಿತ್ತು.

ಈತನ ವಿಧ್ವಂಸಕ ಕೃತ್ಯದಿಂದ ಕಂಪನಿಗೆ ವಿನಾಶಕಾರಿ ಪರಿಸ್ಥಿತಿ ಎದುರಾಗಿದೆ ಎಂದು ಅಮೆರಿಕ ಅಟೊರ್ನಿ ರ್ಯಾಂಡಿ ಗ್ರಾಸ್ ಮ್ಯಾನ್ ಹೇಳಿದ್ದಾರೆ.ಶಿಕ್ಷೆಯನ್ನು ಪ್ರಕಟಿಸುವ ಸಂದರ್ಭದಲ್ಲಿ, ಅಮೆರಿಕಾದ ಜಿಲ್ಲಾ ನ್ಯಾಯಾಲಯದ ನ್ಯಾಯಾಧೀಶ ಮರ್ಲಿನ್ ಹಫ್ ಅವರು ಖೇರ್ ಕಂಪನಿಯ ಮೇಲೆ ಮಹತ್ವದ ಮತ್ತು ಅತ್ಯಾಧುನಿಕ ದಾಳಿಯನ್ನು ಮಾಡಿದ್ದಾರೆ ಎಂದು ಹೇಳಿದ್ದು, ಇದೊಂದು ಯೋಜಿತ ಪ್ರತೀಕಾರದ ಕೃತ್ಯ ಎಂದು ಹೇಳಿದ್ದಾರೆ.

ಎರಡು ವರ್ಷಗಳ ಬಂಧನದ ಜೊತೆಗೆ, ನ್ಯಾಯಾಧೀಶ ಹಫ್ ಖೇರ್‌ಗೆ ಮೂರು ವರ್ಷಗಳ ಮೇಲ್ವಿಚಾರಣೆಯ ಬಿಡುಗಡೆ ಮತ್ತು 567,084 ಡಾಲರ್‌ಗಳಷ್ಟು ಕಂಪನಿಗೆ ಮರುಪಾವತಿ ಮಾಡಬೇಕೆಂದು ಆದೇಶಿಸಿದರು. ಇದು ಖೇರ್‌ನಿಂದ ಉಂಟಾದ ಸಮಸ್ಯೆಗಳನ್ನು ಪರಿಹರಿಸಲು ಕಂಪನಿಯು ಪಾವತಿಸಿದ ಮೊತ್ತವಾಗಿದೆ.

ನ್ಯಾಯಾಲಯದ ದಾಖಲೆಗಳ ಪ್ರಕಾರ, ಖೇರ್ ಅವರನ್ನು ಮಾಹಿತಿ ತಂತ್ರಜ್ಞಾನ ಸಲಹಾ ಸಂಸ್ಥೆ 2017 ರಿಂದ ಮೇ 2018 ರವರೆಗೆ ನೇಮಿಸಿಕೊಂಡಿತ್ತು. ಮೈಕ್ರೋಸಾಫ್ಟ್ ಆಫೀಸ್ 365 (ಎಂಎಸ್ ಒ 365)ಸಹಾಯ ಮಾಡಲು ಕಾರ್ಲ್ಸ್‌ಬಾದ್ ಕಂಪನಿಯು 2017 ರಲ್ಲಿ ಸಲಹಾ ಸಂಸ್ಥೆಯನ್ನು ನೇಮಿಸಿಕೊಂಡಿತ್ತು.