ಲಂಡನ್: ವಾರಗಳ ರಾಜಕೀಯ ಪ್ರಕ್ಷುಬ್ಧತೆಯ ನಂತರದ ಗದ್ದಲದ ಸಂಸತ್ತಿನ ಅಧಿವೇಶನದಲ್ಲಿ ರಿಷಿ ಸುನಕ್(Rishi Sunak) ಅವರು ಬ್ರಿಟನ್ ಪ್ರಧಾನ ಮಂತ್ರಿಯಾಗಿ ಇಂದು ಬುಧವಾರ ವಿರೋಧ ಪಕ್ಷದ ನಾಯಕರ ಮುಖಾಮುಖಿಯಾಗಲಿದ್ದಾರೆ.
ಅವರು ನಿನ್ನೆ ಮಂಗಳವಾರ ಇಂಗ್ಲೆಂಡಿನ(UK Prime minister) ಮೊದಲ ವರ್ಣೀಯ ಪ್ರಧಾನಮಂತ್ರಿಯಾಗಿ ವಹಿಸಿಕೊಂಡಿದ್ದಾರೆ. ಇದೀಗ ನಿರ್ಗಮಿತ ಪ್ರಧಾನ ಮಂತ್ರಿ ಲಿಜ್ ಟ್ರಸ್ ಅವರು ತಮ್ಮ ಹಾನಿಕಾರಕ ಬಜೆಟ್ ನೀಡಿ ತೀವ್ರ ವಿರೋಧ ಎದುರಿಸಿದ್ದು ಅದನ್ನು ಸರಿಪಡಿಸುವುದಾಗಿ ರಿಷಿ ಸುನಕ್ ಪ್ರತಿಜ್ಞೆ ಮಾಡಿದ್ದಾರೆ.
ತಮ್ಮ ದ್ರಗೊಂಡ ಕನ್ಸರ್ವೇಟಿವ್‌ಗಳನ್ನು ಸರಿಪಡಿಸುವುದಾಗಿ ಭರವಸೆ ನೀಡಿರುವ ನೂತನ ಪ್ರಧಾನಿ ರುಷಿ ಸುನಕ್, ದೇಶವನ್ನು ಒಗ್ಗೂಡಿಸಲು ಪಣತೊಟ್ಟಿದ್ದಾರೆ. ಮಾಜಿ ಪ್ರಧಾನಿ ಲಿಜ್ ಟ್ರಸ್, ಇತಿಹಾಸದಲ್ಲಿ ಇಂಗ್ಲೆಂಡಿನ ಅತ್ಯಂತ ಕಡಿಮೆ ಅವಧಿಗೆ ಸೇವೆ ಸಲ್ಲಿಸಿದ ಪ್ರಧಾನ ಮಂತ್ರಿಯಾಗಿ ಅಧಿಕಾರವನ್ನು ತೊರೆದರು, 1812ರ ನಂತರ ಅತಿ ಕಿರಿಯ ಮತ್ತು ಮೊದಲ ಹಿಂದೂ ನಾಯಕನಾಗಿ ರಿಷಿ ಸುನಕ್ ಪ್ರಧಾನ ಮಂತ್ರಿಯಾಗಿ ಅಧಿಕಾರ ಸ್ವೀಕರಿಸಿಕೊಂಡಿದ್ದಾರೆ.
ಟೋರಿ ಶಾಸಕರಿಂದ ಸಾಕಷ್ಟು ನಾಮನಿರ್ದೇಶನಗಳನ್ನು ಪಡೆಯಲು ಪ್ರತಿಸ್ಪರ್ಧಿ ಪೆನ್ನಿ ಮೊರ್ಡಾಂಟ್ ವಿಫಲವಾದ ನಂತರ 96 ಗಂಟೆಗಳ ಟೋರಿ ನಾಯಕತ್ವ ಸ್ಪರ್ಧೆಯಲ್ಲಿ 42 ವರ್ಷದ ಸುನಕ್ ಜಯಗಳಿಸಿ ಪ್ರಧಾನಿಯಾಗಿದ್ದು ಇನ್ನು ಇತಿಹಾಸ.
ನಿನ್ನೆ ಪ್ರಧಾನಿಯಾಗಿ ಪ್ರಮಾಣವಚನ ಸ್ವೀಕರಿಸಿದ ರಿಷಿ ಸುನಕ್, ದೇಶವು "ಗಹನ ಆರ್ಥಿಕ ಬಿಕ್ಕಟ್ಟು" ಎದುರಿಸುತ್ತಿದೆ ಎಂದು ಒಪ್ಪಿಕೊಂಡಿದ್ದಾರೆ. ನಾನು ಈ ಸರ್ಕಾರದ ಕಾರ್ಯಸೂಚಿಯ ಹೃದಯಭಾಗದಲ್ಲಿ ಆರ್ಥಿಕ ಸ್ಥಿರತೆ ಮತ್ತು ವಿಶ್ವಾಸವನ್ನು ಇರಿಸುತ್ತೇನೆ ಎಂದು ಹೇಳಿದ್ದು ಇದು ಕಠಿಣ ನಿರ್ಧಾರ ತೆಗೆದುಕೊಳ್ಳುವ ಸಮಯ ಎಂದಿದ್ದಾರೆ.
ಉತ್ತಮ ದೇಶೀಯ ಐಕ್ಯತೆಗಾಗಿ ಸ್ಪಷ್ಟವಾದ ಪ್ರಯತ್ನದಲ್ಲಿ, ಸುನಕ್ ಅವರು ಸ್ಕಾಟ್ಲೆಂಡ್ ಮತ್ತು ವೇಲ್ಸ್‌ನ ನಿಯೋಜಿತ ನಾಯಕರಿಗೆ ಕರೆ ಮಾಡಿ ಮಾತುಕತೆ ನಡೆಸಿದ್ದಾರೆ. ವಿದೇಶಿ ನಾಯಕರೊಂದಿಗಿನ ತನ್ನ ಮೊದಲ ಮಾತುಕತೆಯಲ್ಲಿ ಸುನಕ್ ಉಕ್ರೇನಿಯನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿಗೆ ರಷ್ಯಾದ ಆಕ್ರಮಣದ ನಂತರ ಬ್ರಿಟನ್ ತನ್ನ ಸ್ಥಿರ ಬೆಂಬಲವನ್ನು ಮುಂದುವರೆಸುವುದಾಗಿ ಹೇಳಿದ್ದಾರೆ. ಯುಎಸ್ ಅಧ್ಯಕ್ಷ ಜೋ ಬಿಡೆನ್ ಅವರೊಂದಿಗೆ ಮಾತನಾಡಿದ್ದಾರೆ.
"ಯುಕೆ ಅಮೆರಿಕದ ನಿಕಟ ಮಿತ್ರರಾಷ್ಟ್ರವಾಗಿ ಉಳಿದಿದೆ ಎಂದು ಅಧ್ಯಕ್ಷ ಬಿಡೆನ್ ಹೇಳಿದ್ದಾರೆ. ಯುರೋಪಿಯನ್ ನಾಯಕರು ತಮ್ಮದೇ ಆದ ಅಭಿನಂದನೆಗಳನ್ನು ಸಲ್ಲಿಸಿದರು, ಆದರೆ ಐರಿಶ್ ಪ್ರಧಾನ ಮಂತ್ರಿ ಮೈಕೆಲ್ ಮಾರ್ಟಿನ್ ಅವರು ಜಾನ್ಸನ್ ಮತ್ತು ಟ್ರಸ್ ಅಡಿಯಲ್ಲಿ ಉದ್ವಿಗ್ನತೆಯ ನಂತರ ಉತ್ತರ ಐರ್ಲೆಂಡ್‌ನಲ್ಲಿ ಶಾಂತಿಯನ್ನು ಕಾಪಾಡುವ ಅವರ "ಹಂಚಿಕೆಯ ಜವಾಬ್ದಾರಿ" ಯನ್ನು ಸುನಾಕ್‌ಗೆ ನೆನಪಿಸಿದರು.
Advertisement