ಯಾವುದೇ ಗ್ರಹಣವಾದರೂ ದ್ವಾದಶ ರಾಶಿಗಳ ಮೇಲೆ ಪರಿಣಾಮ ಬೀರಲಿದ್ದು, ಯಾವ ನಕ್ಷತ್ರ, ರಾಶಿಗಳಲ್ಲಿ ಗ್ರಹಣ ಸಂಭವಿಸುವುದೋ ಆ ರಾಶಿಯ, ನಕ್ಷತ್ರದವರಿಗೆ ಉಳಿದ ರಾಶಿಗಳಿಗಿಂತ ತುಸು ಹೆಚ್ಚಿನ ಪರಿಣಾಮ ಉಂಟಾಗಲಿದೆ. ಅಂತೆಯೇ ಈ ಬಾರಿ ಶ್ರವಣ ನಕ್ಷತ್ರದಲ್ಲಿ ಚಂದ್ರ ಗ್ರಹಣ ನಡೆಯಲಿದ್ದು, ಶ್ರವಣ ನಕ್ಷತ್ರದವರ ಮೇಲೆ ಉಳಿದ ರಾಶಿಗಳಿಗಿಂತ ಹೆಚ್ಚಿನ ಪರಿಣಾಮ ಉಂಟಾಗಲಿದೆ. ಇದಕ್ಕೆ ಅನೇಕ ಸರಳ ಪರಿಹಾರಗಳನ್ನೂ ಸೂಚಿಸಲಾಗಿದ್ದು, ಸರಳ ಶ್ಲೋಕಗಳನ್ನು ಹೇಳಿಕೊಳ್ಳುವ ಮೂಲಕ ಪರಿಹಾರ ಕಂಡುಕೊಳ್ಳಬಹುದಾಗಿದೆ.