ಶೀಘ್ರದಲ್ಲಿಯೇ 1 ರಿಂದ 20 ರೂಪಾಯಿವರೆಗಿನ ಹೊಸ ನಾಣ್ಯಗಳ ಬಿಡುಗಡೆ

ನವದೆಹಲಿ: ಶೀಘ್ರದಲ್ಲಿಯೇ  1 ರಿಂದ 20 ರೂಪಾಯಿವರೆಗಿನ ಹೊಸ ನಾಣ್ಯಗಳನ್ನು ಬಿಡುಗಡೆ ಮಾಡಲಾಗುವುದು ಎಂದು ಕೇಂದ್ರ ಸಚಿವೆ ನಿರ್ಮಲಾ ಸೀತಾರಾಮನ್ ಹೇಳಿದ್ದಾರೆ.

ಲೋಕಸಭೆಯಲ್ಲಿಂದು ಬಜೆಟ್ ಮಂಡನೆ ವೇಳೆಯಲ್ಲಿ ಈ ವಿಷಯ ತಿಳಿಸಿದ ನಿರ್ಮಲಾ ಸೀತಾರಾಮನ್, 1 ರೂ.  2, 10 ಹಾಗೂ 20 ರೂಪಾಯಿವರೆಗಿನ ಹೊಸ ನಾಣ್ಯಗಳನ್ನು ಪ್ರಧಾನಿ ನರೇಂದ್ರ ಮೋದಿ ಮಾರ್ಚ್ 7 ರಂದು ಬಿಡುಗಡೆಗೊಳಿಸಿದ್ದಾರೆ. ಇವುಗಳನ್ನು ಸದ್ಯದಲ್ಲಿಯೇ ಸಾರ್ವಜನಿಕರ ಬಳಕೆಗೆ ದೊರೆಯುವಂತೆ ಕ್ರಮ ಕೈಗೊಳ್ಳಲಾಗುವುದು ಎಂದರು.

ಹಲವು ವೈಶಿಷ್ಠ್ಯತೆಯೊಂದಿಗೆ   ಸುಲಭವಾಗಿ ಗುರುತಿಸುವಂತೆ ಈ ನಾಣ್ಯಗಳನ್ನು ರಾಷ್ಟ್ರೀಯ ವಿನ್ಯಾಸ ಸಂಸ್ಥೆ ವಿನ್ಯಾಸಗೊಳಿಸಿದೆ. ಇದಲ್ಲದೇ, ಈ ನಾಣ್ಯಗಳು ಆಗಲ ಹಾಗೂ ತೂಕವನ್ನು ಹೊಂದಿವೆ ಎಂದು ನಿರ್ಮಲಾ ಸೀತಾರಾಮನ್ ತಿಳಿಸಿದರು.

ಎಲ್ಲಾ ನಾಣ್ಯಗಳಲ್ಲೂ  ಅಶೋಕ ಚಿಹ್ಹೆ ಇರಲಿದೆ. ಇದರ ಕೆಳಗಡೆ ಹಿಂದಿಯಲ್ಲಿ ಸತ್ಯಮೇವ ಜಯತೇ ಎಂಬ ಲಿಪಿ ಇರುತ್ತದೆ. ಎಡಗಡೆ ಹಿಂದಿಯಲ್ಲಿ ಭಾರತ್ ಎಂದು , ಬಲಗಡೆ ಇಂಡಿಯಾ ಎಂದು ಇಂಗ್ಲೀಷ್ ನಲ್ಲಿ ಬರೆದಿರಲಾಗುತ್ತದೆ.