ವೊಡಾಫೋನ್ ಪರ ತೀರ್ಪು

ಮುಂಬೈ: ಹಚಿಸನ್ ಖರೀದಿಗೆ ಸಂಬಂಧಿಸಿದ ರು.8,500 ಕೋಟಿ ತೆರಿಗೆ ಪಾವತಿ ವಿವಾದದಲ್ಲಿ ಬಾಂಬೆ ಹೈಕೋರ್ಟ್ ವೊಡಾಫೋನ್ ಪರ ತೀರ್ಪು ನೀಡಿದೆ. 

2007ರಲ್ಲಿ ವೊಡಾಫೋನ್ ತನ್ನ ಕಾಲ್‍ಸೆಂಟರ್ ವಹಿವಾಟನ್ನು ಹಚಿಸನ್‍ಗೆ ಮಾರಾಟ ಮಾಡಿತ್ತು. ಈ ಡೀಲ್ ನಲ್ಲಿ ಗಳಿಸಿದ್ದ ಲಾಭಕ್ಕೆ ರು.8,500 ಕೋಟಿ ತೆರಿಗೆ ಪಾವತಿಸಬೇಕೆಂದು ತೆರಿಗೆ ನ್ಯಾಯ ಮಂಡಳಿ ಕಳೆದ ವರ್ಷ ತೀರ್ಪು ನೀಡಿತ್ತು. 

ಇದನ್ನು ಪ್ರಶ್ನಿಸಿ ವೊಡಾಫೋನ್ ಹೈಕೋರ್ಟ್ ಮೆಟ್ಟಿಲೇರಿತ್ತು. ಈ ತೀರ್ಪು ತುಂಬಾ ಪ್ರಮುಖವಾಗಿದೆ. ಯುಪಿಎ ಸರ್ಕಾರದ ಅವಧಿಯಲ್ಲಿ ನಡೆದಿದ್ದ ಹಲವು ಡೀಲ್‍ಗಳಿಗೆ ಸಂಬಂಧಿಸಿದ ಪ್ರಕರಣಗಳು ನ್ಯಾಯಾಲಯದಲ್ಲಿವೆ. ಈ ಕಾರಣದಿಂದಾಗಿ ಯುಪಿಎ ಸರ್ಕಾರ ದೇಶದ ತೆರಿಗೆ ನೀತಿಯನ್ನು ಪೂರ್ವಾನ್ವಯವಾಗುವಂತೆ ತಿದ್ದುಪಡಿ ಮಾಡಲು ಮುಂದಾಗಿತ್ತು. ಆದರೆ ಹಾಲಿ ಎನ್ ಡಿಎ ಸರ್ಕಾರ ಅಂತಹ ಯೋಜನೆಯನ್ನು ಕೈಬಿಟ್ಟಿದೆ.