ಮುಂಬೈಯ ಮಾಹಿತಿ ಹಕ್ಕು ಕಾರ್ಯಕರ್ತ ಜಿತೇಂದ್ರ ಘಡ್ಗೆ ಕೇಳಿದ ಪ್ರಶ್ನೆಗೆ ಮಂಡಳಿ ಉತ್ತರ ನೀಡಿದೆ. ಕಳೆದ ಡಿಸೆಂಬರ್ ತಿಂಗಳಲ್ಲಿ ಹಣಕಾಸು ಸಚಿವಾಲಯ ''blackmoneyinfo@incometax.gov.in'' ಎಂಬ ಇಮೇಲ್ ಸೃಷ್ಟಿಸಿತ್ತು. ಕಪ್ಪು ಹಣದ ಬಗ್ಗೆ ಈ ಇಮೇಲ್ ವಿಳಾಸಕ್ಕೆ 38,068 ಮೇಲ್ ಗಳು ಬಂದಿದ್ದು ಅವುಗಳಲ್ಲಿ 6,050 ಅಥವಾ ಶೇಕಡಾ 16ರಷ್ಟು ಮೇಲ್ ಗಳನ್ನು ಸಂಬಂಧಪಟ್ಟ ಆದಾಯ ತೆರಿಗೆ ಇಲಾಖೆಯ ಮಹಾ ನಿರ್ದೇಶಕರಿಗೆ(ತನಿಖೆ) ಹೆಚ್ಚಿನ ವಿಚಾರಣೆಗೆ ಹಸ್ತಾಂತರಿಸಲಾಗಿದೆ ಎಂದು ಮೊನ್ನೆ ಏಪ್ರಿಲ್ 7ರಂದು ಉತ್ತರ ನೀಡಲಾಗಿದೆ. ಉಳಿದ 32,018 ಇಮೇಲ್ ಗಳನ್ನು ಯಾವುದೇ ಕ್ರಮ ತೆಗೆದುಕೊಳ್ಳದೆ ಮುಚ್ಚಿಹಾಕಲಾಗಿದೆ ಎಂದು ಗೊತ್ತಾಗಿದೆ.