ಕಾರ್ಪೊರೇಟ್ ತೆರಿಗೆ ಕಡಿತದ ಮುಖ್ಯಾಂಶಗಳು ಹೀಗಿವೆ

ಕೇಂದ್ರ ವಿತ್ತ ಖಾತೆ ಸಚಿವೆ ನಿರ್ಮಲಾ ಸೀತಾರಾಮನ್ ಶುಕ್ರವಾರ ಪ್ರಕಟಿಸಿದ ಕೊರ್ಪೊರೇಟ್ ತೆರಿಗೆ ಇಳಿಕೆಯ ಮುಖ್ಯಾಂಶಗಳು ಇಂತಿವೆ.
 

Published: 20th September 2019 02:38 PM  |   Last Updated: 20th September 2019 02:38 PM   |  A+A-


Union Minister for Finance Nirmala Sitharaman, accompanied by MoS for Finance Anurag Thakur,

ಗೋವಾದಲ್ಲಿ ಸುದ್ದಿಗೋಷ್ಠಿ ಉದ್ದೇಶಿಸಿ ಮಾತನಾಡಿದ ವಿತ್ತಖಾತೆ ಸಚಿವೆ ನಿರ್ಮಲಾ ಸೀತಾರಾಮನ್

Posted By : Sumana Upadhyaya
Source : PTI

ಗೋವಾ: ಕೇಂದ್ರ ವಿತ್ತ ಖಾತೆ ಸಚಿವೆ ನಿರ್ಮಲಾ ಸೀತಾರಾಮನ್ ಶುಕ್ರವಾರ ಪ್ರಕಟಿಸಿದ ಕೊರ್ಪೊರೇಟ್ ತೆರಿಗೆ ಇಳಿಕೆಯ ಮುಖ್ಯಾಂಶಗಳು ಇಂತಿವೆ.


1. ಯಾವುದೇ ಪ್ರೋತ್ಸಾಹ / ವಿನಾಯಿತಿಗಳನ್ನು ಸರ್ಕಾರದಿಂದ ಪಡೆಯದ ದೇಶೀಯ ಕಂಪನಿಗಳ ಕಾರ್ಪೊರೇಟ್ ದರ ಶೇಕಡಾ 22 ಕ್ಕೆ ಇಳಿಸಲಾಗಿದೆ, ; ಹಿಂದಿನ ದರ ಶೇಕಡಾ 30ರಷ್ಟಾಗಿತ್ತು.


2. ಅಂತಹ ದೇಶೀಯ ಕಂಪನಿಗಳಿಗೆ ತೆರಿಗೆ ದರವು ಈಗ ಸೆಸ್ ಮತ್ತು ಹೆಚ್ಚುವರಿ ಶುಲ್ಕ ಸೇರಿದಂತೆ ಶೇಕಡಾ 25.17 ರಷ್ಟಿದೆ; ಈ ಹಿಂದೆ ಅದು ಶೇಕಡಾ 34.94 ರಷ್ಟಿತ್ತು


3. ಅಲ್ಲದೆ, ಅಂತಹ ಕಂಪನಿಗಳು ಕನಿಷ್ಠ ಪರ್ಯಾಯ ತೆರಿಗೆಯನ್ನು (MAT) ಪಾವತಿಸುವ ಅಗತ್ಯವಿಲ್ಲ


4. ಅಕ್ಟೋಬರ್ 1, 2019 ರಂದು ಅಥವಾ ನಂತರ ಅಸ್ಥಿತ್ವಕ್ಕೆ ಬಂದ ಹೊಸ ದೇಶೀಯ ಕಂಪನಿಗಳು, ಉತ್ಪಾದನೆಯಲ್ಲಿ ಹೊಸ ಹೂಡಿಕೆ ಮಾಡುವುದರಿಂದ 15 ಪಿಸಿ ದರದಲ್ಲಿ ಆದಾಯ ತೆರಿಗೆ ಪಾವತಿಸಬಹುದು; ಹಿಂದಿನ ದರ 25 ಪಿಸಿ ಆಗಿತ್ತು.


5. ಆದಾಗ್ಯೂ, ಕಂಪನಿಗಳು ಯಾವುದೇ ವಿನಾಯಿತಿ / ಪ್ರೋತ್ಸಾಹಕವನ್ನು ಪಡೆಯದಿದ್ದರೆ ಮತ್ತು ಮಾರ್ಚ್ 31, 2023 ರೊಳಗೆ ಉತ್ಪಾದನೆಯನ್ನು ಪ್ರಾರಂಭಿಸಿದರೆ ಮಾತ್ರ ಅಂತಹ ಕಂಪೆನಿಗಳಿಗೆ ಕಡಿಮೆ ತೆರಿಗೆ ಅನ್ವಯಿಸುತ್ತದೆ


6. ಅಂತಹ ಕಂಪೆನಿಗಳಿಗೆ ತೆರಿಗೆ ದರವು ಹೆಚ್ಚುವರಿ ಶುಲ್ಕ ಮತ್ತು ಸೆಸ್ ಅನ್ನು ಒಳಗೊಂಡಂತೆ ಶೇಕಡಾ 17.01 ಆಗಿರುತ್ತದೆ; ಹಿಂದಿನ ದರವು ಶೇಕಡಾ 29.12 ರಷ್ಟಿತ್ತು.


7. ಈ ಕಂಪನಿಗಳು ಸಹ MAT ಪಾವತಿಸುವ ಅಗತ್ಯವಿಲ್ಲ


8. ವಿನಾಯಿತಿ / ಪ್ರೋತ್ಸಾಹಕವನ್ನು ಪಡೆಯುವುದನ್ನು ಮುಂದುವರಿಸುವ ಕಂಪನಿಗಳಿಗೆ, ಮ್ಯಾಟ್(MAT) ಅನ್ನು ಶೇಕಡಾ 18.5 ರಿಂದ 15 ಕ್ಕೆ ಇಳಿಸಲಾಗಿದೆ.


9. ವಿದೇಶಿ ಬಂಡವಾಳ ಹೂಡಿಕೆದಾರರ (ಎಫ್‌ಪಿಐ) ಭದ್ರತೆಯ ಮಾರಾಟದ ಮೇಲಿನ ಬಂಡವಾಳ ಲಾಭಕ್ಕೂ ವರ್ಧಿತ ಹೆಚ್ಚುವರಿ ಶುಲ್ಕ ಅನ್ವಯಿಸುವುದಿಲ್ಲ.


10. ಕಳೆದ ಬಾರಿಯ ಕೇಂದ್ರ ಸರ್ಕಾರದ ಬಜೆಟ್‌ನಲ್ಲಿ ಪರಿಚಯಿಸಲಾದ ವರ್ಧಿತ ಹೆಚ್ಚುವರಿ ಶುಲ್ಕವು ಸೆಕ್ಯುರಿಟೀಸ್ ಟ್ರಾನ್ಸಾಕ್ಷನ್ ಟ್ಯಾಕ್ಸ್ (ಎಸ್‌ಟಿಟಿ) ಗೆ ಹೊಣೆಗಾರಿಕೆಯಲ್ಲಿರುವ ಈಕ್ವಿಟಿ ಷೇರುಗಳ ಮಾರಾಟದಿಂದ ಉಂಟಾಗುವ ಬಂಡವಾಳ ಲಾಭದ ಮೇಲೆ ಅನ್ವಯಿಸುವುದಿಲ್ಲ.


11. 2019 ರ ಜುಲೈ 5 ರ ಮೊದಲು ಕಂಪನಿಗಳು ಈ ಬಗ್ಗೆ ಪ್ರಕಟಣೆ ನೀಡಿದ್ದರೆ ಷೇರುಗಳ ಮರುಖರೀದಿಯ ಮೇಲೆ ಯಾವುದೇ ತೆರಿಗೆ ವಿಧಿಸಲಾಗುವುದಿಲ್ಲ


12. ಕಾರ್ಪೊರೇಟ್ ಸಾಮಾಜಿಕ ಜವಾಬ್ದಾರಿ (ಸಿಎಸ್ಆರ್) ಚಟುವಟಿಕೆಗಳ ವ್ಯಾಪ್ತಿಯನ್ನು ವಿಸ್ತರಿಸಲಾಗಿದೆ


13. ಕಡಿಮೆ ತೆರಿಗೆ ದರ ಏಪ್ರಿಲ್ 1, 2019 ರಿಂದ ಜಾರಿಗೆ ಬರುತ್ತದೆ.


14. ಆದಾಯ ತೆರಿಗೆ ಕಾಯ್ದೆ 1961 ಮತ್ತು ಹಣಕಾಸು ಕಾಯ್ದೆ 2019 ರಲ್ಲಿ ಬದಲಾವಣೆ.

Stay up to date on all the latest ವಾಣಿಜ್ಯ news with The Kannadaprabha App. Download now
facebook twitter whatsapp