ನವದೆಹಲಿ: ವಾಲ್ಮಾರ್ಟ್ ಒಡೆತನದ ಡಿಜಿಟಲ್ ಪಾವತಿಗಳ ಆ್ಯಪ್ ಫೋನ್ ಪೇ ಇದೀಗ ವಹಿವಾಟುದಾರರಿಗೆ ಎಕ್ಸ್ ಟ್ರಾ ಚಾರ್ಜ್ ಮಾಡಲಿದೆ. ಸದ್ಯ ಮೊಬೈಲ್ ರೀಚಾರ್ಜ್ ಮಾಡಿದರೆ ಹೆಚ್ಚುವರಿಯಾಗಿ ಹಣವನ್ನು ಪಾವತಿ ಮಾಡಬೇಕಿದೆ.
50 ರೂಪಾಯಿಗಿಂತ ಹೆಚ್ಚು ಮೊಬೈಲ್ ರಿಚಾರ್ಜ್ ಮಾಡಿದರೆ ಆ ವಹಿವಾಟಿನ ಮೇಲೆ 1 ರಿಂದ 2 ರೂಪಾಯಿ ಪ್ರೊಸೆಸಿಂಗ್ ಶುಲ್ಕ ವಿಧಿಸಲಾಗುವುದು ಎಂದು ಕಂಪನಿ ಹೇಳಿದೆ.
50 ರೂ.ಗಿಂತ ಕಡಿಮೆ ರೀಚಾರ್ಜ್ ಗಳಿಗೆ ಶುಲ್ಕ ವಿಧಿಸಲಾಗುವುದಿಲ್ಲ. ರೂ 50 ರಿಂದ ರೂ. 100 ರ ನಡುವಿನ ರೀಚಾರ್ಜ್ ಗಳಿಗೆ ರೂ. 1 ಮತ್ತು ರೂ. 100 ಕ್ಕಿಂತ ಹೆಚ್ಚಕ್ಕೆ ಎರಡು ರೂ. ವಿಧಿಸಲಾಗುತ್ತದೆ.
ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್ ಮತ್ತು ವ್ಯಾಲೆಟ್ನಿಂದ ರೂ. 50 ಕ್ಕಿಂತ ಹೆಚ್ಚಿನ ಮೌಲ್ಯದ ವಹಿವಾಟು ಮಾಡಿದ್ರೆ, ಫೋನ್ ಪೇ ಶುಲ್ಕವನ್ನು ವಿಧಿಸುತ್ತಿದೆ. ಸದ್ಯ ಇದು ಸಣ್ಣ ಪ್ರಮಾಣದ ಪ್ರಯೋಗ ಎಂದು ಕಂಪೆನಿ ಹೇಳಿದೆ.
Advertisement