"ರಾಜ ಸತ್ಯವ್ರತ, ಏಳು. ಗಾಳಿಯಲ್ಲಿ ತೇಲು. ಹೊರಡು, ಸ್ವರ್ಗದಾರಿಯಲ್ಲಿ ಚಲಿಸು. ಅಮರಾವತಿಯ ಮುಖ್ಯ ದ್ವಾರದ ವರೆವಿಗೆ ದಾರಿ ಸೃಷ್ಟಿ ಮಾಡಿದ್ದೇನೆ ನಾನು. ನಡೆ, ಏಕೆ ಇನ್ನೂ ಕುಳಿತಿರುವೆ? ಏಳು. " ವಿಶ್ವಮಿತ್ರರು ಹೇಳುತ್ತಿದ್ದರೂ ,ರಾಜ ಯತ್ನಿಸುತ್ತಿದ್ದರೂ ಏಳಲೇ ಆಗುತ್ತಿಲ್ಲ. ತಲೆಯ ಮೇಲೆ ಏನೋ ಕೆಳಗೆ ಚುಚ್ಚಿ ನೂಕಿದಂತೆ, ಭುಜಗಳ ಮೇಲೆ ಕಲ್ಲು ಕಟ್ಟಿದಂತೆ. " ಗುರುಗಳೇ , ನೆಲಕ್ಕೆ ಅಂಟಿಕೊಂಡಂತಾಗುತ್ತಿದೆ. ಯಾರೋ ಏಳಲಿಕ್ಕೆ ಆಗದಂತೆ ಕೆಳಕ್ಕೆ ನೂಕುತ್ತಿರುವಂತಿದೆ. " ನೆಟ್ಟದೃಷ್ಟಿಯಿಂದ ನೋಡುತ್ತಿರುವ ಭೃಗು ಮಹರ್ಷಿಗಳು ಹೇಳಿದರು, " ಯಾರಿಗೂ ಕಾಣಿಸುತ್ತಾ ಇಲ್ಲವ? ರಾಜರ ತಲೆ - ಭುಜಗಳ ಮೇಲೆ ಮೂರು ಶೂಲಗಳು ಇರೋದು? " ಒಳಗಣ್ಣನ್ನು ತೆಗೆದು ನೋಡಿದ ಹರಾನಂದರು ಹೇಳಿದರು, " ಓಹ್ ! ಅವು ಮೂರು ಶಾಪಗಳು, ಅವೇ ಮೂರು ಶಂಕುಗಳು, ತ್ರಿಶಂಕು !