ಪಕ್ಕದಲ್ಲಿ ಹಾದುಹೋಗುತ್ತಿದ್ದ ಶ್ರೀರಾಮರಿಗೆ ಆ ಅಕರಾಳ-ವಿಕರಾಳ ಗುಡ್ಡದಂತಹ ದೇಹ, ಅದಕ್ಕಂಟಿದ ಜಿಡ್ಡು - ಜಿಡ್ಡು ಕಂದು ಬಣ್ಣಕ್ಕೆ ತಿರುಗಿದ್ದ ರಕ್ತಲೇಪ, ಮರದ ಬೇರುಗಳು ಇಳಿದಂತೆ ಇಳಿದಿರುವ ತಲೆಗೂದಲು, ಆನೆಯ ಕಾಲಿನಂತಹ ಕೈಗಳು , ತನ್ನ ಕೈಗಿನ್ನ ತುಸು ದಪ್ಪನಾದ ಬೆರಳುಗಳು, ಮುಖವೋ ಅತ್ಯಂತ ಅಸಹ್ಯ. ಹುಟ್ಟಿನಿಂದಲೂ ತೊಳೆದೇ ಇಲ್ಲವೇನೋ ಎಂಬ ಕೊಳಕು, ಕೋರೆ ಹಲ್ಲುಗಳಿಗೆ ಸಿಕ್ಕಿರುವ ಮಾಂಸದ ತುಂಡುಗಳು, ಗುಹೆಯಂತಹ ಬಾಯಿ, ಈಗದು ಬಿಟ್ಟುಕೊಂಡಿರುವುದರಿಂದ ಸುರಂಗದಂತಹ ಚರಂಡಿ, ತೆರೆದೇ ಇರುವ ಒಂದೊಂದು ರಕ್ತ ಕಣ್ಣೂ ದೊಡ್ಡ ಬಾಂಡ್ಲಿಗಳಂತೆ... ಅಬ್ಬಬ್ಬ!