ಔರಾದ್: ತಾಲೂಕಿನ ಬೆಳಕೋಣಿ (ಚೌ) ಗ್ರಾಮದ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ಎಫ್‌ಪಿಎಐ ಹಾಗೂ ಸೇತು ಯೋಜನೆಯಡಿಯಲ್ಲಿ ಗುರುವಾರ ವಿಶ್ವ ಜನಸಂಖ್ಯಾ ದಿನಾಚಾರಣೆ ಆಚರಿಸಲಾಯಿತು.
ಶಾಲೆಯ ಮುಖ್ಯಗುರು ಕಿಶೋರ ಕುಲಕರ್ಣಿ ಮಾತನಾಡಿ, ದೇಶದಲ್ಲಿ ಹೆಚ್ಚುತ್ತಿರುವ ಜನಸಂಖ್ಯೆಯಿಂದ ಬಡತನ, ನಿರುದ್ಯೋಗ ಹೆಚ್ಚಳಕ್ಕೂ ಕಾರಣವಾಗುತ್ತಿದೆ ಎಂದು ವಿಷಾದ ವ್ಯಕ್ತಪಡಿಸಿದರು.
ಸರ್ಕಾರ ಜನಸಂಖ್ಯಾ ನಿಯಂತ್ರಣಕ್ಕೆ ಕಾನೂನು ರೂಪಿಸಿದರೂ ಸಾರ್ವಜನಿಕರು ಕಾನೂನು ಪಾಲಿಸದೆ ಜನಸಂಖ್ಯೆ ಹೆಚ್ಚಳಕ್ಕೆ ಕಾರಣರಾಗುತ್ತಿದೆ.
ಜನರಲ್ಲಿ ಅರಿವು ಮೂಡಿಸುವ ಮೂಲಕ ಜನಸಂಖ್ಯೆಯನ್ನು ನಿಯಂತ್ರಣಕ್ಕೆ ತರಬೇಕಾಗಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.
ಸೇತು ಯೋಜನೆ ಅಧಿಕಾರಿ ಶ್ರೀನಿವಾಸ ಬಿರಾದಾರ್ ಮಾತನಾಡಿ, ಜನಸಂಖ್ಯೆ ಒಂದು ಪೀಡುಗಾಗಿದ್ದು, ಇದರ ನಿಯಂತ್ರಣ ನಮ್ಮೆಲ್ಲರ ಹೊಣೆಯಾಗಿದೆ ಎಂದ ಅವರು, ಜನಸಂಖ್ಯೆ ನಿಯಂತ್ರಣಕ್ಕೆ ಬಾರದಿದ್ದಲ್ಲಿ ಮುಂದೆ ಭಾರಿ ಬೇಲೆ ತೆರಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.
ಸೇತು ಯೋಜನೆ ಮತ್ತೊಬ್ಬ ಅಧಿಕಾರಿ ರಾಜಕುಮಾರ ಬಿರಾದಾರ್, ಮಲ್ಲಿಕಾರ್ಜುನ ಗೌಡಾ, ತುಕಾರಾಮ, ಅನಿಲ, ಶರಣಪ್ಪಾ, ವೈದ್ಯರಾದ ಡಾ. ಅನೀತಾ, ಶಿಕ್ಷಕರಾದ ಮಾಹಾದೇವ, ನವನಾಥ, ರೇಖಾ, ರಮೇಶ ಹಣಮಂತ, ಸುಧಾಕರ ನಾಗಯ್ಯಾ ಸೇರಿದಂತೆ ಇನ್ನಿತರರು ಉಪಸ್ಥಿತರಿದ್ದರು.
